ദമ്മാം: ഗൾഫ് മാധ്യമം എജുകെഫ സീസൺ 2 സൗദി കിഴക്കൻ പ്രവിശ്യ വിദ്യാഭ്യാസ വകുപ്പ് ഡയറക്ടർ (േഫാറിൻ ആൻറ് പ്രൈവറ്റ് എജുക്കേഷൻ) അവദ് ബിൻ മുഹമ്മദ് അൽ മാലികി ഉദ്ഘാടനം ചെയ്യും. ഇന്ത്യൻ എംബസി ഫസ്റ്റ് സെക്രട്ടറി ഡോ. ഹിഫ്സു റഹ്മാൻ, സൗദി വിദ്യാഭ്യാസ വകുപ്പ് ഡെപ്യൂട്ടി ഡയറക്ടർ ഹുസൈൻ അൽ മഖ്ബൂൽ, എ.പി. എം മുഹമ്മദ് ഹനീഷ് െഎ. എ. എസ്, ദമ്മാം ഇൻറർ നാഷനൽ ഇന്ത്യൻ സ്കൂൾ മാനേജിങ് കമ്മിറ്റി ചെയർമാൻ ഡോ. സെയിദ് സൈനുൽ ആബിദീൻ, പ്രിൻസിപ്പൽ ഡോ. മുഹമ്മദ് ഷാഫി തുടങ്ങിയവർ വിശിഷ്ടാതിഥികളാവും.
ഗൾഫ് മാധ്യമം ചീഫ് എഡിറ്റർ വി.കെ ഹംസ അബ്ബാസ്, റസിഡൻറ് എഡിറ്റർ പി. െഎ നൗഷാദ്, ഇന്ത്യൻ സ്കൂൾ മാനേജിങ് കമ്മിറ്റി അംഗങ്ങളായ ഇർഫാൻ ഇഖ്ബാൽ ഖാൻ, സി.കെ റഷീദ് ഉമർ, മുഹമ്മദ് അബ്ദുൽ വാരിസ്, എം.എ ഹസ്നൈൻ, മാധ്യമം ജനറൽ മാനേജർ (മാർക്കറ്റിങ്) മുഹമ്മദ് റഫീഖ്, ഗൾഫ് മാധ്യമം സൗദി മുഖ്യരക്ഷാധികാരി സി.കെ നജീബ്, എക്സിക്യൂട്ടീവ് കമ്മിറ്റി ചെയർമാൻ കെ.എം ബഷീർ, ഒാപറേഷൻസ് ഡയറക്ടർ സലീം ഖാലിദ്, ലുലു ഗ്രൂപ് റീജ്യനൽ ഡയറക്ടർ അബ്ദുൽ ബഷീർ, ഫ്ലീറിയ ഗ്രൂപ് ഒാഫ് കമ്പനീസ് സി.ഇ.ഒ ഫസൽ റഹ്മാൻ, മൂലൻസ് ഗ്രൂപ് ഡയറക്ടർ വിജയ്, ഗൾഫ് മാധ്യമം മാർക്കറ്റിങ് മാനേജർ ഹിലാൽ ഹുസൈൻ തുടങ്ങിയവർ ഉദ്ഘാടനച്ചടങ്ങിൽ സംബന്ധിക്കും.
ദമ്മാം ഇൻറർനാഷനൽ ഇന്ത്യൻ സ്കൂളിലാണ് (േബായ്സ്) ശനിയാഴ്ച രാവിലെ ഒമ്പത് മണിയോടെ എജുകഫെ സീസൺ 2 ന് തിരശ്ശീലയുയരുക.
‘കരീർ ഡിവലപ്മെൻറ് സ്ട്രാറ്റജീസ്’ എന്ന വിഷയത്തിൽ എ.പി.എം മുഹമ്മദ് ഹനീഷ്, ‘ലൈഫ് ലെസൻസ് ഫോർ ഫ്യൂച്ചർ സക്സസ്’ എന്ന വിഷയത്തിൽ ചലച്ചിത്ര സംവിധായകനും പ്രമുഖ പരിശീലകനുമായ സെയിദ് സുൽത്താൻ തുടങ്ങിയവരുടെ സെഷനുകളാണ് ഉച്ചക്ക് മുമ്പ് നടക്കുക. വൈകുന്നേരം ലോകപ്രശസ്ത മെൻറലിസ്റ്റ് ആദി ആദർശിെൻറ വിജ്ഞാനവും വിസമയവും സമന്വയിപ്പിക്കുന്ന ഷോയാണ്. എജുകഫെ സീസൺ 2 സമാന്തര സെഷനുകളാലും സമ്പന്നമാണ്.എഞ്ചിനീയറിങ്, മെഡിക്കൽ, പ്യുർസയിൻസ്, ബിസിനസ് മാനേജ്മെൻറ്, ഫിനാൻസ്, ഡിവലപ്മെൻറൽ സ്റ്റഡീസ്, ജേർണലിസം, ലോ എന്നീ മേഖലകളിൽ കരീർ കൗൺസിലിങ് ഒരുക്കിയിട്ടുണ്ട്.
എൻ.എൽ.പി, സൈക്കോളജിക്കൽ കൗൺെസലിങ്, പാരൻറിങ് സെഷനുകളുമുണ്ടാവും. വിദ്യാർഥികൾക്കും രക്ഷിതാക്കൾക്കും ഒരുപോലെ ഉപകരിക്കുന്ന സെഷനുകളാണ് മേളയെ ശ്രദ്ധേയമാക്കുന്നത് എന്ന് ടീം എജുകഫെ അറിയിച്ചു. ഉച്ചക്ക് രണ്ട് മുതൽ 3.30 വരെയാണ് സമാന്തര സെഷനുകൾ. ഏപ്രിൽ ഏഴിന് രാവിലെ ഒമ്പത് മുതൽ വൈകുന്നേരം ഏഴര വരെയാണ് മേള. പ്രേവശനം തീർത്തും സൗജന്യമാണ്. ഒമ്പത് മുതൽ 12 വരെ ക്ലാസുകളിൽ പഠിക്കുന്ന അയ്യായിരത്തിൽ പരം വിദ്യാർഥികൾക്ക് പരിപാടി പ്രയോജനപ്പെടുത്താനുള്ള സൗകര്യം ഒരുക്കിയിട്ടുണ്ട്. വ്യവസായ വാണിജ്യ വിദ്യാഭ്യാസമേഖലയിലെ വിവിധ സ്ഥാപനങ്ങളുടെ സ്റ്റാളുകളും മേളയിലുണ്ടാവും. അവസാന ദിവസങ്ങളിലും രജിസ്ട്രേഷൻ തുടരുകയാണ്. ഒാൺലൈൻ രജിസ്ട്രേഷന് www.click4m.com.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.