പ്ര​ത്യേക പദവി: ബിഹാറിൽ രാഷ്ട്രീയ ചൂ​ടേറുന്നു

പ​ട്ന: ബി​ഹാ​റി​ന് പ്ര​ത്യേ​ക പ​ദ​വി ന​ൽ​ക​ണ​മെ​ന്ന ആ​വ​ശ്യ​ത്തി​ൽ ഭ​ര​ണ​ക​ക്ഷി​യാ​യ എ​ൻ.​ഡി.​എ​യും പ്ര​തി​പ​ക്ഷ മ​ഹാ​സ​ഖ്യ​വും നേ​ർ​ക്കു​നേ​ർ പോ​രി​ൽ. പ്ര​ത്യേ​ക പ​ദ​വി എ​ന്ന വ്യ​വ​സ്ഥ 14ാം ന​കാ​ര്യ ക​മീ​ഷ​ൻ റ​ദ്ദാ​ക്കി​യി​രു​ന്നു. പ്ര​ത്യേ​ക പ​ദ​വി അ​നു​വ​ദി​ക്കാ​നാ​വി​ല്ലെ​ന്ന് കേ​ന്ദ്ര​വും നി​ല​പാ​ടെ​ടു​ത്തു. ബി​ഹാ​ർ വി​ഭ​ജി​ച്ച് ഝാ​ർ​ഖ​ണ്ഡ് രൂ​പ​വ​ത്ക​രി​ച്ച​പ്പോ​ൾ ധാ​തു സ​മ്പ​ത്ത് ഝാ​ർ​ഖ​ണ്ഡി​ന് ല​ഭി​ച്ച​തോ​ടെ​യാ​ണ് സം​സ്ഥാ​ന​ത്ത് ആ​ദ്യ​മാ​യി പ്ര​​​ത്യേ​ക പ​ദ​വി ആ​വ​ശ്യ​മു​യ​ർ​ന്ന​ത്.

പ്ര​തി​പ​ക്ഷ സ​ഖ്യ​ത്തി​ന്റെ ഭാ​ഗ​മാ​യ മു​തി​ർ​ന്ന കോ​ൺ​ഗ്ര​സ് നേ​താ​വും മു​ൻ ലോ​ക്‌​സ​ഭ സ്പീ​ക്ക​റു​മാ​യ മീ​രാ കു​മാ​റാ​ണ് ബി.​ജെ.​പി-​ജെ.​ഡി.​യു സ​ഖ്യ​ത്തി​നെ​തി​രെ രൂ​ക്ഷ വി​മ​ർ​ശ​ന​വു​മാ​യി രം​ഗ​ത്തെ​ത്തി​യ​ത്. പ​ദ​വി​യു​ടെ കാ​ര്യ​ത്തി​ൽ കേ​ന്ദ്ര​ത്തി​ൽ നി​ന്ന് ഉ​റ​പ്പ് ല​ഭി​ക്കാ​ത്ത​ത് മു​ഖ്യ​മ​ന്ത്രി നി​തീ​ഷ് കു​മാ​റി​നും ജെ.​ഡി.​യു​വി​നും നാ​ണ​ക്കേ​ടാ​യി മാ​റു​ന്ന അ​വ​സ്ഥ​യാ​ണ്. കോ​ൺ​ഗ്ര​സും ആ​ർ.​ജെ.​ഡി​യും ഇ​ട​ക്കി​ടെ കു​ത്തി​നോ​വി​ക്കു​ന്നു​മു​ണ്ട്. കേ​ന്ദ്രം ഭ​രി​ക്കാ​ൻ ആ​ശ്ര​യി​ക്കു​ന്ന ജെ.​ഡി.​യു​വിന്‍റെ ആ​വ​ശ്യം ബി.​ജെ.​പി അം​ഗീ​ക​രി​ക്കാ​ത്ത​തി​ലും വ​ലി​യ വി​രോ​ധാ​ഭാ​സ​മി​ല്ലേ -കോ​ൺ​ഗ്ര​സ് നേ​താ​വും മു​ൻ ലോ​ക്സ​ഭ സ്പീ​ക്ക​റു​മാ​യ മീ​ര കു​മാ​ർ പ​റ​ഞ്ഞു. മ​ഹാ​സ​ഖ്യ​ത്തെ ഉ​പേ​ക്ഷി​ച്ച് മ​ല​ക്കം മ​റി​ഞ്ഞ് ത​ന്റെ പ​ക്ഷ​ത്തെ​ത്തി​യ സ​ഖ്യ​ക​ക്ഷി​യോ​ട് പ്ര​ധാ​ന​മ​ന്ത്രി കു​റ​ച്ച് ബ​ഹു​മാ​നം കാ​ണി​ക്ക​ണ​മെ​ന്ന് മീ​ര കു​മാ​ർ ക​ളി​യാ​ക്കി. സം​സ്ഥാ​ന​ത്തി​ന് പ്ര​​ത്യേ​ക പ​ദ​വി​യോ സാ​മ്പ​ത്തി​ക പാ​ക്കേ​ജോ അ​നു​വ​ദി​ക്ക​ണ​മെ​ന്ന് നി​തീ​ഷ് കു​മാ​റി​ന്റെ നേ​തൃ​ത്വ​ത്തി​ൽ ജെ.​ഡി.​യു ദേ​ശീ​യ എ​ക്സി​ക്യൂ​ട്ടി​വ് യോ​ഗം പ്ര​മേ​യം പാ​സാ​ക്കി​യി​രു​ന്നു. ​

