സജീർ
ആലപ്പുഴ: വീട് വാടകക്ക് എടുത്ത് എം.ഡി.എം.എയും കഞ്ചാവും വിൽപന നടത്തിയ യുവാവ് അറസ്റ്റിൽ. ആലപ്പുഴ സീവ്യുവാർഡ് പുതുവൽ പുരയിടം വീട്ടിൽ സജീറി (39)നെയാണ് സൗത്ത് പൊലീസ് അറസ്റ്റ് ചെയ്തത്. മൂന്നുമാസമായി വാടക്കൽ വാർഡിൽ വാടകക്ക് താമസിച്ചായിരുന്നു വിൽപന. വീട്ടിൽനിന്ന് 7.20 ഗ്രാം എം.ഡി.എം.എയും 250 ഗ്രാം കഞ്ചാവും പിടിച്ചെടുത്തു.
വിൽപനക്കായി പൊതികളിലായി സൂക്ഷിച്ച നിലയിലാണ് മയക്കുമരുന്ന് കണ്ടെടുത്തത്. നേരത്തെ പ്രതി മാളികമുക്കിൽ നടത്തിയ റിസോർട്ട് കേന്ദ്രീകരിച്ച് മയക്കുമരുന്ന് വിൽപനയുള്ളതായി പൊലീസിന് സൂചന ലഭിച്ചിട്ടുണ്ട്. ആലപ്പുഴ ഡി.വൈ.എസ്.പി. മധു ബാബു, ആലപ്പുഴ സൗത്ത് സി.ഐ. കെ. ശ്രീജിത്ത്, പൊലീസുകാരായ ബിജു, കെ.എസ്.ജോസ്, സുരേഷ് കുമാർ, രഞ്ജിത്, ശ്രീരേഖ, തോമസ് എന്നിവരുടെ നേതൃത്വത്തിലാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.