റിയാദ്: അറിവിന്റെ നിർമാണവും കൈമാറ്റവും ലക്ഷ്യമാക്കി മലർവാടി റിയാദ് കുടുംബങ്ങളെ പങ്കെടുപ്പിച്ച് റമദാൻ ക്വിസ് സംഘടിപ്പിക്കുന്നു. ഏപ്രിൽ 13ന് രാത്രി 9.30ന് ഓൺലൈനായാണ് പരിപാടി. ഓഡിയോ, വിഡിയോ, ഒബ്ജക്ടിവ് മാതൃകയിലുള്ള 50 ചോദ്യങ്ങളുണ്ടാകും.
റമദാൻ, ഖുർആൻ, ഇസ്‌ലാമിക ചരിത്രം എന്നീ വിഷയങ്ങളെ ആസ്പദമാക്കിയായിരിക്കും പരിപാടി. ഒരു എൻട്രി വീതമായിരിക്കും ഓരോ കുടുംബത്തിനും. ആദ്യം രജിസ്റ്റർ ചെയ്യുന്ന 250 കുടുംബങ്ങളെ പങ്കെടുപ്പിക്കും. ആദ്യത്തെ അഞ്ചു സ്ഥാനങ്ങൾ കരസ്ഥമാക്കുന്നവർക്ക് കാഷ് പ്രൈസുകൾ വിതരണം ചെയ്യുമെന്ന് സംഘാടകർ അറിയിച്ചു. കുട്ടികൾക്കായി റമദാനോടനുബന്ധിച്ച് ഇഫ്താർ, സ്‌കോർ ഷീറ്റ്, റമദാൻ നന്മമരം എന്നീ പരിപാടികളും നടന്നുവരുന്നതായി കോഓഡിനേറ്റർ സാജിദ് ചേന്ദമംഗലൂർ പറഞ്ഞു.
റമദാൻ ക്വിസ് പരിപാടി മൈക്വിസ് എന്ന ആപ്പിലൂടെ വൈവിധ്യമാർന്ന അവതരണമായിരിക്കുമെന്നും ഏപ്രിൽ 12ന് രാത്രി 9.30ന് ഡെമോ നടക്കുമെന്നും അതിനു മുമ്പായി മലർവാടി ഗ്രൂപ്പുകളിലൂടെ രജിസ്റ്റർ ചെയ്യണമെന്നും അദ്ദേഹം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.