പൊലീസിന്‍റെ ഫീൽഡ്​ ഓപറേഷൻ പരിശീലനവും ഇനി വെർച്വൽ

ദു​ബൈ: പു​തി​യ ആ​ശ​യ​ങ്ങ​ളും രീ​തി​ക​ളും സ്വീ​ക​രി​ക്കു​ന്ന​തി​ലെ ദു​ബൈ​യു​ടെ വേ​ഗ​ത​ക്ക്​ ഒ​രു ​തെ​ളി​വു​കൂ​ടി. പൊ​ലീ​സി​ന്‍റെ ഫീ​ൽ​ഡ്​ ഓ​പ​റേ​ഷ​ൻ പ​രി​ശീ​ല​ന​മാ​ണ്​ പു​തു​താ​യി ഓ​ൺ​ലൈ​നാ​യി സ​ജ്ജീ​ക​രി​ച്ചി​രി​ക്കു​ന്ന​ത്. ദു​ബൈ പൊ​ലീ​സ്​ അ​ക്കാ​ദ​മി ആ​രം​ഭി​ച്ച 'വെ​ർ​ച്വ​ൽ ഫീ​ൽ​ഡ്​ ഓ​പ​റേ​ഷ​ൻ​സ്​' ഗ​ൾ​ഫ്​ മേ​ഖ​ല​യി​ലെ​ത​ന്നെ ഇ​ത്ത​ര​ത്തി​ലെ ആ​ദ്യ സം​രം​ഭ​മാ​ണ്. 365 സാ​ഹ​ച​ര്യ​ങ്ങ​ളി​ൽ പൊ​ലീ​സ്​ ന​ട​ത്തേ​ണ്ട ഇ​ട​പെ​ട​ലു​ക​ൾ പ​രി​ശീ​ലി​പ്പി​ക്കാ​ൻ സം​വി​ധാ​ന​ത്തി​ലൂ​ടെ സാ​ധ്യ​മാ​കും.

ദു​ബൈ പൊ​ലീ​സ്​ അ​ക്കാ​ദ​മി​ക് അ​ഫ​യേ​ഴ്‌​സ് ആ​ൻ​ഡ് ട്രെ​യി​നി​ങ്​ ആ​ക്ടി​ങ് അ​സി. ക​മാ​ൻ​ഡ​ർ-​ഇ​ൻ-​ചീ​ഫ് മേ​ജ​ർ ജ​ന​റ​ൽ ഡോ. ​ഗൈ​സ്​ ഗാ​നിം അ​ൽ സു​വൈ​ദി പ​ദ്ധ​തി​യു​ടെ ഉ​ദ്​​ഘാ​ട​ന​ച്ച​ട​ങ്ങി​ൽ സ​ന്നി​ഹി​ത​നാ​യി. ​അ​ക്കാ​ദ​മി​യു​ടെ ല​ക്ഷ്യ​ങ്ങ​ൾ സാ​ക്ഷാ​ത്​​ക​രി​ക്കു​ന്ന​തി​നാ​യി വി​ദ്യാ​ഭ്യാ​സ-​പ​രി​ശീ​ല​ന സം​വി​ധാ​നം മെ​ച്ച​പ്പെ​ടു​ത്തു​ന്ന​തി​നാ​യാ​ണ്​ പു​തി​യ ഓ​ൺ​ലൈ​ൻ സം​വി​ധാ​നം രൂ​പ​പ്പെ​ടു​ത്തി​യ​തെ​ന്ന്​ അ​ൽ സു​വൈ​ദി പ​റ​ഞ്ഞു.

പ​രി​ശീ​ല​ന​ത്തി​ൽ ഏ​റ്റ​വും പു​തി​യ സാ​​ങ്കേ​തി​ക​വി​ദ്യ​യും നി​ർ​മി​ത ബു​ദ്ധി​യും ഉ​പ​യോ​ഗ​പ്പെ​ടു​ത്തു​ന്ന സം​വി​ധാ​ന​മാ​ണി​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. പ​ര​മ്പ​രാ​ഗ​ത പ​രി​ശീ​ല​ന​ങ്ങ​ളി​ൽ​നി​ന്ന് സ്മാ​ർ​ട്ട് രീ​തി​യി​ലേ​ക്ക് മാ​റു​ന്ന​തി​ന്‍റെ ഭാ​ഗ​മാ​ണി​ത്.

ത​ട​സ്സ​മി​ല്ലാ​തെ പ​രി​ശീ​ല​ക​നും പ​രി​ശീ​ലി​ക്ക​പ്പെ​ടു​ന്ന​വ​ർ​ക്കും സം​വ​ദി​ക്കാ​നും ഇ​ട​പെ​ടാ​നും പു​തി​യ സം​വി​ധാ​നം വ​ഴി ക​ഴി​യും -അ​ദ്ദേ​ഹം കൂ​ട്ടി​ച്ചേ​ർ​ത്തു. പൊ​ലീ​സ്​ സേ​ന​യു​ടെ കാ​ര്യ​ക്ഷ​മ​ത വ​ർ​ധി​പ്പി​ക്കാ​നും സ​മൂ​ഹ​ത്തി​ന്‍റെ സു​ര​ക്ഷി​ത​ത്വം ഉ​റ​പ്പു​വ​രു​ത്തു​ന്ന​തി​ൽ കൂ​ടു​ത​ൽ സം​ഭാ​വ​ന​ക​ള​ർ​പ്പി​ക്കാ​നും പു​തി​യ​രീ​തി​യി​ലെ പ​രി​ശീ​ല​ന​ത്തി​ലൂ​ടെ സാ​ധ്യ​മാ​കു​മെ​ന്നാ​ണ്​ പ്ര​തീ​ക്ഷി​ക്ക​പ്പെ​ടു​ന്ന​ത്. പൊ​ലീ​സ്​ അം​ഗ​ങ്ങ​ൾ​ക്കും സു​ര​ക്ഷാ കാ​ഡ​റ്റു​ക​ൾ​ക്കും വ​ള​രെ സു​ര​ക്ഷി​ത​മാ​യ അ​ന്ത​രീ​ക്ഷ​ത്തി​ൽ പ​രി​ശീ​ല​നം നേ​ടാ​ൻ ക​ഴി​യു​മെ​ന്ന​തും പു​തി​യ സം​വി​ധാ​ന​ത്തി​ന്‍റെ മെ​ച്ച​മാ​ണ്. പ​രീ​ക്ഷ​ണാ​ർ​ഥം ആ​രം​ഭി​ച്ചി​ട്ടു​ള്ള പ​ദ്ധ​തി പ​രി​പൂ​ർ​ണ​മാ​യ രീ​തി​യി​ൽ പൊ​ലീ​സ്​ അ​ക്കാ​ദ​മി വ​രും​കാ​ല​ത്ത്​ ന​ട​പ്പി​ലാ​ക്കും.