യു.​പി.​എ സ​ർ​ക്കാ​ർ പ്ര​ത്യേ​ക പ​ദ​വി എ​ന്ന ആ​വ​ശ്യം അ​വ​ഗ​ണി​ച്ചെ​ന്നും പ്ര​ധാ​ന​മ​ന്ത്രി ന​രേ​ന്ദ്ര മോ​ദി ബി​ഹാ​റി​ന് അ​ർ​ഹി​ക്കു​ന്ന​ത് ന​ൽ​കു​മെ​ന്നാ​ണ് പ്ര​തീ​ക്ഷ​യെ​ന്നും സം​സ്ഥാ​ന മ​ന്ത്രി​യും മു​തി​ർ​ന്ന ജെ.​ഡി.​യു നേ​താ​വു​മാ​യ ശ്രാ​വ​ൺ കു​മാ​ർ പ​റ​ഞ്ഞു. കേ​ന്ദ്ര ബ​ജ​റ്റി​ന് മു​ന്നോ​ടി​യാ​യി ബി.​ജെ.​പി​യു​​ടെ ഉ​പ​മു​ഖ്യ​മ​ന്ത്രി​മാ​രാ​യ വി​ജ​യ് കു​മാ​ർ സി​ൻ​ഹ​യും സാ​മ്രാ​ട്ട് ചൗ​ധ​രി​യും ധ​ന​മ​​ന്ത്രി നി​ർ​മ​ല സീ​താ​രാ​മ​നു​മാ​യി ച​ർ​ച്ച ന​ട​ത്തി​യി​രു​ന്നു. ‘വി​ക​സി​ത ഭാ​ര​ത്’ വേ​ണ​മെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി വ്യ​ക്ത​മാ​ക്കി​യി​ട്ടു​​​ണ്ടെ​ന്നും ബി​ഹാ​റും വി​ക​സി​ക്കു​മ്പോ​ൾ മാ​ത്ര​മേ അ​ത് സാ​ധ്യ​മാ​കൂ​വെ​ന്നും സി​ൻ​ഹ പ​റ​ഞ്ഞു. ബി.​ജെ.​പി​യും ജെ.​ഡി.​യു​വും കേ​ന്ദ്ര​ത്തി​ലും സം​സ്ഥാ​ന​ത്തും അ​ധി​കാ​രം പ​ങ്കി​ട്ടി​ട്ടും പ്ര​​ത്യേ​ക പ​ദ​വി​ക്ക് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ന്ന​തി​നു പ​ക​രം ആ​വ​ശ്യ​ങ്ങ​ൾ ഉ​ന്ന​യി​ച്ച് ജ​ന​ങ്ങ​ളെ വി​ഡ്ഢി​ക​ളാ​ക്കു​ക​യാ​ണെ​ന്ന് ആ​ർ.​ജെ.​ഡി എം.​എ​ൽ.​എ ഭാ​യ് വീ​രേ​ന്ദ്ര ആ​രോ​പി​ച്ചു.