മുംബൈ: അടുത്ത വർഷം ജനുവരി മുതൽ കാറുകളുടെ വില ഉയരുമെന്ന് സൂചന. നിർമാണ ചെലവിലെ വർധനയാണ് വില ഉയർത്തുന്നതിന് കാരണമായി കമ്പനികൾ ചൂണ്ടിക്കാട്ടുന്നത്. രാജ്യത്തെ മുൻനിര കാർ കമ്പനികളിലൊന്നായ ടോയോട്ട 3 ശതമാനം വരെയാണ് വില വർധിപ്പിക്കുക. ഇതോടെ ടോയോട്ടയുടെ വിവിധ മോഡലുകൾക്ക് 5000 രൂപ മുതൽ 1.1 ലക്ഷം രൂപ വരെ വർധിക്കും.
ജാപ്പനീസ് വാഹനനിർമാതക്കളായ ഹോണ്ട കാറുകളുടെ വില 1 മുതൽ 2 ശതമാനം വരെ വർധിപ്പിക്കുമെന്ന് അറിയിച്ചിട്ടുണ്ട്. വിവിധ മോഡലുകൾക്ക് 25,000 രൂപ വരെ വർധന ഹോണ്ട വരുത്തും. മറ്റൊരു പ്രമുഖ വാഹന നിർമാതാക്കളായ മഹീന്ദ്ര&മഹീന്ദ്ര വിവിധ മോഡലുകൾക്ക് 7,000-30,000 രൂപ വരെ വർധിപ്പിക്കും.
ഇവർക്കൊപ്പം മാരുതി സുസുക്കി, സ്കോഡ, ഇസൂസ് എന്നിവരും വില വർധനയുമായി രംഗത്തെത്തും. വിവിധ മോഡലുകൾക്ക് 1 ലക്ഷം രൂപവരെയായിരിക്കും ഇസൂസ് വർധിപ്പിക്കുക. സ്കോഡ കാറുകളുടെ വില രണ്ട് ശതമാനം വരെ കൂട്ടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.