ആർ.ടി.എക്ക് ലഭിച്ച ബ്രിട്ടീഷ് സേഫ്റ്റി കൗൺസിലിന്റെ
പഞ്ചനക്ഷത്ര റേറ്റിങ്
സർട്ടിഫിക്കറ്റ്
ദുബൈ: തൊഴിൽ അന്തരീക്ഷത്തിലും നിർമാണ സ്ഥലങ്ങളിലും മറ്റെല്ലാ പ്രവർത്തന മേഖലകളിലും മികച്ച ആരോഗ്യ, സുരക്ഷ മാനദണ്ഡങ്ങൾ പാലിച്ചതിന് റോഡ് ഗതാഗത അതോറിറ്റിക്ക് (ആർ.ടി.എ) ബ്രിട്ടീഷ് സേഫ്റ്റി കൗൺസിലിന്റെ പഞ്ചനക്ഷത്ര റേറ്റിങ്.
തൊഴിൽപരമായ ആരോഗ്യ, സുരക്ഷ മാനദണ്ഡങ്ങൾ പാലിക്കുന്നതിൽ ആർ.ടി.എയുടെ സ്ഥാനവും പ്രതിബദ്ധതയും അടയാളപ്പെടുത്തുന്നതാണ് നേട്ടം. മികവിനും സുസ്ഥിരതക്കുമുള്ള ആർ.ടി.എയുടെ പരിശ്രമങ്ങളുടെ തെളിവാണ് പഞ്ചനക്ഷത്ര റേറ്റിങ് നേട്ടമെന്ന് സേഫ്റ്റി, റിസ്ക് റെഗുലേഷൻ ആൻഡ് പ്ലാനിങ് വകുപ്പ് ഡയറക്ടർ നദ ജാസിം പറഞ്ഞു.
57 ഘടകങ്ങൾ വിലയിരുത്തിയാണ് ബ്രിട്ടീഷ് സേഫ്റ്റി കൗൺസിൽ റേറ്റിങ് നടത്തിയിരിക്കുന്നത്. അതോടൊപ്പം 14 സ്ഥലങ്ങളിൽ പരിശോധനകളും നടത്തിയിട്ടുണ്ട്. ഇവയിൽ 96 ശതമാനം മാനദണ്ഡങ്ങൾ പാലിച്ചതായാണ് കണ്ടെത്തിയിട്ടുള്ളത്. 92 ശതമാനമാണ് പഞ്ചനക്ഷത്ര റേറ്റിങ് ലഭിക്കാൻ ആവശ്യമായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.