കൊച്ചി: മേയ് 22 വരെ ജില്ലയിൽ അവധികാല ക്ലാസുകൾ ജില്ലാ കലക്ടർ നിരോധിച്ചു. സൂര്യാതപം മൂലമുള്ള അപകടങ്ങൾ ജില്ലയിൽ വർധിക്കുന്ന സാഹചര്യത്തിലും താപതരംഗങ്ങൾ സംബന്ധിച്ച് മുന്നറിയിപ്പ് ലഭിച്ചിരിക്കുന്നതിനാലുമാണ് നടപടി.
സി.ബി.എസ്.ഇ, ഐ.സി.എസ്.ഇ സ്‌കൂളുകൾ അടക്കമുള്ള വിദ്യാലയങ്ങളിലും കോളജുകളിലും മേയ് 22 വരെ സമ്മർ ക്ലാസുകളും സ്‌പെഷ്യൽ ക്ലാസുകളും നടത്തുന്നത് നിരോധിച്ചാണ് കലക്ടർ ഉത്തരവിറക്കിയത്. പ്രൊഫഷണൽ കോളജുകൾക്കും മുൻനിശ്ചയ പ്രകാരമുള്ള പരീക്ഷകൾക്കും ഉത്തരവ് ബാധകമല്ല.
സാഹചര്യം വിലയിരുത്തിയ ശേഷം ആവശ്യമെങ്കിൽ ഉത്തരവിൽ ഭേദഗതി വരുത്തുന്നതായിരിക്കും. ഉത്തരവ് ലംഘിക്കുന്ന സ്ഥാപന മേധാവികളെ അറസ്റ്റ് ചെയ്ത് നിയമനടപടിക്ക് വിധേയമാക്കുമെന്നും കലക്ടർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.