യാം​ബു പു​ഷ്പ​മേ​ള; ഭാ​വി​യി​ലെ ഡ്രൈ​വ​ർ​മാ​രെ ഒ​രു​ക്കാ​ൻ ‘ട്രാ​ഫി​ക് സേ​ഫ്റ്റി വി​ല്ലേ​ജ്’

യാം​ബു: 14ാമ​ത് യാം​ബു പു​ഷ്പ​മേ​ള​യു​ടെ ഭാ​ഗ​മാ​യി കു​ട്ടി​ക​ളി​ൽ റോ​ഡ് സു​ര​ക്ഷാ​നി​യ​മ​ങ്ങ​ളും രാ​ജ്യ​സു​ര​ക്ഷ സം​വി​ധാ​ന​ങ്ങ​ളും സം​ബ​ന്ധി​ച്ച്​ അ​വ​ബോ​ധ​മു​ണ്ടാ​ക്കാ​ൻ യാം​ബു റോ​യ​ൽ ക​മീ​ഷ​ൻ റോ​ഡ്‌​സ് വ​കു​പ്പ് ഒ​രു​ക്കി​യ ‘ട്രാ​ഫി​ക് സേ​ഫ്റ്റി വി​ല്ലേ​ജ്’ ശ്ര​ദ്ധേ​യ​മാ​കു​ന്നു.

ട്രാ​ഫി​ക് നി​യ​മം, റോ​ഡ് സു​ര​ക്ഷ, ട്രോ​മാ​കെ​യ​ർ എ​ന്നി​വ​യെ​ക്കു​റി​ച്ച്​ കു​ട്ടി​ക​ൾ​ക്ക്​ അ​റി​വ്​ പ​ക​രു​ന്ന​തി​നും മു​തി​ർ​ന്ന​വ​ർ​ക്ക് വാ​ഹ​ന​ങ്ങ​ളു​ടെ ഘ​ട​ന​യെ​യും സു​ര​ക്ഷ സം​വി​ധാ​ന​ങ്ങ​ളെ​യും കു​റി​ച്ച്​ അ​വ​ബോ​ധ​മു​ണ്ടാ​ക്കാ​നു​മാ​ണ് ‘ഗ​താ​ഗ​ത സു​ര​ക്ഷാ​ഗ്രാ​മം’ എ​ന്ന പേ​രി​ൽ ആ​ധു​നി​ക സം​വി​ധാ​ന​ങ്ങ​ളു​മാ​യി പ​വ​ലി​യ​ൻ ഒ​രു​ക്കി​യി​രി​ക്കു​ന്ന​ത്. മേ​ള​യി​ലെ​ത്തു​ന്ന നൂ​റി​ല​ധി​കം കു​ട്ടി​ക​ൾ​ക്ക് പ്ര​തി​ദി​നം ബോ​ധ​വ​ത്‌​ക​ര​ണ ക്ലാ​സ് ന​ൽ​കു​ന്നു​വെ​ന്ന് പ​രി​ശീ​ല​ക​രാ​യ സൗ​ദി യു​വ​തി​ക​ൾ പ​റ​ഞ്ഞു.

ട്രാ​ഫി​ക് രം​ഗ​ത്ത് പ്ര​ത്യേ​കം പ​രി​ശീ​ല​നം ല​ഭി​ച്ച 15ഓ​ളം സൗ​ദി യു​വ​തി​ക​ളാ​ണ് കു​ട്ടി​ക​ൾ​ക്ക് ഈ ​കേ​ന്ദ്ര​ത്തി​ൽ ബോ​ധ​വ​ത്ക​ര​ണം ന​ൽ​കു​ന്ന​ത്.

അ​ടി​യ​ന്ത​ര സാ​ഹ​ച​ര്യ​ങ്ങ​ളെ നേ​രി​ടാ​ൻ കു​ട്ടി​ക​ളെ സ​ജ്ജ​രാ​ക്കു​ന്ന​തി​ന് ഫ​യ​ർ ആ​ൻ​ഡ്​ സേ​ഫ്റ്റി, ആം​ബു​ല​ൻ​സ് വി​ഭാ​ഗ​ങ്ങ​ളും രം​ഗ​ത്തു​ണ്ട്. വി​ജ​യ​ക​ര​മാ​യി പ​രി​ശീ​ല​നം പൂ​ർ​ത്തി​യാ​ക്കു​ന്ന ഏ​ഴു മു​ത​ൽ 12 വ​യ​സ്സ് വ​രെ​യു​ള്ള കു​ട്ടി​ക​ൾ​ക്ക് ‘അ​ന ഖാ​ഇ​ദു​ൽ മു​സ്ത​ഖ്ബി​ൽ’ (ഞാ​ൻ ഭാ​വി ഡ്രൈ​വ​റാ​ണ്) എ​ന്ന് രേ​ഖ​പ്പെ​ടു​ത്തി​യ ‘ഡെ​മോ ലൈ​സ​ൻ​സ് കാ​ർ​ഡ്’ ന​ൽ​കു​ന്നു​ണ്ട്. ഇ​ത് കു​ട്ടി​ക​ൾ​ക്ക് വ​ലി​യ പ്ര​ചോ​ദ​ന​മാ​കു​ന്നു​ണ്ടെ​ന്ന് ര​ക്ഷി​താ​വ് അ​സീം ഷാ​ജ​ഹാ​ൻ തി​രു​വ​ന​ന്ത​പു​രം ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. അ​ദ്ദേ​ഹ​ത്തി​​ന്റെ മ​ക​ന് ‘ഡെ​മോ ലൈ​സ​ൻ​സ്’ ല​ഭി​ച്ചു.

