അബൂദബി: യു.എ.ഇ പ്രസിഡന്‍റായി അധികാരമേറ്റ ശൈഖ് മുഹമ്മദ് ബിൻ സായിദ് ആൽ നഹ്യാന് ഹൃദയം നിറഞ്ഞ അഭിനന്ദനങ്ങൾ അറിയിക്കുന്നതായി ആസ്റ്റർ ഡി.എം സ്ഥാപക ചെയർമാനും മാനേജിങ് ഡയറക്ടറുമായ ഡോ. ആസാദ് മൂപ്പൻ. ഈ മേഖലയിലെ ഏറ്റവും ആകർഷകത്വമുള്ള, കഴിവുള്ള, അനുകമ്പയുള്ള ഭരണാധികാരികളിൽ ഒരാളായ ഹിസ് ഹൈനസ് ശൈഖ് മുഹമ്മദ് ബിൻ സായിദ് ഒരു ദശാബ്ദക്കാലം കിരീടാവകാശി എന്ന നിലയിൽ ഏറ്റവും ഉയർന്ന രാഷ്ട്രതന്ത്രവുമായി രാജ്യത്തെ നയിക്കുന്നു.
രാഷ്ട്രത്തിന്‍റെ ഇതിഹാസ പിതാവും എല്ലാവരാലും സ്നേഹിക്കപ്പെടുകയും ബഹുമാനിക്കപ്പെടുകയും ചെയ്യുന്ന ശൈഖ് സായിദിന്‍റെ എല്ലാ സവിശേഷതകളും ശൈഖ് മുഹമ്മദ് ബിൻ സായിദും പാരമ്പര്യമായി നേടിയിട്ടുണ്ട്. ഇന്ത്യൻ പ്രധാനമന്ത്രി നരേന്ദ്ര മോദി ഉൾപ്പെടെയുള്ള നേതാക്കളുമായി അദ്ദേഹത്തിന് നല്ല വ്യക്തിബന്ധവും അടുപ്പവുമുണ്ട്. യു.എ.ഇയെ ലോകത്തിലെ മുൻനിര രാജ്യങ്ങളിലൊന്നായി മാറ്റുന്നതിനുള്ള മഹത്തായ ഉദ്യമങ്ങൾ മുന്നോട്ടുകൊണ്ടുപോകാൻ അദ്ദേഹത്തിന് എല്ലാ ആശംസകളും നേരുന്നുവെന്നും ആസാദ് മൂപ്പൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.