ന്യൂഡൽഹി: വടക്കു കിഴക്കൻ ഡൽഹിയിലുണ്ടായ കലാപവുമായി ബന്ധപ്പെട്ട് അറസ്റ്റിലായയാൾക്ക് നിബന്ധനകളോടെ ജാമ്യം. സമാധാനവും ഐക്യവും നിലനിർത്തുമെന്നതുൾപ്പെടെയുള്ള നിബന്ധനകളുമായാണ് ഡൽഹി കോടതി മുഹമ്മദ് മൊബിൻ അലി എന്നയാൾക്ക് ജാമ്യം അനുവദിച്ചത്.
20,000 രൂപയുടെ വ്യക്തിഗത ബോണ്ടും ജാമ്യക്കാരനേയും ഹാജരാക്കണമെന്ന് കോടതി ആവശ്യപ്പെട്ടു. തെളിവ് നശിപ്പിക്കുകയോ സാക്ഷികളെ സ്വാധീനിക്കാൻ ശ്രമിക്കുകയോ ചെയ്യരുതെന്ന നിബന്ധനയും കോടതി മുന്നോട്ടു വെച്ചിട്ടുണ്ട്.
കേസിൽ വാദം കേൾക്കുമ്പോഴെല്ലാം അലി കോടതിയിലെത്തണം. മൊബൈൽ നമ്പർ സ്റ്റേഷൻ ഹൗസ് ഓഫീസർക്ക് നൽകണം. കൂടാതെ മൊബൈലിൽ ആരോഗ്യ സേതു ആപ്ലിക്കേഷൻ ഇൻസ്റ്റാൾ ചെയ്യണം എന്നീ കാര്യങ്ങളും കോടതി നിർദേശിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.