പദ്ധതികൾ ലക്ഷ്യം കണ്ടില്ല, സി.എ.ജി റിപ്പോർട്ടിൽ വൈദ്യുതി ബോർഡിന്​ രൂക്ഷ വിമർശനം

തി​രു​വ​ന​ന്ത​പു​രം: ചെ​ല​വ്​ കു​റ​ഞ്ഞ വൈ​ദ്യു​തി ഉ​ൽ​പാ​ദ​നം ന​ട​ത്താ​തി​രി​ക്ക​ൽ, പ​ദ്ധ​തി​ക​ൾ ന​ട​പ്പാ​ക്കു​ന്ന​തി​ലെ വീ​ഴ്​​ച​യ​ട​ക്കം ചൂ​ണ്ടി​ക്കാ​ട്ടി വൈ​ദ്യു​തി ബോ​ർ​ഡി​ന്​ സി.എ.ജിയുടെ വി​മ​ർ​ശ​നം. സ്വ​ന്തം ജ​ല​വൈ​ദ്യു​തി ന​യം കെ.​എ​സ്.​ഇ.​ബി പാ​ലി​ക്കാ​ത്ത​തും വേ​ന​ൽ​ക്കാ​ല പീ​ക്ക് സ​മ​യ​ങ്ങ​ളി​ൽ അ​ധി​ക വൈ​ദ്യു​തി ഉ​ൽ​പാ​ദി​പ്പി​ക്കാ​ത്ത​തും ന​ഷ്​​ട​ത്തി​ന് കാ​ര​ണ​മാ​യി. പീ​ക്ക് സ​മ​യ​ത്ത്​ ചെ​ല​വു​കു​റ​ഞ്ഞ ജ​ല​വൈ​ദ്യു​തി ഉ​ൽ​പാ​ദി​പ്പി​ക്കാ​ത്ത​തി​നാ​ൽ 86.4 മെ​ഗാ​വാ​ട്ട് വൈ​ദ്യു​തി​ക്കാ​യി 25.31 കോ​ടി രൂ​പ അ​ധി​കം ചെ​ല​വ​ഴി​ച്ചു. കു​റ്റ്യാ​ടി എ​ക്‌​സ്‌​റ്റെ​ന്‍ഷ​ന്‍ പ​ദ്ധ​തി​യി​ല്‍ ജ​ല​മെ​ത്തി​ക്കു​ന്ന​തി​ന്​ കു​റ്റ്യാ​ടി ജ​ല​വൈ​ദ്യു​ത പ​ദ്ധ​തി​യു​ടെ പെ​ന്‍സ്‌​റ്റോ​ക്ക് വി​ഭ​ജി​ച്ച​ത് ജ​ല​ത്തി​െൻറ സ​മ്മ​ർ​ദം ശ​ക്ത​മാ​ക്കി. 10 മെ​ഗാ​വാ​ട്ട് ഉ​ൽ​പാ​ദ​ന​ശേ​ഷി കു​റ​ഞ്ഞു. ഇ​ത് ആ​ദ്യ​മേ​ത​ന്നെ ശ്ര​ദ്ധ​യി​ൽ​പെ​ട്ടെ​ങ്കി​ലും പ​രി​ഹ​രി​ക്കു​ന്ന​തി​നു​ണ്ടാ​യ കാ​ല​താ​മ​സം 178.70 മെ​ഗാ​വാ​ട്ട് വൈ​ദ്യു​തി​യു​ടെ ഉ​ൽ​പാ​ദ​ന​ന​ഷ്​​ട​ത്തി​നും 52.36 കോ​ടി​യു​ടെ വൈ​ദ്യു​തി വാ​ങ്ങു​ന്ന​തി​നും കാ​ര​ണ​മാ​യി.

കു​റ്റ്യാ​ടി അ​ഡീ​ഷ​ന​ല്‍ എ​ക്‌​സ്‌​റ്റെ​ന്‍ഷ​ന്‍ പ​ദ്ധ​തി​യു​ടെ ടെ​യി​ല്‍ റേ​സ് ചാ​ന​ലി​ല്‍ ത​ട​യ​ണ കെ​ട്ടി​യ​തു​മൂ​ലം ഉ​ൽ​പാ​ദ​ന യൂ​നി​റ്റി​െൻറ റ​ണ്ണ​ര്‍ ഹൗ​സി​ങ്ങി​ല്‍ ശ​രി​യാ​യ വാ​യു​സ​ഞ്ചാ​രം ഇ​ല്ലാ​താ​യി. ഉ​ൽ​പാ​ദ​ന​ശേ​ഷി 20 മെ​ഗാ​വാ​ട്ട് കു​റ​യ്‌​ക്കേ​ണ്ടി​വ​ന്നു. ഇ​ത് 133.80 മെ​ഗാ​വാ​ട്ട് വൈ​ദ്യു​തി​യു​ടെ ഉ​ൽ​പാ​ദ​ന​ന​ഷ്​​ട​ത്തി​ലേ​ക്കും 39.20 കോ​ടി​യു​ടെ വൈ​ദ്യു​തി വാ​ങ്ങു​ന്ന​തി​ലേ​ക്കും ന​യി​ച്ചു.

