കൃഷ്ണേന്തു ഹാഷിർ, എസ്.എസ് സഫ, ആമിന മനാൽ ഷമീം, മുഹമ്മദ് റയ്യാൻ, ഖുഷ്നൂർ ഷാഹ്, മുഹമ്മദ് ഫൗസാൻ, റുഷ്‌ദ ഷബീർ, മുഹമ്മദ് ഹാഷിഫ്, ലാമിയ ബസ്മി അൻവർ
റിയാദ്: സി.ബി.എസ്.ഇ 10, 12 ക്ലാസ്സുകളുടെ പരീക്ഷ ഫലം പ്രഖ്യാപിച്ചപ്പോൾ റിയാദ് അൽ യാസ്മിൻ ഇന്റർനാഷനൽ സ്കൂൾ മികച്ച വിജയം കാഴ്ചവെച്ചു. പന്ത്രണ്ടാം ക്ലാസ് സയൻസ് വിഭാഗത്തിൽ കൃഷ്ണേന്തു ഹാഷിർ 95.2 ശതമാനത്തോടുകൂടി ഒന്നാം റാങ്ക് കരസ്ഥമാക്കി. എസ്.എസ് സഫ (94.8 ശതമാനം), ആമിന മനാൽ ഷമീം (94 ശതമാനം) എന്നിവർ യഥാക്രമം രണ്ട്, മൂന്ന് സ്ഥാനങ്ങളും നേടി. കൊമേഴ്‌സ് വിഭാഗത്തിൽ മുഹമ്മദ് റയ്യാൻ ആണ് 94 ശതമാനത്തോടെ ഒന്നാം റാങ്കിന് അർഹനായത്. ഖുഷ്നൂർ ഷാഹ് (93 ശതമാനം), മുഹമ്മദ് ഫൗസാൻ (85.6 ശതമാനം) തുടങ്ങിയവർ യഥാക്രമം രണ്ട്, മൂന്ന് സ്ഥാനങ്ങളും നേടി. സയൻസിലും കൊമേഴ്സിലുമായി എട്ട് കുട്ടികൾ 90 ശതമാനത്തിനു മുകളിൽ മാർക്ക് കരസ്ഥമാക്കി.
പത്താം ക്ലാസ് പരീക്ഷയിലും വിദ്യാർത്ഥികൾ മികച്ച പ്രകടനത്തിലൂടെ നൂറു ശതമാനം വിജയം കരസ്ഥമാക്കി. റുഷ്‌ദ ഷബീർ 95.8 ശതമാനം മാർക്കോടെ ഒന്നാം റാങ്ക് കരസ്ഥമാക്കി. മുഹമ്മദ് ഹാഷിഫ് (94.2 ശതമാനം), ലമ്യ ബസ്മി അൻവർ (93.6 ശതമാനം) എന്നിവർ രണ്ടും മൂന്നും സ്ഥാനങ്ങളും നേടി. 17 കുട്ടികൾ 90 ശതമാനത്തിനു മുകളിലും മാർക്ക് നേടി. അൽ യാസ്മിൻ ഇന്റർനാഷണൽ സ്കൂൾ മാനേജ്‌മന്റ്, കോംപ്ലക്സ് മാനേജർ അബ്ദുൽ ഇലാഹ് അൽ മൊയ്‌ന, പ്രിൻസിപ്പൽ ഡോ. ഷൗക്കത് പർവേസ്, സ്റ്റാഫ്‌ തുടങ്ങിയവർ കുട്ടികളെ അനുമോദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.