ന്യൂഡൽഹി: 2013 മുതൽ പ്രതിമാസ വാടക നൽകിയിട്ടില്ലെന്ന വിവരാവകാശ റിപ്പോർട്ടിന്‍റെ അടിസ്ഥാനത്തിൽ ഡൽഹി അക്ബർ റോഡിലുള്ള കോൺഗ്രസ് സേവാദൾ ഓഫീസ് മാറ്റി സ്ഥാപിക്കാൻ തുടങ്ങി. പുതിയ കെട്ടിടത്തിന്‍റെ നിർമാണ പ്രവർത്തനങ്ങൾ എ.ഐ.സി.സി ആസ്ഥാനത്തിന് സമീപം പുരോഗമിക്കുകയാണെന്ന് കോൺഗ്രസ് നേതൃത്വം അറിയിച്ചു.
പാർട്ടിയുടെ വനിത വിഭാഗമായ അഖിലേന്ത്യ മഹിള കോൺഗ്രസ് ഇതിനോടകം തന്നെ പാർട്ടി ആസ്ഥാനത്തേക്ക് മാറിയതായി നേതാക്കൾ കൂട്ടിച്ചേർത്തു.
അക്ബർ റോഡിലുള്ള സർക്കാർ ബംഗ്ലാവിന്‍റെ പ്രതിമാസ വാടക 12.69 ലക്ഷം രൂപയാണെന്നും വാടക കുടിശിക ഇതുവരെ നൽകിയിട്ടില്ലെന്നും നഗരകാര്യ മന്ത്രാലയത്തിന് കീഴിലുള്ള ഡയറക്ടറേറ്റ് ഓഫ് എസ്റ്റേറ്റ് കഴിഞ്ഞ ഫെബ്രുവരിയിൽ വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.