ആദ്യം ജില്ല കൗൺസിൽ; പിന്നെ 'ഇല്ലാ കൗൺസിൽ'

കോ​ഴി​ക്കോ​ട്: ത​ദ്ദേ​ശ തെ​ര​ഞ്ഞെ​ടു​പ്പെ​ന്നാ​ൽ പ​ഞ്ചാ​യ​ത്തു​ക​ളി​ലേ​ക്കും ന​ഗ​ര​സ​ഭ​ക​ളി​ലേ​ക്കും പ്ര​തി​നി​ധി​ക​ളെ തി​ര​ഞ്ഞെ​ടു​ക്ക​ൽ മാ​ത്ര​മാ​യി​രു​ന്നു പ​ണ്ട്. 1991ൽ ​ന​ട​ന്ന ജി​ല്ല കൗ​ൺ​സി​ൽ തെ​ര​ഞ്ഞെ​ടു​പ്പ് ത്രി​ത​ല പ​ഞ്ചാ​യ​ത്ത് സം​വി​ധാ​ന​ത്തി​ലേ​ക്കു​ള്ള ആ​ദ്യ ചു​വ​ടാ​യി​രു​ന്നു. ഇ.​കെ. നാ​യ​നാ​ർ സ​ർ​ക്കാ​റി​െൻറ കാ​ല​ത്ത് നി​ല​വി​ൽ​വ​ന്ന ജി​ല്ല കൗ​ൺ​സി​ൽ യു.​ഡി.​എ​ഫ് 1994ൽ ​പി​രി​ച്ചു​വി​ട്ടു.

പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ൽ​നി​ന്ന് വ്യ​ത്യ​സ്ത​മാ​യ തെ​ര​ഞ്ഞെ​ടു​പ്പാ​യി​രു​ന്നു അത്​. കേ​ര​ള​ത്തി​ൽ അ​ഞ്ചു​വ​ർ​ഷ​ത്തെ ഇ​ട​വേ​ള​ക​ളി​ൽ കൃ​ത്യ​മാ​യി തെരഞ്ഞെടുപ്പ്​ ന​ട​ന്നി​രു​ന്നി​ല്ല. 1964ലെ ​പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​നു​ശേ​ഷം 79ലാ​യി​രു​ന്നു അ​ടു​ത്തത്​. 1984ൽ ​കാ​ലാ​വ​ധി ക​ഴി​ഞ്ഞി​ട്ടും കെ. ​ക​രു​ണാ​ക​ര​ൻ സ​ർ​ക്കാ​ർ തെ​ര​ഞ്ഞെ​ടു​പ്പി​ന് ത​യാ​റാ​യി​ല്ല. തു​ട​ർ​ന്ന് നാ​ലു​വ​ർ​ഷം ഉ​ദ്യോ​ഗ​സ്ഥ ഭ​ര​ണ​മാ​യി​രു​ന്നു. നാ​യ​നാ​ർ സ​ർ​ക്കാ​ർ 1988ൽ ​പ​ഞ്ചാ​യ​ത്ത് തെ​ര​ഞ്ഞെ​ടു​പ്പ് ന​ട​ത്തി​യ​തി​നു പി​ന്നാ​ലെ​യാ​ണ് 1991ൽ ​ജി​ല്ല കൗ​ൺ​സി​ൽ തെ​ര​ഞ്ഞെ​ടു​പ്പ് ന​ട​ത്തി​യ​ത്. അ​നു​കൂ​ല​ രാ​ഷ്​​ട്രീ​യ കാ​ലാ​വ​സ്ഥ​യി​ൽ മ​ല​പ്പു​റം ഒ​ഴി​കെ​ 13 ജി​ല്ല​ക​ളി​ലും ഇ​ട​തു​മു​ന്ന​ണി ത​ക​ർ​പ്പ​ൻ ജ​യം നേടി. അ​ധി​കാ​രം ജ​ന​ങ്ങ​ളി​ലേ​ക്ക് എ​ന്ന മു​ദ്രാ​വാ​ക്യ​ത്തി​െൻറ സ​ത്യ​സ​ന്ധ​മാ​യ നീ​ക്ക​മാ​യി​രു​ന്നു പി​ന്നീ​ട് ക​ണ്ട​ത്. 240 വി​ഷ​യ​ങ്ങ​ളും 19 പ്ര​ധാ​ന വ​കു​പ്പു​ക​ളും ജി​ല്ല കൗ​ൺ​സി​ലു​ക​ൾ​ക്ക് കൈ​മാ​റി. ഓ​രോ ജി​ല്ല​യി​ലും ഓ​രോ മ​ന്ത്രി​സ​ഭ പോ​ലെ ചു​മ​ത​ല​ക​ൾ വ​ർ​ധി​ച്ചു. പ​തി​വി​ല്ലാ​തെ കൈ​യ​യ​ച്ച് ഫ​ണ്ടും സ​ർ​ക്കാ​ർ കൈ​മാ​റി. ബ​ജ​റ്റ് വി​ഹി​ത​ത്തി​െൻറ 24 ശ​ത​മാ​നം തു​ക ജി​ല്ല കൗ​ൺ​സി​ലു​ക​ൾ​ക്ക് നൽകി. താ​ഴെ​ത​ട്ടി​ൽ പ​ദ്ധ​തി​ക​ൾ ആ​സൂ​ത്ര​ണം ചെ​യ്യാ​ൻ അ​ഞ്ച് ശ​ത​മാ​നം തു​ക വേ​റെ​യും. ജി​ല്ല കൗ​ൺ​സി​ൽ അം​ഗ​ങ്ങ​ളി​ൽ 30 ശ​ത​മാ​നം വ​നി​ത​ക​ളാ​യി​രു​ന്നു. മ​ന്ത്രി കെ.​ടി. ജ​ലീ​ൽ ഉ​ൾ​പ്പെ​ടെ​യു​ള്ള​വ​ർ ജി​ല്ല കൗ​ൺ​സി​ലി​ൽ അ​ങ്കം കു​റി​ച്ച് ജ​യി​ച്ച​വ​രാ​ണ്. ജി​ല്ല കൗ​ൺ​സി​ലി​ലെ ത​ക​ർ​പ്പ​ൻ വി​ജ​യ​വും മു​സ്​​ലിം ലീ​ഗും യു.​ഡി.​എ​ഫും ത​മ്മി​ലു​ള്ള ത​ർ​ക്ക​വും ക​ണ്ട് നാ​യ​നാ​ർ സ​ർ​ക്കാ​ർ നി​യ​മ​സ​ഭ പി​രി​ച്ചു​വി​ട്ടു.

