തിരുവനന്തപുരം: ഹമാസിനെ ഭീകരർ എന്ന് വിശേഷിപ്പിച്ച സി.പി.എം കേന്ദ്ര കമ്മിറ്റിയംഗവും മുൻ മന്ത്രിയുമായ കെ.കെ. ശൈലജക്ക് പരോക്ഷ മറുപടിയുമായി കെ.ടി. ജലീൽ എം.എൽ.എ. ഹമാസ് ഭീകരരെങ്കിൽ ഇസ്രായേൽ കൊടും ഭീകരർ എന്നാണ് ജലീൽ ഫേസ്ബുക്കിൽ കുറിച്ചത്. ഹിറ്റ്ലർ ജൂതരോട് കാണിച്ച അതേ ക്രൂരതയാണ് ഇസ്രായേൽ ഫലസ്തീനികളോട് കാണിക്കുന്നതെന്നും ജലീൽ പറഞ്ഞു.
ഇസ്രായേൽ-ഫലസ്തീൻ സംഘർഷത്തിൽ ഹമാസിനെ പിന്തുണക്കുന്നതായിരുന്നു സി.പി.എം നിലപാട്. അതിൽ നിന്ന് വിരുദ്ധമായ നിലപാടാണ് കഴിഞ്ഞ ദിവസം കെ.കെ. ശൈലജ സ്വീകരിച്ചത്. ഇസ്രായേലിൽ ഹമാസ് ഭീകരർ നടത്തിയ ആക്രമണത്തെ മനഃസാക്ഷിയുള്ളവർ അപലപിക്കും എന്നായിരുന്നു കെ.കെ. ശൈലജ ഫേസ്ബുക്കിൽ കുറിച്ചത്. അധികാരഭ്രാന്തിന്റെയും പണക്കൊതിയുടെയും അനന്തരഫലമാണ് യുദ്ധങ്ങളെന്നും നിഷ്‍കളങ്കമായ അനേകം മനുഷ്യർ ഓരോ യുദ്ധത്തിലും കുരുതി കൊടുക്കപ്പെടുന്നുവെന്നും അവർ എഴുതി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.