റിയാദ്: പ്രവാസി വെൽഫെയർ ദശവാർഷികത്തിന്റെ ഭാഗമായി പ്രവാസി ഫുട്ബാൾ ക്ലബിന്റെയും റിയാദ് ഇന്ത്യൻ ഫുട്ബാൾ അസോസിയേഷന്റെയും (റിഫ) ആഭിമുഖ്യത്തിൽ നടക്കുന്ന പ്രവാസി ചാമ്പ്യൻസ് ഫുട്ബാൾ ടൂർണമെന്റ് ട്രോഫിയുടെ ലോഞ്ചിങ് ശനിയാഴ്ച മലസിലെ ചെറീസ് റസ്റ്റാറന്റിൽ നടക്കും.
വെൽഫെയർ പാർട്ടി സംസ്ഥാന പ്രസിഡൻറ് റസാഖ് പാലേരി, നാഷനൽ പ്രസിഡൻറ് സാജു ജോർജ്, പ്രൊവിൻസ് പ്രസിഡൻറ് ഖലീൽ പാലോട്, റിഫ ഭാരവാഹികൾ, ക്ലബ്‌ പ്രതിനിധികൾ എന്നിവർ ചടങ്ങിൽ പങ്കെടുക്കും. രണ്ടാഴ്ച നീളുന്ന ഫുട്ബാൾ ടൂർണമെന്റിൽ 16 ടീമുകളാണ് മത്സരിക്കുന്നത്.
റിയാദ് - അൽ ഖർജ് റോഡിലെ അൽ ഇസ്കാൻ സ്റ്റേഡിയത്തിൽ അടുത്തയാഴ്ചയാണ് മത്സരങ്ങൾ. എസ്‌.ബി മിഡിലീസ്റ്റ് മുഖ്യ പ്രായോജകരായ ടൂർണമെന്റിൽ ഫൗരി, ചുട്ടി ആപ്പ്, കിസ്മ മെഡിക്കൽ സെന്റർ എന്നിവർ സഹപ്രായോജകരാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.