കായലിലെ മണൽത്തിട്ട അപകടഭീഷണി ഉയർത്തുന്നു

അ​രൂ​ർ: കൈ​ത​പ്പു​ഴ കാ​യ​ലി​ൽ രൂ​പം​കൊ​ണ്ട മ​ണ​ൽ​തി​ട്ട അ​പ​ക​ട​ഭീ​ഷ​ണി ഉ​യ​ർ​ത്തു​ന്നു. ഇ​ട​ക്കൊ​ച്ചി പാ​ല​ത്തി​ൽ​നി​ന്ന് പ​ടി​ഞ്ഞാ​റു​ഭാ​ഗ​ത്തു​ള്ള കാ​യ​ലി​ലേ​ക്ക് നോ​ക്കി​യാ​ൽ കാ​ണാ​വു​ന്ന വി​ധ​മാ​ണ് ദ്വീ​പ്​ പോ​ലെ ഈ ​മ​ണ​ൽ​തി​ട്ട രൂ​പ​പ്പെ​ട്ടി​രി​ക്കു​ന്ന​ത്. കാ​യ​ലി​ലൂ​ടെ ചീ​റി​പ്പാ​യു​ന്ന ജ​ല​യാ​ന​ങ്ങ​ൾ​ക്കാ​ണ് ഈ '​ചെ​റു​ദ്വീ​പ്' ഭീ​ഷ​ണി​യാ​കു​ന്ന​ത്.

ഇ​ട​ക്കൊ​ച്ചി​യി​ൽ​നി​ന്ന് അ​രൂ​രി​ലേ​ക്ക് വ​ലി​യ കു​ടി​വെ​ള്ള പൈ​പ്പ് സ്ഥാ​പി​ക്കു​ന്ന​തി​ന്​ കാ​യ​ലി​ൽ​നി​ന്ന് എ​ടു​ത്ത മ​ണ്ണും ച​ളി​യും കാ​യ​ലി​ൽ​ത​ന്നെ നി​ക്ഷേ​പി​ച്ച​താ​ണ് മ​ണ​ൽ​തി​ട്ട​യാ​യി മാ​റി​യ​ത്. പാ​ല​ത്തി​െൻറ ചു​വ​ട്ടി​ൽ പൈ​പ്പ് സ്ഥാ​പി​ക്കാ​ൻ എ​ടു​ക്കു​ന്ന മ​ണ്ണും ച​ളി​യും കാ​യ​ലി​ൽ നി​ക്ഷേ​പി​ക്ക​രു​തെ​ന്നാ​വ​ശ്യ​പ്പെ​ട്ട് മ​ത്സ്യ​ത്തൊ​ഴി​ലാ​ളി​ക​ൾ വ​ലി​യ പ്ര​തി​ഷേ​ധം ന​ട​ത്തി​യി​രു​ന്നു.

എ​ന്നാ​ൽ, ഇ​തൊ​ന്നും വ​ക​വെ​ക്കാ​തെ അ​ധി​കൃ​ത​ർ കാ​യ​ലി​ൽ​ത​ന്നെ ത​ള്ളി​യ​താ​ണ് കാ​ര​ണ​മാ​യ​ത്. കു​മ്പ​ള​ങ്ങി കാ​യ​ലി​ലൂ​ടെ കൊ​ച്ചി​യി​ലേ​ക്ക് വേ​ഗ​ത്തി​ൽ പാ​യു​ന്ന പ​ല വി​നോ​ദ​സ​ഞ്ചാ​ര യാ​ന​ങ്ങ​ളും രാ​ത്രി​കാ​ല​ങ്ങ​ളി​ൽ മ​ണ​ൽ​തി​ട്ട​യി​ൽ ഇ​ടി​ച്ച് അ​പ​ക​ട​ത്തി​ൽ​പെ​ടു​ന്ന​ത് പ​തി​വാ​യി​ട്ടു​ണ്ട്. ജ​ല​യാ​ന​ങ്ങ​ൾ​ക്ക് ഭീ​ഷ​ണി​യാ​യ മ​ണ​ൽ​തി​ട്ട അ​ടി​യ​ന്ത​ര​മാ​യി നീ​ക്കം​ചെ​യ്യാ​ൻ ത​യാ​റാ​ക​ണ​മെ​ന്ന് മ​ത്സ്യ​ത്തൊ​ഴി​ലാ​ളി​ക​ൾ ആ​വ​ശ്യ​പ്പെ​ട്ടു. വേ​ലി​യേ​റ്റ സ​മ​യ​ങ്ങ​ളി​ൽ തി​ട്ട​യി​ൽ വെ​ള്ളം മൂ​ടി​ക്കി​ട​ക്കു​ന്ന​തു​മൂ​ലം മ​ത്സ്യ​ത്തൊ​ഴി​ലാ​ളി​ക​ളു​ടെ ചെ​റു​വ​ള്ള​ങ്ങ​ളും അ​പ​ക​ട​ത്തി​ൽ​പ്പെ​ടു​ന്ന​ത് പ​തി​വാ​ണ്.