കെ. ​ക​രു​ണാ​ക​ര​െൻറ നേ​തൃ​ത്വ​ത്തി​ൽ ഭ​ര​ണ​ത്തി​ലേ​റി​യ യു.​ഡി.​എ​ഫ് ജി​ല്ല കൗ​ൺ​സി​ലി​െൻറ അ​ധി​കാ​ര​ങ്ങ​ൾ ക​വ​ർ​ന്നു. പു​തി​യ പ​ഞ്ചാ​യ​ത്തി രാ​ജ് നി​യ​മം വ​രു​ന്ന​തോ​ടെ ജി​ല്ല കൗ​ൺ​സി​ലി​ന് പ്ര​സ​ക്തി​യി​ല്ലെ​ന്ന് യു.​ഡി.​എ​ഫ് വാ​ദി​ച്ചു. ജി​ല്ല കൗ​ൺ​സി​ലി​നെ 'ഇ​ല്ലാ കൗ​ൺ​സി​ൽ' ആ​ക്കി​യെ​ന്ന് പ്ര​തി​പ​ക്ഷ​വും പ​രി​ത​പി​ച്ചു. ഒ​ടു​വി​ൽ 1994 ഏ​പ്രി​ലി​ൽ ജി​ല്ല കൗ​ൺ​സി​ൽ അ​കാ​ല ച​ര​മ​മ​ട​ഞ്ഞു. അ​ടു​ത്ത വ​ർ​ഷം ജി​ല്ല പ​ഞ്ചാ​യ​ത്ത്, ബ്ലോ​ക്ക് പ​ഞ്ചാ​യ​ത്ത്, ഗ്രാ​മ​പ​ഞ്ചാ​യ​ത്ത് ത്രി​ത​ല സം​വി​ധാ​ന​ത്തി​നും തു​ട​ക്ക​മാ​യി.