ന്യൂഡൽഹി: ട്വന്റി 20 ലോകകപ്പ് ക്രിക്കറ്റ് സെമി ഫൈനലിൽ ഇന്ത്യയുടെ പരാജയത്തെ കുറിച്ച് ട്വീറ്റുമായി കോൺഗ്രസ് നേതാവ് ശശി തരൂർ.
ജയവും പരാജയവും സ്‍പോർട്സിന്റെ രണ്ട് ഭാഗങ്ങളാണ്. അതിനാൽ ട്വന്റി 20 ലോകകപ്പ് ക്രിക്കറ്റിൽ ഇംഗ്ലണ്ടിനെതിരായ മത്സരത്തിൽ ഇന്ത്യ പരാജയപ്പെട്ടത് കാര്യമാക്കുന്നില്ല. എന്നാൽ മത്സരത്തിൽ ഇന്ത്യ വളരെ മോശം പ്രകടനമാണ് കാഴ്ച വെച്ചതെന്ന് പറയാതെ വയ്യ...ശശി തരൂർ ട്വീറ്റ് ചെയ്തു.
ആദ്യം ബാറ്റ് ചെയ്ത ഇന്ത്യയുടെ 169 റൺസ് എന്ന ലക്ഷ്യം ഇംഗ്ലണ്ട് എളുപ്പം മറികടന്നു. 169 റൺസ് വിജയലക്ഷ്യവുമായി ഇറങ്ങിയ ഇംഗ്ലണ്ട് 16ാം ഓവറിലെ അവസാന പന്തിൽ വിജയ റൺ അടിച്ചെടുത്തു.
47 പന്തിൽ ഏഴ് സിക്സും നാല് ഫോറുമടക്കം 86 റൺസുമായി അലക്സ് ഹെയിൽസും 49 പന്തിൽ മൂന്ന് സിക്സും ഒമ്പത് ഫോറും സഹിതം 80 റൺസുമായി ജോസ് ബട്‍ലറും അടക്കി ഭരിച്ചപ്പോൾ ഇന്ത്യൻ താരങ്ങൾ നിസ്സഹായരായി. മെൽബണിൽ നടക്കുന്ന ഫൈനലിൽ ഇംഗ്ലണ്ട് പാകിസ്താനെ നേരിടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.