ദുബൈ: മലപ്പുറം തിരൂർ പുറത്തൂർ കാവിലക്കാട് പരേതനായ അരീക്കര കറപ്പെൻറ മകൻ മനോജ് കുമാർ (51) ദുബൈയിൽ ഹൃദയാഘാതത്തെ തുടർന്ന് മരിച്ചു. ഒരുമാസം മുമ്പ് കോവിഡ് ബാധിച്ച് ദുബൈ റാശിദ് ആശുപത്രിയിൽ പ്രവേശിപ്പിച്ചിരുന്നു. ന്യുമോണിയ കൂടി ബാധിച്ചതോടെ അൽ ബർഷ സൗദി ജർമൻ ആശുപത്രിയിലേക്ക് മാറ്റി. ഇവിടെ തീവ്രപരിചരണ വിഭാഗത്തിൽ ചികിത്സയിലിരിക്കെയാണ് ബുധനാഴ്ച മരണപ്പെട്ടത്.
ഏഴു വർഷത്തോളമായി ബർഗർ കിംഗ് കമ്പനിയിൽ ഡ്രൈവറായി ജോലി ചെയ്തുവരികകായിരുന്നു. ആറുമാസം മുമ്പാണ് നാട്ടിൽ നിന്ന് അവധി കഴിഞ്ഞെത്തിയത്.
മാതാവ്: പരേതയായ ജാനകി. ഭാര്യ: ഷീബ പറവണ്ണ. മക്കൾ: ആതിര, അശ്വിൻ(വിദ്യാർഥി). മരുമകൻ: സുജീഷ് എടപ്പാൾ. സഹോദരങ്ങൾ: വസന്തൻ, മാളു, ശ്രീജ, ഷീബ. മൃതദേഹം നടപടികൾക്ക് ശേഷം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.