ലൈംഗികപീഡന ഇരകളുടെ സംരക്ഷണത്തിന്​ സമഗ്ര പെരുമാറ്റച്ചട്ടം വേണമെന്ന് ഹൈകോടതി

കൊ​ച്ചി: ലൈം​ഗി​ക​പീ​ഡ​ന​ത്തി​ന്​ ഇ​ര​യാ​കു​ന്ന സ്ത്രീ​ക​ളു​ടെ​യും കു​ട്ടി​ക​ളു​ടെ​യും സം​ര​ക്ഷ​ണ​ത്തി​നും മാ​ന​സി​ക പി​ന്തു​ണ ഉ​റ​പ്പു​വ​രു​ത്താ​നും സ​മ​ഗ്ര പെ​രു​മാ​റ്റ​ച്ച​ട്ടം (പ്രോ​ട്ടോ​കോ​ൾ) വേ​ണ​മെ​ന്ന് ഹൈ​കോ​ട​തി. വൈ​ദ്യ-​നി​യ​മ സ​ഹാ​യ​ങ്ങ​ളും ല​ഭ്യ​മാ​ക്ക​ണം. അ​ടി​യ​ന്ത​ര​സ​ഹാ​യം തേ​ടി വി​ളി​ക്കാ​ൻ 112 എ​ന്ന ടോ​ൾ ഫ്രീ ​ന​മ്പ​ർ സ​ർ​ക്കാ​ർ വ്യാ​പ​ക​മാ​യി പ്ര​ച​രി​പ്പി​ക്ക​ണ​മെ​ന്ന​ത​ട​ക്കം10 നി​ർ​ദേ​ശ​ങ്ങ​ളും പു​റ​പ്പെ​ടു​വി​ച്ചു. പീ​ഡ​ന​ക്കേ​സ് ഒ​ത്തു​തീ​ർ​ക്കാ​ൻ പൊ​ലീ​സ് നി​ർ​ബ​ന്ധി​ക്കു​ന്നെ​ന്ന്​ ആ​രോ​പി​ച്ച് ഒ​രു കേ​സി​ലെ ഇ​ര ന​ൽ​കി​യ ഹ​ര​ജി​യി​ലാ​ണ്​ ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ന്‍റെ ഉ​ത്ത​ര​വ്.

ലൈം​ഗി​കാ​തി​ക്ര​മ​ത്തി​ന് ഇ​ര​യാ​ക്കു​ന്ന​വ​ർ അ​നു​ഭ​വി​ക്കു​ന്ന പീ​ഡ​യാ​ണ് ഏ​റ്റ​വും ദു​രി​ത​പൂ​ർ​ണ​മാ​യി​ട്ടു​ള്ള​തെ​ന്ന് കോ​ട​തി അ​ഭി​പ്രാ​യ​പ്പെ​ട്ടു. ദു​രി​ത​ങ്ങ​ൾ പ​ങ്കു​വെ​ക്കാ​ൻ​പോ​ലും ഇ​വ​ർ​ക്ക്​ പ​ല​പ്പോ​ഴും ക​ഴി​യു​ന്നി​ല്ല. സ​മൂ​ഹ​ത്തി​ന്‍റെ പ​രി​ഹാ​സ​വും മ​റ്റും സ​ഹി​ക്കേ​ണ്ടി​വ​രു​ന്നു. ''എ​ന്നി​ലെ എ​ല്ലാം ന​ശി​പ്പി​ക്ക​പ്പെ​ട്ടു എ​ന്ന തോ​ന്ന​ലാ​ണു​ള്ള​ത്, ഇ​പ്പോ​ഴു​ള്ള​ത്​ വെ​റും പു​റ​ന്തോ​ട് മാ​ത്രം'' എ​ന്നാ​ണ്​ ഒ​രു ഇ​ര പ്ര​തി​ക​രി​ച്ച​ത്. ഈ ​വി​ഷാ​ദ അ​വ​സ്ഥ​യി​ൽ​നി​ന്ന്​ പു​റ​ത്തു​ക​ട​ക്കാ​നാ​യി​ല്ലെ​ങ്കി​ൽ പ​ഴ​യ ജീ​വി​ത​ത്തി​ലേ​ക്ക് മ​ട​ങ്ങി​യെ​ത്താ​നാ​കി​ല്ല.

