നാട്ടിലേക്ക് മടങ്ങുന്ന ഫ്രാങ്കോ ജോസിനുള്ള മലബാർ യുനൈറ്റഡ് എഫ്.സിയുടെ ഉപഹാരം നൗഷാദ് മാവൂർ നൽകുന്നു
ദമ്മാം: ദമ്മാം ഇന്ത്യൻ ഫുട്ബാൾ അസോസിയേഷൻ മുൻ ജനറൽ സെക്രട്ടറിയും മലബാർ യുനൈറ്റഡ് എഫ്.സിയുടെ പ്രസിഡൻറുമായ ഫ്രാങ്കോ ജോസിന് യാത്രയയപ്പ് നൽകി. കിഴക്കൻ പ്രവിശ്യയിലെ പ്രമുഖ ഫുട്ബാൾ ക്ലബായ മലബാർ യുനൈറ്റഡ് എഫ്.സിയാണ് ചടങ്ങ് സംഘടിപ്പിച്ചത്. അഞ്ച് വർഷത്തോളമായി മലബാർ യുനൈറ്റഡ് എഫ്.സിയുടെ പ്രസിഡൻറാണ് ഫ്രാങ്കോ ജോസ്. പ്രവാസം അവസാനിപ്പിച്ചു താൽക്കാലികമായി നാട്ടിലേക്ക് പോകുന്ന ഫ്രാങ്കോ ജോസ് കിഴക്കൻ പ്രവിശ്യയിലെ പ്രവാസി സമൂഹത്തിനിടയിൽ ഫുട്ബാളിെൻറ വളർച്ചക്ക് വലിയ പങ്കുവഹിച്ചിട്ടുണ്ട്. മലബാർ യുനൈറ്റഡ് എഫ്.സിക്ക് കീഴിലുള്ള ഫുട്ബാൾ കോച്ചിങ് അക്കാദമിയുടെ മാനേജർ കൂടിയാണ്.
യാത്രയയപ്പ് ചടങ്ങിൽ മലബാർ യുനൈറ്റഡ് എഫ്.സിയുടെ വൈസ് പ്രസിഡൻറ് നൗഷാദ് മാവൂർ അധ്യക്ഷത വഹിച്ചു. ക്ലബ് ചെയർമാൻ ഡോ. സാഹിദ് നസീർ ഉദ്ഘാടനം ചെയ്തു. നിലവിലെ വൈസ് പ്രസിഡൻറ് നൗഷാദ് മാവൂരിനെ മലബാർ യുനൈറ്റഡ് ഫുട്ബാൾ ക്ലബിെൻറ പുതിയ പ്രസിഡൻറായി തെരഞ്ഞെടുത്തു. ചടങ്ങിൽ പങ്കെടുത്ത മുഴുവൻ ക്ലബ് അംഗങ്ങളും ഫ്രാങ്കോ ജോസിന് ആശംസകൾ നേർന്നു. ആസിഫ് കൊണ്ടോട്ടി സ്വാഗതവും സുനീർ നന്ദിയും പറഞ്ഞു. അഷ്‌റഫ്‌ (ടീം മാനേജർ), ഷനൂബ്, അഫ്‌താബ്‌, ഫൈസൽ, സജിൻ, സിറാജ് മാവൂർ, ജംഷിദ്, ജവാദ് എന്നിവർ ഫ്രാങ്കോ ജോസിന് ഉപഹാരങ്ങൾ നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.