ദുബൈ: വിവിധ മേഖലയിൽ കഴിവ് തെളിയിച്ചവർക്കും വിദ്യാർഥികൾക്കും യു.എ.ഇ നൽകുന്ന ഗോൾഡൻ വിസക്കായി കാത്തിരിക്കുന്നവർക്ക് ആറ് മാസത്തെ സന്ദർശക വിസക്ക് അപേക്ഷിക്കാം. ഫെഡറൽ അതോറിറ്റിയുടെ വെബ്സൈറ്റ് വഴിയാണ് അപേക്ഷിക്കാനുള്ള അവസരം തുറന്നിരിക്കുന്നത്.
ഗോൾഡൻ റെസിഡൻസി അപേക്ഷയുടെ നടപടി ക്രമങ്ങൾ പൂർത്തിയാക്കുന്നതിെൻറ ഭാഗമായാണ് മൾട്ടിപ്ൾ എൻട്രി സൗകര്യത്തോടെ ആറ് മാസത്തെ വിസ അനുവദിക്കുന്നതെന്ന് യു.എ.ഇ ഫെഡറൽ അതോറിറ്റി ഫോർ ഐഡൻറിറ്റി ആൻഡ് സിറ്റിസൺഷിപ്പ് അറിയിച്ചു. 11,50 ദിർഹമാണ് വിസയുടെ ചിലവ്.
നിക്ഷേപകർ, സംരംഭകർ, ഡോക്ടർമാർ, ശാസ്ത്രജ്ഞൻമാർ, കല- സാംസ്കാരിക മേഖലകളിൽ കഴിവുതെളയിച്ചവർ, കായികതാരങ്ങൾ, പി.എച്ച്ഡിക്കാർ, ഹൈസ്കൂൾ- യൂനിവേഴ്സിറ്റി വിദ്യാർഥികൾ എന്നിവർക്കാണ് ഗോൾഡൻ വിസ നൽകുന്നത്. അഞ്ച്, പത്ത് വർഷങ്ങളാണ് ഗോൾഡൻ വിസയുടെ കാലാവധി. ഈ വിസ ലഭിക്കുന്നതിെൻറ നടപടിക്രമങ്ങൾക്ക് യു.എ.ഇയിലെത്താനാണ് ആറ് മാസത്തെ മൾട്ടിപ്പ്ൾ എൻട്രി വിസ നൽകുന്നത്. വിസ ഫീസ് 1000 ദിർഹം, അപേക്ഷ ഫീസ് 100, ഇ-- സർവീസ് ഫീസ് 28, ഐ.സി.എ ഫീസ് 22 എന്നിവ ചേർത്ത് 1150 ദിർഹമാണ് അടക്കേണ്ടത്. ഐ.സി.എയുെ വെബ്സൈറ്റ് വഴി (smartservices.ica.gov.ae) അപേക്ഷ സമർപ്പിക്കാം. രേഖകൾ കൃത്യമല്ലെങ്കിൽ അപേക്ഷ നിരസിക്കും.
കൂടുതൽ വിവരങ്ങൾക്ക് 600522222 എന്ന നമ്പറിലോ ഐ.സി.എ വെബ്സൈറ്റിലോ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.