റിയാദ്: സൗദി അറേബ്യയിൽ കൂട്ടിയോജിപ്പിച്ച് പ്രവർത്തന സജ്ജമാക്കിയ ജെറ്റ് വിമാനത്തിെൻറ ആദ്യ പറക്കൽ പ്രതിരോധ മന്ത്രി അമീർ ഖാലിദ് ബിൻ സൽമാൻ ഉദ്ഘാടനം ചെയ്തു. ദേശീയ കൈകളാൽ രാജ്യത്തിനകത്ത് അസംബിൾ ചെയ്ത അവസാനത്തെ നൂതന ജെറ്റ് വിമാനമായ ഹോക്ക് ടി -165 ഉദ്ഘാടനം ചെയ്യാനും അതിൽ പ്രവർത്തിക്കുന്നവരെ ആദരിക്കാനും കഴിഞ്ഞതിൽ ഞാൻ സന്തുഷ്ടനാണെന്ന് പ്രതിരോധ മന്ത്രി എക്സ് പ്ലാറ്റ്ഫോമിൽ ട്വീറ്റ് ചെയ്തു.
സൈനിക വ്യവസായ മേഖലയിലേക്ക് സാങ്കേതികവിദ്യ കൈമാറുന്നതിലും പ്രാദേശികവൽക്കരിക്കുന്നതിലും കിരീടാവകാശിയുടെ ദർശനത്തിെൻറ വിജയത്തിെൻറ വിപുലീകരണമാണ് ഈ നേട്ടം പ്രതിഫലിപ്പിക്കുന്നതെന്നും പ്രതിരോധ മന്ത്രി കൂട്ടിച്ചേർത്തു. 25ാം വാർഷികത്തോടനുബന്ധിച്ച് സൗദി ഫാൽക്കൺസ് ടീം എയർക്രാഫ്റ്റിന് പുതിയ ഐഡൻറിറ്റി ലോഞ്ച് ചെയ്യാനായതിലും ഞാൻ സന്തുഷ്ടനാണ്. പ്രാദേശികവും അന്തർദേശീയവുമായ എയർ ഷോകളിലെ സൗദി ഫാൽക്കൺസ് ടീമിെൻറ പങ്കാളിത്തം തുടർന്നും വിജയിക്കട്ടെ എന്ന് ആശംസിക്കുന്നുവെന്നും പ്രതിരോധ മന്ത്രി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.