അഞ്ചൽ: വസ്തു വില്പന തർക്കത്തെത്തുടർന്ന് മദ്യം വാങ്ങി നൽകി കാറിൽ കടത്തിക്കൊണ്ടുപോയി യുവാവിനെ മർദ്ദിച്ചവശനാക്കിയതായി പരാതി. ഇടമുളക്കൽ ബിനു സദനത്തിൽ അനിൽകുമാർ (42) നാണ് മർദ്ദനമേറ്റത്. അഞ്ചലിലെ സ്വകാര്യ ആശുപത്രിയിൽ ചികിത്സയിലാണ്. സംഭവവുമായി ബന്ധപ്പെട്ട് അഞ്ചലിൽ ടയർ കട നടത്തിവരുന്നയാളുമായ നവാസിനെതിരെ അഞ്ചൽ പൊലീസ് കേസെടുത്തു.
അഞ്ചൽ ബൈപാസിനു സമീപമുള്ള വസ്തു കച്ചവടവുമായി ബന്ധപ്പെട്ടുള്ള തർക്കമാണ് ആക്രമണത്തിനു കാരണ മെന്ന് പറയപ്പെടുന്നു. നവാസിൻ്റ ഡ്രൈവറും കടയിലെ ജീവനക്കാരനുമാണ് അനിൽകുമാർ. കഴിഞ്ഞ ദിവസം രാത്രി എട്ട് മണിയോടെയാണ് സംഭവം. മദ്യം വാങ്ങി നൽകിയ ശേഷം നവാസും സുഹൃത്തുക്കളും ചേർന്ന് അനിൽകുമാറിനെ കാറിൽ കയറ്റി അഞ്ചൽ ബൈപാസിൽ എത്തിക്കുകയും വാഹനത്തിൽ വെച്ചും റോഡിലിട്ടും മർദ്ദിക്കുകയായിരുന്നുവെന്നും അനിൽകുമാർ പറഞ്ഞു. പിന്നീട് സുഹൃത്തുക്കളെത്തിയാണ് അനിൽകുമാറിനെ ആശുപത്രിയിലെത്തിച്ചത്. പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.