പു​ഷ്പ​മേ​ള​യി​ൽ സൗ​ജ​ന്യ​മാ​യി എ​ല്ലാ കു​ട്ടി​ക​ൾ​ക്കും ല​ഭി​ക്കു​ന്ന ഈ ​അ​വ​സ​രം പ​ല​രും അ​റി​യാ​തെ പോ​കു​ന്നു. പേ​ര് ര​ജി​സ്​​റ്റ​ർ ചെ​യ്ത് ഗ്രൂ​പ്പു​ക​ളാ​യി കു​ട്ടി​ക​ളെ വി​വി​ധ വി​ഭാ​ഗ​ങ്ങ​ളി​ൽ പ​രി​ശീ​ല​നം ന​ൽ​കി​യ ശേ​ഷം നി​യ​മ​ങ്ങ​ൾ പാ​ലി​ച്ച് പാ​ർ​ക്കി​ൽ സ​ജ്ജ​മാ​ക്കി​യ പ്ര​ത്യേ​ക വാ​ഹ​നം റോ​ഡി​ലൂ​ടെ ഓ​ടി​ച്ച് വി​ജ​യ​ക​ര​മാ​യി ടെ​സ്​​റ്റ്​ പൂ​ർ​ത്തി​യാ​ക്കി​യ ശേ​ഷ​മാ​ണ് കാ​ർ​ഡ് ന​ൽ​കു​ന്ന​ത്.

ട്രാ​ഫി​ക് സി​ഗ്‌​ന​ൽ ലൈ​റ്റു​ക​ൾ, നി​യ​മ​ബോ​ർ​ഡു​ക​ൾ, ടി​റ്റോ​ർ ​ഡൈ​വേ​ർ​ഷ​നു​ക​ൾ, സീ​ബ്ര ക്രോ​സി​ങ്, ഡെ​മോ പെ​ട്രോ​ൾ ബ​ങ്ക്, എ.​ടി.​എം കൗ​ണ്ട​ർ, ഫ​സ്​​റ്റ്​ എ​യ്ഡ് സെൻറ​ർ തു​ട​ങ്ങി​യ​വ​യും ഇ​വി​ടെ അ​തി​നാ​യി ഒ​രു​ക്കി​യി​ട്ടു​ണ്ട്. യാം​ബു റോ​യ​ൽ ക​മീ​ഷ​ൻ റോ​ഡ്‌​സ് വ​കു​പ്പി​​ന്റെ കീ​ഴി​ൽ 30ഓ​ളം സ​ന്ന​ദ്ധ പ്ര​വ​ർ​ത്ത​ക​രാ​ണ് ടീ​മി​ലു​ള്ള​ത്.

ഗ​താ​ഗ​ത​വു​മാ​യി ബ​ന്ധ​പ്പെ​ട്ട നൂ​ത​ന സാ​ങ്കേ​തി​ക വി​ദ്യ​ക​ളെ​യും റോ​ഡ​പ​ക​ട​ങ്ങ​ൾ ഉ​ണ്ടാ​വു​മ്പോ​ഴും തീ​പി​ടി​ത്ത​മു​ണ്ടാ​വു​മ്പോ​ഴും പാ​ലി​ക്കേ​ണ്ടു​ന്ന സു​ര​ക്ഷാ സം​വി​ധാ​ന​ങ്ങ​ളെ​ക്കു​റി​ച്ച് പൊ​തു​ജ​ന​ങ്ങ​ളെ പ​രി​ച​യ​പ്പെ​ടു​ത്താ​നും ‘ട്രാ​ഫി​ക് സേ​ഫ്റ്റി വി​ല്ലേ​ജ്’ ഉ​പ​യോ​ഗ​പ്പെ​ടു​ന്നു.