മുസഫർപൂർ: ലൈംഗികാതിക്രമം തടഞ്ഞ യുവതിയുടെ പിഞ്ചുകുഞ്ഞിനെ യുവാവ് തീയിലെറിഞ്ഞു. ബിഹാറിലെ മുസഫർപൂർ ജില്ലയിലാണ് ക്രൂര സംഭവം.
ബൊചഹൻ പൊലീസ് സ്റ്റേഷൻ പരിധിയിലാണ് സംഭവം. മൂന്നു മാസം മാത്രം പ്രായമുള്ള കുഞ്ഞിനെയാണ് യുവാവ് തീയിലേക്കെറിഞ്ഞത്. ഗുരുതരമായി പൊള്ളലേറ്റ നിലയിൽ കുഞ്ഞ് സദർ ആശുപത്രിയിൽ ചികിത്സയിലാണ്.
കുഞ്ഞിനൊപ്പം വീടിനു മുന്നിൽ തീ കാഞ്ഞ് ഇരിക്കുകയായിരുന്നു യുവതി. ഈ സമയമാണ് യുവാവ് എത്തി ലൈംഗികാക്രമണത്തിന് മുതിർന്നത്. എതിർത്ത യുവതിയുടെ മടിയിൽനിന്നും കുഞ്ഞിനെ എടുത്ത് ഇയാൾ തീയിലേക്ക് ഇടുകയായിരുന്നു.
പൊലീസിൽ പരാതി നൽകിയെങ്കിലും ആദ്യം പൊലീസ് കേസെടുക്കാൻ വിസമ്മതിച്ചെന്ന് യുവതിയുടെ ഭർത്താവ് പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.