റിയാദ്: സൗദി അറേബ്യയിൽ ശനിയാഴ്ച 402 പേർക്ക് പുതുതായി രോഗബാധ സ്ഥിരീകരിച്ചു. 433 പേർ കോവിഡ് മുക്തരായി. രാജ്യത്തെ വിവിധയിടങ്ങളിൽ കോവിഡ് മൂലമുള്ള 19 മരണങ്ങൾ റിപ്പോർട്ട് ചെയ്തു.
ആകെ റിപ്പോർട്ട് ചെയ്ത 347,282 പോസിറ്റീവ് കേസുകളിൽ 333,842 പേർ രോഗമുക്തി നേടി. രാജ്യത്തെ കോവിഡ് മുക്തി നിരക്ക് 96.2 ശതമാനമായി ഉയർന്നു. ആകെ മരണസംഖ്യ 5402 ആയി. മരണനിരക്ക് 1.5 ശതമാനമായി തുടരുന്നു. രോഗബാധിതരായി രാജ്യത്ത് ബാക്കിയുള്ളത് 8038 പേരാണ്. അതിൽ 776 പേരുടെ നില ഗുരുതരമാണ്.
24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് മദീനയിലാണ്, 59. റിയാദ് 44, ഹാഇൽ 33, മക്ക 32, യാംബു 24, ഖമീസ് മുശൈത്ത് 17, മുബറസ് 13, ജിദ്ദ 12, ബുറൈദ 10, ഉനൈസ 10, അൽബദാഇ 8, ത്വാഇഫ് 7, നജ്റാൻ 7, ഹുഫൂഫ് 5 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.