അ​ങ്ക​ത്തി​നൊരുങ്ങാൻ കോൺഗ്രസ്

ന്യൂ​ഡ​ൽ​ഹി: ക​ർ​ണാ​ട​ക​യി​ലെ വ​ൻ വി​ജ​യ​ത്തി​ന് പി​ന്നാ​ലെ വ​രാ​നി​രി​ക്കു​ന്ന തെ​ര​ഞ്ഞെ​ടു​പ്പു​ക​ൾ​ക്ക് പാ​ർ​ട്ടി​യെ സ​ജ്ജ​മാ​ക്കാ​നു​ള്ള ഒ​രു​ക്ക​ം കോ​ൺ​ഗ്ര​സ് തു​ട​ങ്ങി. ഈ ​വ​ർ​ഷാ​വ​സാ​നം മ​ധ്യ​പ്ര​ദേ​ശ്, രാ​ജ​സ്ഥാ​ൻ സം​സ്ഥാ​ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ​ക്കു​ള്ള ഒ​രു​ക്ക​ങ്ങ​ൾ​ക്കാ​യി കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യും രാ​ഹു​ൽ ഗാ​ന്ധി​യും തി​ങ്ക​ളാ​ഴ്ച കോ​ൺ​ഗ്ര​സ് ആ​സ്ഥാ​ന​ത്ത് യോ​ഗം വി​ളി​ച്ചു​ചേ​ർ​ത്തു.

ക​ർ​ണാ​ട​ക​യി​ൽ കോ​ൺ​ഗ്ര​സ് നേ​ടി​യ വി​ജ​യം മ​ധ്യ​പ്ര​ദേ​ശി​ലും ആ​വ​ർ​ത്തി​ക്കു​മെ​ന്ന് രാ​ഹു​ൽ ഗാ​ന്ധി പ​റ​ഞ്ഞു. യോ​ഗ​ത്തി​ൽ എ.​ഐ.​സി.​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലും പ​​​ങ്കെ​ടു​ത്തു. തി​ങ്ക​ളാ​ഴ്ച​ത്തെ ച​ർ​ച്ച പ്ര​ധാ​ന​മാ​യും കേ​ന്ദ്രീ​ക​രി​ച്ച​ത് മ​ധ്യ​പ്ര​ദേ​ശി​ലാ​യി​രു​ന്നു. മു​ൻ മ​ധ്യ​പ്ര​ദേ​ശ് മു​ഖ്യ​മ​ന്ത്രി​മാ​രാ​യ ക​മ​ൽ​നാ​ഥ്, ദി​ഗ്‍വി​ജ​യ് സി​ങ്, സം​സ്ഥാ​ന​ത്തി​​ന്റെ ചു​മ​ത​ല​യു​ള്ള എ.​ഐ.​സി.​സി ജ​ന​റ​ൽ സെ​ക്ര​ട്ട​റി എ​ന്നി​വ​രാ​ണ് ഈ ​ച​ർ​ച്ച​യി​ൽ പ​​ങ്കെ​ടു​ത്ത​ത്.

തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് ദീ​ർ​ഘ ച​ർ​ച്ച​യാ​ണ് ന​ട​ന്ന​തെ​ന്ന് യോ​ഗ​ത്തി​നു​ശേ​ഷം രാ​ഹു​ൽ ഗാ​ന്ധി മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. ക​ർ​ണാ​ട​ക​യി​ൽ 136 സീ​റ്റ് ല​ഭി​ക്കു​മെ​ന്ന് കോ​ൺ​ഗ്ര​സ് നേ​ര​ത്തേ പ​റ​ഞ്ഞ​തു​പോ​ലെ മ​ധ്യ​പ്ര​ദേ​ശി​ൽ 150 സീ​റ്റ് നേ​ടു​മെ​ന്ന​താ​ണ് പാ​ർ​ട്ടി​യു​ടെ ആ​ഭ്യ​ന്ത​ര ക​ണ​ക്ക്. ക​ർ​ണാ​ട​ക​യി​ൽ കോ​ൺ​ഗ്ര​സ് ചെ​യ്ത​ത് മ​ധ്യ​പ്ര​ദേ​ശി​ലും ആ​വ​ർ​ത്തി​ക്കു​മെ​ന്നും രാ​ഹു​ൽ കൂ​ട്ടി​ച്ചേ​ർ​ത്തു.

രാ​ജ​സ്ഥാ​നി​​ൽ പ​ര​സ്യ​മാ​യി പ​ര​സ്പ​രം പോ​ര​ടി​ക്കു​ന്ന മു​ഖ്യ​മ​ന്ത്രി അ​ശോ​ക് ഗെ​ഹ്ലോ​ട്ടും സ​ചി​ൻ പൈ​ല​റ്റും കോ​ൺ​ഗ്ര​സ് നേ​തൃ​ത്വ​വു​മാ​യു​ള്ള ച​ർ​ച്ച​ക്ക് തി​ങ്ക​ളാ​ഴ്ച ഡ​ൽ​ഹി​യി​ലെ​ത്തി. രാ​ജ​സ്ഥാ​ൻ തെ​ര​ഞ്ഞെ​ടു​പ്പ് പ്ര​ചാ​ര​ണ​ങ്ങ​ളി​ലേ​ക്ക് ക​ട​ക്കും​മു​മ്പ് ഇ​രു​നേ​താ​ക്ക​ളെ​യും​കൊ​ണ്ട് ‘വെ​ടി​നി​ർ​ത്ത​ൽ’ ക​രാ​റി​ലെ​ത്തി​ക്കാ​നു​ള്ള പ​രി​ശ്ര​മ​ത്തി​ലാ​ണ് കോ​ൺ​ഗ്ര​സ് നേ​തൃ​ത്വം. ആ​ദ്യം സ​ചി​ൻ പൈ​ല​റ്റു​മാ​യും പി​ന്നീ​ട് അ​ശോ​ക് ഗെ​ഹ്ലോ​ട്ടു​മാ​യും ഒ​റ്റ​ക്കൊ​റ്റ​ക്കാ​ണ് ച​ർ​ച്ച.

ബി.​ജെ.​പി ​നി​ല മെ​ച്ച​പ്പെ​ടു​ത്താ​ൻ ശ്ര​മി​ക്കു​ന്ന തെ​ല​ങ്കാ​ന​യി​ൽ കോ​ൺ​ഗ്ര​സ് പു​തി​യ സ​ഖ്യ​സാ​ധ്യ​ത തേ​ടു​ക​യാ​ണ്. തെ​ല​ങ്കാ​ന വൈ.​എ​സ്.​ആ​ർ കോ​ൺ​ഗ്ര​സ് പ്ര​സി​ഡ​ന്റും ആ​ന്ധ്ര​പ്ര​ദേ​ശ് മു​ഖ്യ​മ​ന്ത്രി ജ​ഗ​ൻ മോ​ഹ​ൻ റെ​ഡ്ഢി​യു​ടെ സ​ഹോ​ദ​രി​യു​മാ​യ ഷ​ർ​മി​ള റെ​ഡ്ഢി​യു​മാ​യാ​ണ് കോ​ൺ​ഗ്ര​സ് സ​ഖ്യ​ത്തി​നു​ള്ള ശ്ര​മം ന​ട​ത്തു​ന്ന​ത്.