ന്യൂഡൽഹി: ജെ.എൻ.യുവിൽ രാജ്യദ്രോഹക്കുറ്റത്തിന് അറസ്റ്റിലായ വിദ്യാർഥി യൂണിയൻ നേതാവ് കനയ്യ കുമാറിൻെറ പൊലീസ് കസ്റ്റഡി കാലാവധി നീട്ടി. രണ്ട് ദിവസത്തേക്കുകൂടിയാണ് പട്യാല ഹൗസ് കോടതി കസ്റ്റഡി നീട്ടി നൽകിയത്.
അതേസമയം, കനയ്യ കമാറിനെതിരെ ചുമത്തിയ രാജ്യദ്രോഹക്കുറ്റം എൻ.ഐ.എ അന്വേഷിക്കണമെന്ന ഹരജി കോടതി നാളെ പരിഗണിക്കും. ഡൽഹി ഹൈകോടതിയാണ് ഹരജി പരിഗണിക്കുന്നത്.
ജെ.എൻ.യുവിൽ അഫ്സൽ ഗുരു അനുസ്മരണ ചടങ്ങ് സംഘടിപ്പിച്ച് രാജ്യവിരുദ്ധ മുദ്രാവാക്യം ഉയർത്തി എന്നാരോപിച്ചാണ് കനയ്യ കുമാറിനെ കഴിഞ്ഞയാഴ്ച രാജ്യദ്രോഹ കുറ്റം ചുമത്തി അറസ്റ്റ് ചെയ്തത്. പൊലീസിൻെറ നടപടിയിൽ പ്രതിഷേധിച്ച് സർവകലാശാലയിൽ വിദ്യാർഥികളും അധ്യാപകരും നടത്തുന്ന സമരം തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.