ചെങ്ങന്നൂർ: ബസ് ജീവനക്കാരനെ കൊലപ്പെടുത്താൻ ശ്രമിച്ച കേസിൽ ഒളിവിൽ കഴിയുകയായിരുന്ന പ്രതിയെ 10 വർഷത്തിനുശേഷം അറസ്റ്റ് ചെയ്തു. കടപ്ര പരുമല മേൽ പുരയിടത്തിൽ വീട്ടിൽ ജേക്കബിനെയാണ് (34) എറണാകുളത്തുനിന്ന് അറസ്റ്റ് ചെയ്തത്. മാന്നാർ കുട്ടംപേരൂർ പത്മ വിഹാറിൽ രാജീവിനെ 2011 ഏപ്രിൽ മൂന്നിന്, തിരുവല്ല -കായംകുളം സംസ്ഥാന പാതയിൽ മാന്നാർ പരുമല ജങ്ഷനിൽ െവച്ച് കുത്തിക്കൊലപ്പെടുത്താൻ ശ്രമിച്ച കേസിലെ പ്രതിയാണ്. മറ്റ് രണ്ട് പ്രതികളെ നേരത്തേ അറസ്റ്റ് ചെയ്തിരുന്നു.
മാന്നാർ പൊലീസ് സർക്കിൾ ഇൻസ്പെക്ടർ ന്യൂമാന് ലഭിച്ച രഹസ്യവിവരത്തെ തുടർന്ന് സിവിൽ പൊലീസ് ഓഫിസർമാരായ സിദ്ദീഖുൽഅക്ബർ, അരുൺകുമാർ, അരുൺ, ശിഹാബ് എന്നിവരുടെ നേതൃത്വത്തിലുള്ള പൊലീസ് സംഘം എറണാകുളം നോർത്ത് എസ്.ഐ കെ.എൽ. മഹേഷ്, സിവിൽ പൊലീസ് ഓഫിസർമാരായ വിനീത്, അജീഷ് എന്നിവരുടെ സഹായത്തോടെയാണ് അറസ്റ്റ് ചെയ്തത്. ഒളിവിൽ കഴിയവേ കോയമ്പത്തൂരിലും മറ്റും ഇയാൾ ജോലി ചെയ്തിരുന്നു. ഇപ്പോൾ എറണാകുളത്ത് ഡ്രൈവറായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.