നാടിന്റെ കുഞ്ഞുതാരം ഇനി ഓർമ; സ്കൂളിലും വീട്ടിലും വൻജനാവലി

അ​മ്പ​ല​പ്പു​ഴ: നാ​ഗ്പു​രി​ൽ മ​രി​ച്ച സൈ​ക്കി​ൾ പോ​ളോ താ​രം നി​ദ ഫാ​ത്തി​മ​ക്ക്​ ഒ​രു​നാ​ട് വേ​ദ​ന​യോ​ടെ വി​ട ന​ൽ​കി. ട്രാ​ക്കി​ൽ മി​ന്നും പ്ര​ക​ട​നം കാ​ഴ്ച​വെ​ക്കാ​ൻ ഏ​താ​നും ദി​വ​സ​ങ്ങ​ൾ​ക്ക് മു​മ്പാ​ണ് അ​മ്പ​ല​പ്പു​ഴ വ​ട​ക്ക്​ പ​ഞ്ചാ​യ​ത്ത് 10ാം വാ​ർ​ഡ് ഏ​ഴ​ര പീ​ടി​ക​യി​ൽ സു​ഹ്റ മ​ൻ​സി​ലി​ൽ ഷി​ഹാ​ബു​ദ്ദീ​ൻ-​അ​ൻ​സി​ല ദ​മ്പ​തി​ക​ളു​ടെ മ​ക​ൾ 10 വ​യ​സ്സു​കാ​രി നി​ദ നാ​ഗ്​​പു​രി​ലേ​ക്ക് യാ​ത്ര തി​രി​ച്ച​ത്. അ​വി​ടെ ക​ടു​ത്ത ഛർ​ദി​യെ​ത്തു​ട​ർ​ന്ന് ആ​ശു​പ​ത്രി​യി​ൽ എ​ത്തി​ച്ചു. കു​ത്തി​വെ​പ്പി​നു​ശേ​ഷം നി​ല​മോ​ശ​മാ​യി മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു.

നി​ദ​യെ ഒ​രു നോ​ക്കു​കാ​ണാ​ൻ ശ​നി​യാ​ഴ്​​ച രാ​വി​ലെ മു​ത​ൽ വീ​ട്ടി​ലും സ്കൂ​ളി​ലും വ​ൻ​ജ​നാ​വ​ലി​യാ​ണ്​ എ​ത്തി​യ​ത്. പ​ഠി​ച്ച നീ​ർ​ക്കു​ന്നം ഗ​വ. യു.​പി.​എ​സി​ലേ​ക്ക്​ മൃ​ത​ദേ​ഹം എ​ത്തി​ച്ച​പ്പോ​ൾ നി​യ​​ന്ത്ര​ണം​വി​ട്ട്​ പ​ല​രും വി​തു​മ്പി. സ​ഹ​പാ​ഠി​ക​ൾ വേ​ദ​ന​യോ​ടെ​യാ​ണ്​ കൂ​ട്ടു​കാ​രി​യെ അ​വ​സാ​ന​മാ​യി ഒ​രു​നോ​ക്ക്​ കാ​ണാ​നെ​ത്തി​യ​ത്. ക​ണ്ണീ​ര​ണി​ഞ്ഞ പ​ലരേയും ആ​ശ്വസിപ്പിച്ചത്​ ​ അ​ധ്യാ​പ​ക​രാ​യി​രു​ന്നു.

തു​ട​ർ​ന്ന്​ കാ​ക്കാ​ഴ​ത്തെ കു​ടും​ബ​വീ​ടാ​യ സു​ഹ​റ മ​ൻ​സി​ലി​ൽ മൃ​ത​ദേ​ഹം കൊ​ണ്ടു​വ​ന്ന​പ്പോ​ൾ ഈ​റ​ന​ണി​ഞ്ഞ മി​ഴി​ക​ളോ​ടെ നൂ​റു​ക​ണ​ക്കി​നാ​ളു​ക​ളാ​ണ് എ​ത്തി​യ​ത്. പി​താ​വ് ഷി​ഹാ​ബി​ന്റെ​യും മാ​താ​വ് അ​ൻ​സി​ല​യു​ടെ​യും നി​ല​വി​ളി​കേ​ട്ട്​ അ​വി​ടെ കൂ​ടി​യ​വ​രു​ടെ മി​ഴി​ക​ളും നി​റ​ഞ്ഞൊ​ഴു​കി.

ഇ​ള​യ സ​ഹോ​ദ​ര​ൻ ന​ബീ​ലി​ന്റെ ഇ​ത്തി എ​ന്നു വി​ളി​ച്ചു​ള്ള ക​ര​ച്ചി​ലി​ന്​ മു​ന്നി​ൽ ആ​ശ്വാ​സ​വാ​ക്കു​ക​ൾ പ​ക​രാ​നാ​കാ​തെ നാ​ട്ടു​കാ​രും ബ​ന്ധു​ക്ക​ളും കൂ​ടെ ക​ര​ഞ്ഞു. ഒ​ന്ന​ര​മ​ണി​ക്കൂ​റോ​ളം കു​ടും​ബ​വീ​ട്ടി​ൽ വെ​ച്ച​ശേ​ഷം കാ​ക്കാ​ഴം ജു​മാ​മ​സ്ജി​ദി​ലേ​ക്ക്​ മൃ​ത​ദേ​ഹം കൊ​ണ്ടു​പോ​കു​മ്പോ​ൾ ആ​യി​ര​ങ്ങ​ളാ​ണ് അ​നു​ഗ​മി​ച്ച​ത്. തു​ട​ർ​ന്ന് ന​ട​ന്ന മ​യ്യി​ത്ത് ന​മ​സ്കാ​ര​ത്തി​ന് ശേ​ഷ​മു​ള്ള ഖ​ബ​റ​ട​ക്ക ച​ട​ങ്ങി​ലും നി​ര​വ​ധി ആ​ളു​ക​ൾ പ​ങ്കെ​ടു​ത്തു. സ​ഹ​പാ​ഠി​ക​ളും അ​ധ്യാ​പ​ക​രു​മ​ട​ക്കം വി​വി​ധ തു​റ​ക​ളി​ൽ​നി​ന്നു​ള്ള നി​ര​വ​ധി​പേ​ർ പ​ള്ളി​യി​ലും എ​ത്തി​യി​രു​ന്നു.