2023 ക്ലബ് ലോകകപ്പ് തയാറെടുപ്പുകൾ പരിശോധിക്കാൻ ഫിഫ പ്രതിനിധിസംഘം റിയാദിൽ

റി​യാ​ദ്: 2023ലെ ​ക്ല​ബ് ലോ​ക​ക​പ്പി​ന് ആ​തി​ഥേ​യ​ത്വം വ​ഹി​ക്കാ​ൻ സൗ​ദി അ​റേ​ബ്യ ന​ട​ത്തി​യ ഒ​രു​ക്ക​ങ്ങ​ൾ വി​ല​യി​രു​ത്താ​ൻ ഫെ​ഡ​റേ​ഷ​ൻ ഇ​ൻ​റ​ർ​നാ​ഷ​ന​ൽ ഡി ​ഫു​ട്ബാ​ൾ അ​സോ​സി​യേ​ഷ​​ൻ (ഫി​ഫ) പ്ര​തി​നി​ധി സം​ഘം റി​യാ​ദി​ലെ​ത്തി. മൂ​ന്ന് ദി​വ​സ​ത്തെ സ​ന്ദ​ർ​ശ​ന​ത്തി​നെ​ത്തി​യ പ്ര​തി​നി​ധി സം​ഘ​ത്തെ സൗ​ദി അ​റേ​ബ്യ​ൻ ഫു​ട്ബാ​ൾ ഫെ​ഡ​റേ​ഷ​ൻ സ്വീ​ക​രി​ച്ചു. 2023 ഡി​സം​ബ​ർ 12 മു​ത​ൽ 22 വ​രെ ന​ട​ക്കു​ന്ന ടൂ​ർ​ണ​മെൻറി​ന് ആ​തി​ഥേ​യ​ത്വം വ​ഹി​ക്കാ​ൻ നി​ശ്ച​യി​ച്ചി​ട്ടു​ള്ള സ്​​റ്റേ​ഡി​യ​ങ്ങ​ളി​ലെ സൗ​ക​ര്യ​ങ്ങ​ളാ​ണ് പ്ര​തി​നി​ധി സം​ഘം പ്ര​ധാ​ന​മാ​യും വി​ല​യി​രു​ത്തു​ന്ന​ത്.

റി​യാ​ദി​ലെ കി​ങ് ഫ​ഹ​ദ് ഇ​ൻ​റ​ർ​നാ​ഷ​ന​ൽ സ്​​റ്റേ​ഡി​യം, അ​മീ​ർ ഫൈ​സ​ൽ ബി​ൻ ഫ​ഹ​ദ് സ്​​റ്റേ​ഡി​യം, കി​ങ് സ​ഊ​ദ് യൂ​നി​വേ​ഴ്‌​സി​റ്റി സ്​​റ്റേ​ഡി​യം എ​ന്നി​വ​യും റി​യാ​ദി​ലെ ഫു​ട്‌​ബാ​ൾ പ​രി​ശീ​ല​ന​കേ​ന്ദ്ര​ങ്ങ​ളും സം​ഘം സ​ന്ദ​ർ​ശി​ച്ചു. കാ​യി​ക സൗ​ക​ര്യ​ങ്ങ​ളും ടൂ​ർ​ണ​മെൻറി​ന്റെ ഒ​രു​ക്ക​വും പ​രി​ശോ​ധി​ക്കു​ന്ന​തി​നാ​യി പ്ര​തി​നി​ധി സം​ഘം ന​ട​ത്തു​ന്ന സ​ന്ദ​ർ​ശ​ന പ​ര​മ്പ​ര​ക​ളി​ൽ ആ​ദ്യ​ത്തേ​താ​ണി​ത്. ച​രി​ത്ര​ത്തി​ൽ ആ​ദ്യ​മാ​യാ​ണ് സൗ​ദി അ​റേ​ബ്യ ക്ല​ബ് വേ​ൾ​ഡ് ക​പ്പി​ന് ആ​തി​ഥേ​യ​ത്വം വ​ഹി​ക്കു​ന്ന​ത്. രാ​ജ്യ​ത്തി​​ന്റെ കാ​യി​ക മേ​ഖ​ല വി​ശേ​ഷി​ച്ച്, ഫു​ട്ബാ​ൾ രം​ഗം കൈ​വ​രി​ച്ച നേ​ട്ട​മാ​ണി​തെ​ന്നും രാ​ഷ്​​ട്ര നേ​തൃ​ത്വ​ത്തി​​ന്റെ ഉ​ദാ​ര​മാ​യ പി​ന്തു​ണ​യാ​ണ് കാ​ര​ണ​മെ​ന്നും സൗ​ദി അ​റേ​ബ്യ​ൻ ഫു​ട്ബാ​ൾ ഫെ​ഡ​റേ​ഷ​ൻ സെ​ക്ര​ട്ട​റി ജ​ന​റ​ൽ ഇ​ബ്രാ​ഹിം അ​ൽ-​ഖാ​സിം പ​റ​ഞ്ഞു.

ടൂ​ർ​ണ​മെൻറി​ന് ആ​തി​ഥേ​യ​ത്വം വ​ഹി​ക്കു​ന്ന​ത് വ​ഴി ‘ഫി​ഫ’​യു​മാ​യി കൂ​ടു​ത​ൽ സ​ഹ​ക​രി​ക്കാ​നു​ള്ള ഫു​ട്ബാ​ൾ ഫെ​ഡ​റേ​ഷ​​ന്റെ ആ​ഗ്ര​ഹം സ​ഫ​ല​മാ​കു​മെ​ന്നാ​ണ് ക​രു​തു​ന്ന​തെ​ന്ന് അ​ദ്ദേ​ഹം പ​റ​ഞ്ഞു. ലോ​ക​ത്തി​ലെ ഏ​റ്റ​വും മി​ക​ച്ച ക്ല​ബു​ക​ൾ ത​മ്മി​ലു​ള്ള മ​ത്സ​രം എ​ല്ലാ പ്രാ​യ​ത്തി​ലു​മു​ള്ള ഫു​ട്ബാ​ൾ പ്രേ​മി​ക​ൾ​ക്ക് കാ​ണാ​നു​ള്ള അ​വ​സ​ര​മാ​ണ് ഒ​രു​ങ്ങു​ന്ന​തെ​ന്നും അ​ൽ-​ഖാ​സിം പ​റ​ഞ്ഞു.