കുട്ടന്
ഇരിങ്ങാലക്കുട: പ്രായപൂർത്തിയാകാത്ത പെൺകുട്ടിക്ക് നേരെ ലൈംഗിക അതിക്രമം നടത്തിയ കേസിൽ 32 വർഷം തടവും 1.40 ലക്ഷം രൂപ പിഴയും ശിക്ഷ. കയ്പമംഗലം സ്വദേശി കുട്ടനെയാണ് (55) ഇരിങ്ങാലക്കുട അതിവേഗ സ്പെഷ്യൽ കോടതി ജഡ്‌ജ് സി. ആർ. രവിചന്ദർ ശിക്ഷിച്ചത്. 2017 സെപ്റ്റംബർ മുതൽ 2018 വരെ കാലയളവിലാണ് ലൈംഗികാതിക്രമം നടത്തിയത്.
കയ്പമംഗലം പൊലീസാണ് കേസെടുത്തത്. ഇൻസ്പെക്ടർമാരായിരുന്ന പി.ജി. അനൂപും ജയേഷ് ബാലനും കെ.എസ്. സുബിന്തുമാണ് അന്വേഷിച്ചത്. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ അഡ്വ. വിജു വാഴക്കാല ഹാജരായി. സീനിയർ സിവിൽ പോലീസ് ഓഫീസർ ടി. ആർ. രജിനി പ്രോസിക്യൂഷന് സഹായിയായി. പ്രതിയെ വിയ്യൂർ ജയിലിലേക്ക് മാറ്റി. പിഴ സംഖ്യ അതിജീവിതക്ക് നഷ്ട‌പരിഹാരമായി നൽകുവാനും ഉത്തരവുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.