മ​തി​ലി​നോ​ട് ചാ​രി​യും റോ​ഡി​ൽ ത​ള്ളി​യി​ട്ടും കുത്തി; അസൈനെ പോത്ത് ആക്രമിച്ചത് വ​യ​ലി​ൽനിന്ന് അ​ഴി​ച്ചു​കൊ​ണ്ടു​വ​രു​ന്ന​തി​നി​ടെ

മാ​വൂ​ർ: കോഴിക്കോട് മാവൂരിൽ വയോധികനെ വളർത്തുപോത്ത് ആക്രമിച്ച് കൊലപ്പെടുത്തിയത് വ​യ​ലി​ൽനിന്ന് അ​ഴി​ച്ചു​കൊ​ണ്ടു​വ​രു​ന്ന​തി​നി​ടെ. മ​തി​ലി​നോ​ട് ചാ​രി​യും റോ​ഡി​ൽ ത​ള്ളി​യി​ട്ടും പോത്ത് ആക്രമിക്കുകയായിരുന്നു. മാ​വൂ​ർ പ​ന​ങ്ങോ​ട് താ​മ​സി​ക്കും അ​ര​യ​ങ്കോ​ട് പ​ള്ളി​ക്ക​ണ്ടി അ​സൈ​നാ​ണ് (70) തി​ങ്ക​ളാ​ഴ്ച വൈ​കീ​ട്ടോടെ മ​രി​ച്ച​ത്.

പ​ന​ങ്ങോ​ട്-​മു​ണ്ട​ന​ട റോ​ഡി​ൽ പൂ​ക്കോ​ട് താ​ഴ​ത്തായിരുന്നു സം​ഭ​വം. സ​മീ​പ​ത്തെ വ​യ​ലി​ൽ കെ​ട്ടി​യി​ട്ട പോ​ത്തി​നെ അ​ഴി​ച്ചു​കൊ​ണ്ടു​വ​രു​ന്ന​തി​നി​ടെ അ​സൈ​നെ ആ​ക്ര​മി​ക്കു​ക​യാ​യി​രു​ന്നു. ഒ​രു​ഭാ​ഗ​ത്ത് വ​യ​ലും മ​റു​ഭാ​ഗ​ത്ത് വീ​ട്ടു​മ​തി​ലും ആ​യ​തി​നാ​ൽ ഓ​ടി ര​ക്ഷ​പ്പെ​ടാ​നാ​യി​ല്ല. മ​തി​ലി​നോ​ട് ചാ​രി​യും റോ​ഡി​ൽ ത​ള്ളി​യി​ട്ടും പോ​ത്ത് ആ​ക്ര​മി​ച്ചു. നി​ല​വി​ളി​കേ​ട്ട് ഓ​ടി​ക്കൂ​ടി​യ​വ​ർ പോ​ത്തി​നെ ഓ​ടി​ക്കാ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. ഗു​രു​ത​ര​മാ​യി പ​രി​ക്കേ​റ്റ ഇ​ദ്ദേ​ഹ​ത്തെ ഉ​ട​ൻ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

ക​ഴി​ഞ്ഞ ദി​വ​സ​ങ്ങ​ളി​ലും ഈ ​പോ​ത്ത് ആ​ക്ര​മ​ണ​ത്തി​ന് മു​തി​ർ​ന്ന​താ​യി പ​റ​യ​പ്പെ​ടു​ന്നു. ഓടിക്കൂടിയ നാട്ടുകാരാണ് ​​പോത്തിനെ തളച്ചത്. മാ​വൂ​ർ പ്രി​ൻ​സി​പ്പ​ൽ എ​സ്.​ഐ പി.​എ​ൻ. മു​ര​ളീ​ധ​ര​ന്റെ നേ​തൃ​ത്വ​ത്തി​ൽ മാ​വൂ​ർ പൊ​ലീ​സ് സ്ഥ​ല​ത്തെ​ത്തി.

ഭാ​ര്യ: ബി​ച്ചി​പാ​ത്തു. മ​ക്ക​ൾ: ഹ​സീ​ബ്, ന​ജീ​ബ്, ദു​ജാ​ന​ത്ത്, നു​സ്റ​ത്ത്, ആ​ഷി​ഖ, ഹ​സീ​ന, ഫാ​യി​ദ. മ​രു​മ​ക്ക​ൾ: ല​ത്തീ​ഫ് മ​ല​യ​മ്മ, മ​ൻ​സൂ​ർ ഓ​മ​ശ്ശേ​രി, മു​ജീ​ബ് മു​ക്കം, അ​സ് ലം ​പെ​രി​ന്ത​ൽ​മ​ണ്ണ, ഷ​ഹീ​ർ കി​ഴി​ശ്ശേ​രി, ഫ​ർ​സാ​ന പെ​രു​മ​ണ്ണ, റി​ഷാ​ന മു​ക്കം.