ഒമാൻ ഉംറ തീർഥാടകർ സഞ്ചരിച്ച ബസ് ത്വാഇഫിന് സമീപം അപകടത്തിൽപെട്ടപ്പോൾ
ജിദ്ദ: ഒമാനിൽ നിന്നുള്ള ഉംറ തീർഥാടകർ സഞ്ചരിച്ച ബസ് ട്രക്കുമായി കൂട്ടിയിടിച്ചുണ്ടായ അപകടത്തിൽ രണ്ട് പേർ മരിച്ചു. 18 പേർക്ക് പരിക്കേറ്റു. ബുധനാഴ്ച റിയാദ്-ത്വാഇഫ് റോഡിൽ നസാഇഫ് പാലത്തിന് സമീപമാണ് അപകടമുണ്ടായത്. മക്കയിലേക്ക് സഞ്ചരിച്ച ബസ് ട്രക്കുമായി കൂട്ടിയിടിക്കുകയായിരുന്നെന്ന് മക്ക മേഖല റെഡ്ക്രസൻറ് വൃത്തങ്ങൾ അറിയിച്ചു.
സംഭവസ്ഥലത്ത് തന്നെ രണ്ടുപേരും മരിച്ചു. പരിക്കേറ്റവരിൽ ചിലരുടെ നില ഗുരുതരമാണ്. പ്രാഥമിക ശുശ്രൂഷ നൽകിയ ശേഷം പരിക്കേറ്റവരെ മവിയ, ദലം എന്നിവിടങ്ങളിലെ ആശുപത്രികളിൽ പ്രവേശിപ്പിച്ചതായും റെഡ്ക്രസൻറ് വൃത്തങ്ങൾ വ്യക്തമാക്കി.
അപകട വിവരമറിഞ്ഞ ഉടനെ 11 ആംബുലൻസ് സംഘങ്ങളാണ് സ്ഥലത്ത് കുതിച്ചെത്തിയത്. മൃതദേഹങ്ങൾ ഒമാനിലെത്തിക്കാനും പരിക്കേറ്റവർക്ക് ആവശ്യമായ ചികിത്സ ലഭ്യമാക്കാനും ജിദ്ദയിലെ തങ്ങളുടെ കോൺസുലേറ്റുമായി ബന്ധപ്പെട്ട് ആവശ്യമായ നടപടികൾ സ്വീകരിച്ചു വരികയാണെന്ന് സൗദിയിലെ ഒമാൻ എംബസി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.