പീ​ഡ​ന​ങ്ങ​ൾ​ക്കി​ര​യാ​വു​ന്ന​വ​ർ 112 എ​ന്ന ന​മ്പ​റി​ലോ പൊ​ലീ​സി​ന്‍റെ 100 എ​ന്ന ടോ​ൾ ഫ്രീ ​ന​മ്പ​റി​​ലോ വി​ളി​ച്ചാ​ൽ അ​വ​ർ ന​ൽ​കു​ന്ന വി​വ​ര​ങ്ങ​ൾ ബ​ന്ധ​പ്പെ​ട്ട പൊ​ലീ​സ് സ്റ്റേ​ഷ​നു​ക​ളി​ലേ​ക്ക് കൈ​മാ​റ​ണ​മെ​ന്ന്​ കോ​ട​തി നി​ർ​ദേ​ശി​ച്ചു. ഈ ​സം​വി​ധാ​നം നി​ല​വി​ലു​ണ്ടെ​ന്ന് സ​ർ​ക്കാ​ർ അ​റി​യി​ച്ചു. കാ​ളു​ക​ൾ കൈ​കാ​ര്യം ചെ​യ്യാ​ൻ പ​രി​ശീ​ല​നം ല​ഭി​ച്ച​വ​രെ നി​യോ​ഗി​ക്ക​ണം. വി​വ​രം ല​ഭി​ച്ചാ​ൽ ഇ​ര​യെ ബ​ന്ധ​പ്പെ​ടാ​ൻ പൊ​ലീ​സ് സ്റ്റേ​ഷ​നി​ൽ​നി​ന്ന് അ​ടി​യ​ന്ത​ര ന​ട​പ​ടി​യെ​ടു​ക്ക​ണം.

സ്റ്റേ​ഷ​നി​ലേ​ക്ക്​ വി​ളി​ച്ചു​വ​രു​ത്താ​തെ നേ​രി​ൽ​കാ​ണു​ക​യോ ഫോ​ണി​ൽ വി​ളി​ക്കു​ക​യോ ചെ​യ്യ​ണം. വീ​ട്ടി​ലെ​ത്തി​യോ ഇ​ര ആ​വ​ശ്യ​പ്പെ​ടു​ന്ന സ്ഥ​ല​ത്തെ​ത്തി​യോ വേ​​ണം മൊ​ഴി രേ​ഖ​പ്പെ​ടു​ത്താ​ൻ. ര​ക്ഷി​താ​ക്ക​ളു​ടെ​യോ അ​ടു​ത്ത ബ​ന്ധു​ക്ക​ളു​ടെ​യോ സാ​മൂ​ഹി​ക പ്ര​വ​ർ​ത്ത​ക​ന്‍റെ​യോ സാ​ന്നി​ധ്യ​ത്തി​ലാ​വ​ണം മൊ​ഴി​യെ​ടു​പ്പ്.

കേ​സെ​ടു​ത്താ​ൽ ഇ​ര​ക്ക്​ സം​ര​ക്ഷ​ണ​വും പി​ന്തു​ണ​യും ന​ൽ​കാ​ൻ വി​ക്ടിം ലെ​യ്സ​ൺ ഓ​ഫി​സ​റെ ചു​മ​ത​ല​പ്പെ​ടു​ത്ത​ണം. മാ​ന​സി​ക​വും ശാ​രീ​രി​ക​വു​മാ​യ പ​രി​ച​ര​ണം ഉ​റ​പ്പു​വ​രു​ത്താ​ൻ വ​ൺ സ്റ്റോ​പ് ക്രൈ​സി​സ് സെ​ന്‍റ​റി​ന്‍റെ​യും വി​ക്ടിം റൈ​റ്റ് സെ​ന്‍റ​റി​ന്‍റെ​യും ന​മ്പ​റു​ക​ൾ ന​ൽ​ക​ണം. 24 മ​ണി​ക്കൂ​റും ഇ​വ​യു​ടെ സേ​വ​നം ഉ​റ​പ്പു വ​രു​ത്ത​ണം. ഈ ​സെ​ന്‍റ​റു​ക​ളി​ൽ നി​യ​മ​സ​ഹാ​യ​വും ഉ​റ​പ്പാ​ക്ക​ണം. അ​വ​കാ​ശ​ങ്ങ​ളെ​ക്കു​റി​ച്ച് ബോ​ധ​വ​ത്ക​രി​ക്കു​ക​യും ആ​ത്മ​വി​ശ്വാ​സ​ത്തോ​ടെ ന​ട​പ​ടി​ക​ൾ സ്വീ​ക​രി​ക്കാ​ൻ അ​വ​രെ പ്രാ​പ്ത​രാ​ക്കു​ക​യും വേ​ണ​മെ​ന്നും ഉ​ത്ത​ര​വി​ൽ നി​ർ​ദേ​ശി​ക്കു​ന്നു.