ശ്ര​ദ്ധേ​യ​മാ​യി ഹ്ര​സ്വ സി​നി​മ; സ്നേ​ഹ​ബ​ന്ധ​ങ്ങ​ളു​ടെ ഇ​ഴ​ക​ൾ നെ​യ്​​ത ‘ഇ​ത്​ പ്ര​വാ​സം, ഇ​ത്​ ജീ​വി​തം’

അ​ൽ ഖോ​ബാ​ർ: പ്ര​വാ​സ​ത്തി​​ന്റെ ഊ​ഷ​ര​ത​യി​ൽ​നി​ന്ന് സ്നേ​ഹ​ബ​ന്ധ​ങ്ങ​ളു​ടെ ഹൃ​ദ​യ​സ്പ​ർ​ശി​യാ​യ ക​ഥ പ​റ​യു​ന്ന ‘ഇ​ത്​ പ്ര​വാ​സം, ഇ​ത്​ ജീ​വി​തം’ എ​ന്ന ഹ്ര​സ്വ സി​നി​മ ശ്ര​ദ്ധേ​യ​മാ​കു​ന്നു. മാ​നു​ഷി​ക ബ​ന്ധ​ങ്ങ​ളെ പ​ര​സ്പ​ര സ​ഹ​ക​ര​ണ​ത്തി​ന്റെ നൂ​ഴി​ല​ക​ളാ​ൽ കോ​ർ​ത്തി​ണ​ക്കി​യ സി​നി​മ വ​ർ​ത്ത​മാ​ന​കാ​ല യാ​ഥാ​ർ​ഥ്യ​ങ്ങ​ളി​ലേ​ക്ക് പി​ടി​ച്ച ക​ണ്ണാ​ടി കൂ​ടി​യാ​ണ്.

കേ​ര​ള​ത്തി​ൽ ന​ട​ന്ന ചി​ല അ​ക്ര​മ​സം​ഭ​വ​ങ്ങ​ൾ മാ​ധ്യ​മ​ങ്ങ​ളും സോ​ഷ്യ​ൽ മീ​ഡി​യ​യും കൈ​കാ​ര്യം ചെ​യ്യു​ന്ന രീ​തി​യും സാ​ധാ​ര​ണ മ​നു​ഷ്യ​ർ സ​ത്യ​മെ​ന്തെ​ന്ന​റി​യാ​തെ പ​ക്ഷം ചേ​രു​ന്ന​തു​മാ​യ ഒ​രു പ​ശ്ചാ​ത്ത​ല​ത്തി​ലാ​ണ് ക​ഥ ന​ട​ക്കു​ന്ന​ത്.

സ്ഥി​രീ​ക​രി​ക്കാ​ത്ത വാ​ർ​ത്ത​ക​ളെ അ​ടി​സ്ഥാ​ന​മാ​ക്കി നി​ഗ​മ​ന​ങ്ങ​ളി​ൽ എ​ത്തു​ന്ന​തി​നെ ക​ഥ​യു​ടെ ആ​ദ്യ​ത്തി​ൽ പ്ര​ധാ​ന ക​ഥാ​പാ​ത്ര​ങ്ങ​ളി​ലൊ​രാ​ളാ​യ ജോ​സ​ഫി​​ന്റെ ജേ​ണ​ലി​സ്റ്റാ​വാ​ൻ കൊ​തി​ക്കു​ന്ന മ​ക​ൾ അ​ന്ന ത​ള്ളി​പ്പ​റ​യു​ന്നു.

ദീ​ർ​ഘ​കാ​ല​മാ​യി സൗ​ദി അ​റേ​ബ്യ​യി​ലെ സാ​മൂ​ഹി​ക പ്ര​വ​ർ​ത്ത​ക​നാ​യ ഹാ​ജി​ക്ക​യും സു​ഹൃ​ത്ത് ജോ​സ​ഫും അ​യ​ൽ​വാ​സി​യാ​യ അ​നി​ലി​നൊ​പ്പം ഹാ​ജി​ക്ക​യു​ടെ പ​ഴ​യ സു​ഹൃ​ത്ത് ഭാ​സ്‌​ക​ര​നെ കാ​ണാ​ൻ പോ​കു​ന്ന യാ​ത്ര​യി​ലൂ​ടെ​യാ​ണ്​ ക​ഥാ​ഗ​തി പു​രോ​ഗ​മി​ക്കു​ന്ന​ത്.