ഇ​ടു​ക്കി ജ​ല​വൈ​ദ്യു​ത പ​ദ്ധ​തി​യി​ലെ ആ​ദ്യ​ഘ​ട്ട യൂ​നി​റ്റു​ക​ളു​ടെ​യും ശ​ബ​രി​ഗി​രി ജ​ല​വൈ​ദ്യു​ത പ​ദ്ധ​തി​യി​ലെ ഒ​ന്ന്, ര​ണ്ട്, മൂ​ന്ന്, അ​ഞ്ച് യൂ​നി​റ്റു​ക​ളു​ടെ​യും ശേ​ഷി വ​ര്‍ധി​പ്പി​ക്ക​ല്‍ സാ​ധ്യ​ത ഉ​പ​യോ​ഗ​പ്പെ​ടു​ത്തി​യി​ല്ല. പ്ര​തി​വ​ര്‍ഷം 212.04 മെ​ഗാ​വാ​ട്ട് അ​ധി​ക വൈ​ദ്യു​തി ഉ​ൽ​പാ​ദി​പ്പി​ക്കാ​ൻ അ​വ​സ​രം ന​ഷ്​​ട​പ്പെ​ട്ടു. ന​ട​പ്പാ​ക്കി​യി​രു​ന്നെ​ങ്കി​ല്‍ അ​ത്ര​യും വൈ​ദ്യു​തി വാ​ങ്ങു​ന്ന​ത് കു​റ​യ്ക്കാ​മാ​യി​രു​ന്നു. ബി​ഡ്​​ഡു​ക​ളു​ടെ സാ​ങ്കേ​തി​ക വി​ല​യി​രു​ത്ത​ലി​ലെ ന്യൂ​ന​ത​മൂ​ലം ഇ​ടു​ക്കി ജ​ല​വൈ​ദ്യു​ത പ​ദ്ധ​തി​യു​ടെ ന​വീ​ക​ര​ണം, ശേ​ഷി​കൂ​ട്ട​ല്‍ പ​ദ്ധ​തി​ക​ളി​ല്‍ 21 മാ​സ​ത്തെ കാ​ല​താ​മ​സ​മു​ണ്ടാ​യതായി റി​പ്പോ​ർ​ട്ടി​ൽ പ​റ​യു​ന്നു.

ശ​ബ​രി​ഗി​രി പ​ദ്ധ​തി​യി​ലെ യൂ​നി​റ്റ് നാ​ലി​ന്​ ക​രാ​റു​കാ​ര​ന്‍ ഉ​റ​പ്പു​ന​ല്‍കി​യ മാ​ന​ദ​ണ്ഡ​ങ്ങ​ള്‍ക്ക​നു​സ​രി​ച്ച് പ്ര​ക​ട​നം ന​ട​ത്താ​നാ​യി​ല്ല. ത​ക​രാ​ര്‍ ബാ​ധ്യ​താ കാ​ല​യ​ള​വി​ലും അ​തി​നു​ശേ​ഷ​വും ദീ​ര്‍ഘ​മാ​യി അ​ട​ച്ചി​ടേ​ണ്ടി​വ​ന്ന​തു​മൂ​ലം 201.60 മെ​ഗാ​വാ​ട്ട് വൈ​ദ്യു​തി ഉ​ൽ​പാ​ദ​ന ന​ഷ്​​ട​മു​ണ്ടാ​യി. വൈ​ദ്യു​തി വാ​ങ്ങു​ന്ന​തി​ന് 59.07 കോ​ടി രൂ​പ​യു​ടെ അ​ധി​ക​ച്ചെ​ല​വും.

വൈ​ദ്യു​തി ബോ​ർ​ഡ്​ 2018-19 ൽ 1,860.42 ​കോ​ടി ന​ഷ്​​ടം വ​രു​ത്തി. ഊ​ര്‍ജ​മേ​ഖ​ല​യി​ലെ മൂ​ന്ന് ക​മ്പ​നി​ക​ള്‍ 2014-15 വ​ര്‍ഷം 144.95 കോ​ടി ലാ​ഭ​മു​ണ്ടാ​ക്കി. 2018-19ല്‍ 1,853.80 ​കോ​ടി രൂ​പ​യു​ടെ മൊ​ത്തം ന​ഷ്​​ട​മാ​യി. പ​വ​ര്‍ ആ​ൻ​ഡ്​ ഇ​ന്‍ഫ്രാ​സ്ട്ര​ക്ച​ര്‍ ഫി​നാ​ന്‍സ് കോ​ര്‍പ​റേ​ഷ​ന്‍ 5.97 കോ​ടി​യു​ടെ​യും കി​നെ​സ്‌​കോ പ​വ​ര്‍ 0.65 കോ​ടി​യു​ടെ​യും ലാ​ഭം നേ​ടി​യ​പ്പോ​ൾ കെ.​എ​സ്.​ഇ.​ബി 1860.42 കോ​ടി രൂ​പ​യു​ടെ ന​ഷ്​​ടം രേ​ഖ​പ്പെ​ടു​ത്തി. വി​ത​ര​ണ​രം​ഗ​ത്തെ സാ​ങ്കേ​തി​ക-​വാ​ണി​ജ്യ ന​ഷ്​​ടം 11 ശ​ത​മാ​നം കു​റ​യ്ക്കാ​ൻ 2017 മാ​ര്‍ച്ചി​ല്‍ കേ​ന്ദ്ര​വു​മാ​യി ധാ​ര​ണ​പ​ത്ര​ത്തി​ല്‍ ഏ​ര്‍പ്പെ​ട്ടി​രു​ന്നു. എ​ന്നാ​ൽ, ക​ട​ബാ​ധ്യ​ത സം​സ്ഥാ​ന സ​ര്‍ക്കാ​ര്‍ ഏ​റ്റെ​ടു​ത്തി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു.