ശ്രീനഗർ: ജമ്മുകശ്മീരിൽ സൈനികനും രണ്ട് ഭീകരരും ഏറ്റുമുട്ടലിൽ കൊല്ലപ്പെട്ടു. ബാരാമുല്ല ജില്ലയിലെ സോപോര എരിയയിലാണ് സംഭവമുണ്ടായതെന്ന് പ്രതിരോധവകുപ്പ് ഉദ്യോഗസ്ഥർ അറിയിച്ചു.
വെള്ളിയാഴ്ച രാവിലെ പ്രദേശത്ത് ഭീകരവാദികൾക്കായി സൈന്യം തെരച്ചിൽ ആരംഭിച്ചിരുന്നു. മലാഗ്നിപോര എരിയയിലാണ് സൈന്യം തെരച്ചിൽ നടത്തിയത്. പരിശോധനക്കിടെ ഭീകരവാദികൾ സൈന്യത്തിന് നേരെ വെടിയുതിർക്കുകയായിരുന്നു. തുടർന്ന് സൈന്യം തിരിച്ചടിച്ചു. ബ്രിജേഷ് കുമാറെന്ന സൈനികനാണ് കൊല്ലപ്പെട്ടതെന്ന് അധികൃതർ അറിയിച്ചു.
ഏറ്റുമുട്ടൽ അവസാനിച്ചുവെന്നും ഭീകരർക്കായുള്ള തെരച്ചിൽ തുടരുകയാണെന്നും സൈന്യം വ്യക്തമാക്കി. കഴിഞ്ഞ ദിവസവും ബാരാമുല്ലയിൽ ഏറ്റുമുട്ടലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.