നോ​മ്പു​ണ്ടാ​യി​ട്ടും യാ​ത്ര​ക്കി​ക്കി​ടെ ഹാ​ജി​ക്ക ത​​ന്റെ കൂ​ട്ടു​കാ​ർ ഭ​ക്ഷ​ണം ക​ഴി​ച്ചോ എ​ന്ന്​ ഉ​റ​പ്പു​വ​രു​ത്തു​ന്നു​ണ്ട്. ആ ​യാ​ത്ര​യി​ലൂ​ടെ ത​​ന്റെ ജീ​വി​തം മ​റ്റു​ള്ള​വ​ർ​ക്കാ​യി സ​മ​ർ​പ്പി​ച്ച ഹാ​ജി​ക്ക​യി​ൽ ‘അ​പ​ര​ന്റെ സു​ഖ​ത്തി​ലാ​ണ് അ​വ​ന​വ​ന്റെ സു​ഖം’ എ​ന്ന ശ്രീ​നാ​രാ​യ​ണ ഗു​രു​വി​ന്റെ സ​ന്ദേ​ശം അ​നി​ൽ ദ​ർ​ശി​ക്കു​ന്നു.

സോ​ഷ്യ​ൽ മീ​ഡി​യ പ്ര​സ​രി​പ്പി​ക്കു​ന്ന വി​ദ്വേ​ഷ​ജ​ന​ക​മാ​യ വാ​ർ​ത്ത​ക​ൾ അ​പ്പാ​ടെ വി​ശ്വ​സി​ക്കു​ന്ന അ​നി​ലി​ന് അ​തൊ​രു പു​തി​യ അ​നു​ഭ​വ​വും തി​രി​ച്ച​റി​വു​മാ​യി മാ​റു​ന്നു.

ഭാ​സ്‌​ക​ര​ന്റെ വീ​ട്ടി​ലെ​ത്തി​യ ഹാ​ജി​ക്ക​യെ​യും ജോ​സ​ഫി​നെ​യും അ​നി​ലി​നെ​യും ഊ​ഷ്മ​ള​മാ​യി സ്വീ​ക​രി​ക്കു​ക​യും നോ​മ്പു​തു​റ വി​രു​ന്നി​ലേ​ക്ക്​ ക്ഷ​ണി​ക്കു​ക​യും ചെ​യ്യു​ന്നു. ഭാ​സ്‌​ക​ര​ന്റെ കു​ടും​ബ​വും ഹാ​ജി​ക്ക​യോ​ടൊ​ത്ത് നോ​മ്പ് എ​ടു​ത്തി​രു​ന്നു എ​ന്ന​ത് ഇ​രു​വ​ർ​ക്കു​മി​ട​യി​ൽ സ്നേ​ഹ​ത്തി​​ന്റെ ഊ​ഷ്മ​ള​ത വെ​ളി​പ്പെ​ടു​ത്തു​ന്നു.

സൗ​ഹൃ​ദ​ത്തി​​ന്റെ അ​ന​ശ്വ​ര ബ​ന്ധ​ങ്ങ​ളെ ഈ​ടു​റ്റ നൂ​ലു​ക​ളാ​ൽ ബ​ന്ധി​പ്പി​ക്കേ​ണ്ട​തി​​ന്റെ​യും മി​ഥ്യാ​ധാ​ര​ണ​ക​ളെ മു​ൻ​വി​ധി​ക​ളി​ല്ലാ​തെ സ​മീ​പി​ക്കേ​ണ്ട​തി​​ന്റെ​യും ആ​വ​ശ്യ​ക​ത​യെ ബോ​ധ്യ​പ്പെ​ടു​ത്തു​ന്ന​താ​വു​ന്നു സം​ഗ​മം.

ജാം ​ക്രി​യേ​ഷ​ൻ​സി​​ന്റെ ബാ​ന​റി​ൽ ബി​ജു പൂ​ത​ക്കു​ള​മാ​ണ് ചി​ത്രം സം​വി​ധാ​നം ചെ​യ്​​ത​ത്. ക​ഥ, തി​ര​ക്ക​ഥ, സം​ഭാ​ഷ​ണം സ​ഈ​ദ് ഹ​മ​ദാ​നി വ​ടു​ത​ല നി​ർ​വ​ഹി​ച്ചു. ആ​ശ​യം: മു​ഹ​മ്മ​ദ​ലി. സം​ഗീ​തം, ആ​ലാ​പ​നം: ബ​ക്ക​ർ താ​മ​ര​യൂ​ർ. വ​രി​ക​ൾ: ഹ​മ​ദാ​നി. മേ​ക്ക​പ്പ്: സി​ദ്ദീ​ഖ് ആ​ലു​വ. പ്രൊ​ഡ​ക്ഷ​ൻ ക​ൺ​ട്രോ​ള​ർ: ഹാ​രി​സ് തോ​പ്പി​ൽ, ശ​രീ​ഫ് കൊ​ച്ചി. അ​സോ​സി​യേ​റ്റ് ഡ​യ​റ​ക്ട​ർ: റി​നു അ​ബൂ​ബ​ക്ക​ർ. എ​ഡി​റ്റി​ങ്​: ഷ​മീ​ർ പ​ത്ത​നാ​പു​രം.