റിയാദിലെ ഗ്രാൻഡ് ഹൈപ്പർ മാർക്കറ്റിൽ സംഘടിപ്പിച്ച ചെസ് മത്സര വിജയികൾക്ക് സമ്മാനങ്ങൾ വിതരണം ചെയ്തപ്പോൾ
റിയാദ്: ഗ്രാൻഡ് ഹൈപ്പർ മാർക്കറ്റ് റിയാദിൽ ലോക ചെസ് ദിനത്തോടനുബന്ധിച്ച് കുട്ടികൾക്കായി ചെസ് മത്സരം സംഘടിപ്പിച്ചു. ഹൈപ്പർ മാർക്കറ്റിൽ വിവിധ വിഭാഗങ്ങളായി തിരിച്ച് നടന്ന മത്സരത്തിൽ യുവതാരങ്ങളുടെ കഴിവുകൾ ശ്രദ്ധേയമായി. ജൂനിയർ ബോയ്സ് വിഭാഗത്തിൽ ഫർസിൻ വിജയിയും ഹിമേഷ് റണ്ണറപ്പുമായി. സീനിയർ ബോയ്സിൽ അനസ് അഹമ്മദ് വിജയിയും അമീഷ് മുഹമ്മദ് റണ്ണറപ്പുമായി.
പെൺകുട്ടികളുടെ വിഭാഗത്തിൽ ഹിബയാണ് വിജയി. സുമയ്യ റണ്ണറപ്പുമായി. വിജയികളെയും പങ്കെടുത്തവരെയും അഭിനന്ദിക്കുന്നതായി ഗ്രാൻഡ് ഹൈപ്പർ മാർക്കറ്റ് മാനേജ്മെൻറ് വാർത്താക്കുറിപ്പിൽ പറഞ്ഞു. ഭാവിയിലും ഇതുപോലുള്ള മത്സരങ്ങൾ സംഘടിപ്പിക്കുമെന്നും അവർ കൂട്ടിച്ചേർത്തു.
സമ്മാന വിതരണ പരിപാടിയിൽ ജനറൽ മാനേജർ സമീർ ബാബു, ബിസിനസ് ഡെവലപ് മാനേജർ തസ്ലീം, സ്റ്റോർ മാനേജർമാരായ ഫയാസ് ഫറാസ്, ശിഹാബ്, സുധീർ, മുസമ്മിൽ എന്നിവർ പങ്കെടുത്തു. കുട്ടികൾക്കായുള്ള ഇത്തരം പരിപാടികൾക്ക് ഇനിയും വേദി ഒരുക്കുമെന്ന് ഗ്രാൻഡ് ഹൈപ്പർ സൗദി ഹെഡ്ഡ് സനിൻ വാസിം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.