ജിസാൻ: ഹൃദയാഘാതം മൂലം മലയാളി സൗദി അറേബ്യയിലെ ജീസാനിൽ മരിച്ചു. ജിസാൻ ബെയിഷിന് സമീപം ആലിയയിൽ കൊല്ലം കൊട്ടാരക്കര വയക്കൽ സ്വദേശി സുമയ്യ മൻസിലിൽ കബീർ (50) ആണ് മരിച്ചത്. കഴിഞ്ഞ ദിവസം രാവിലെ ജോലിക്കുശേഷം ഭക്ഷണം കഴിഞ്ഞ് വിശ്രമിക്കുമ്പോൾ പെട്ടെന്ന് കുഴഞ്ഞുവീഴുകയായിരുന്നു.
ആശുപത്രിയിൽ എത്തും മുമ്പ് മരണം സംഭവിച്ചു. 10 വർഷമായി ആലിയയിൽ ബഖാലയിൽ ജോലി ചെയ്യുകയായിരുന്നു. മരണാന്തര പരിശോധനയിൽ കോവിഡ് ഫലം നെഗറ്റീവാണ്. മൃതദേഹം സബിയ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മരണവിവരം അറിഞ്ഞ് റിയാദിലുണ്ടായിരുന്ന സഹോദരങ്ങളായ സക്കീർ, സുധീർ എന്നിവർ ജിസാനിൽ എത്തിയിട്ടുണ്ട്. ഇവിടെ തന്നെ ഖബറടക്കാനുള്ള നടപടിക്രമങ്ങൾ റഷീദ് ബെയിഷിെൻറ മേൽനോട്ടത്തിൽ നടക്കുന്നു. ഭാര്യ: ഉമൈറ ബീവി, മക്കൾ: സുമയ്യ, സൽമ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.