മഴയെ​ത്തു​ന്നു നാ​ട്​ ശു​ചി​യാ​യോ?

കാ​ല​വ​ർ​ഷം വൈ​കി​യെ​ത്തി​യി​ട്ടും ജി​ല്ല​യി​ലെ പ​ല ത​ദ്ദേ​ശ​സ്ഥാ​പ​ന​ങ്ങ​ളി​ലും ‘മ​ഴ​ക്കാ​ല​പൂ​ർ​വ ശു​ചീ​ക​ര​ണം’ വേ​ണ്ട​വി​ധം മു​ന്നേ​റി​യി​ട്ടി​ല്ല. പ​ക​ർ​ച്ച​വ്യാ​ധി​ പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കേ​ണ്ട പ​ഞ്ചാ​യ​ത്ത്​ ഭ​ര​ണ​സ​മി​തി​ക​ളും ആ​രോ​ഗ്യ​വ​കു​പ്പും വേ​ണ്ട​ത്ര താ​ൽ​പ​ര്യം കാ​ണി​ക്കു​ന്നി​ല്ല. ന​ഗ​ര​സ​ഭ​ക​ളി​ൽ വാ​ർ​ഡു​ക​ൾ​ക്ക്​ പ​ണം അ​നു​വ​ദി​ച്ചി​ട്ടും വി​നി​യോ​ഗം ഏ​ങ്ങു​മെ​ത്തി​യി​ട്ടി​ല്ല. ജി​ല്ല​യി​ൽ 73 ഗ്രാ​മ​പ​ഞ്ചാ​യ​ത്തു​ക​ളും ആ​റ് ന​ഗ​ര​സ​ഭ​ക​ളു​മാ​ണു​ള്ള​ത്. മാ​ലി​ന്യ​നീ​ക്കം, കൊ​തു​ക്​-​എ​ലി ന​ശീ​ക​ര​ണം, ജ​ല​സ്രോ​ത​സ്സു​ക​ളി​​ൽ ​​ക്ലോ​റി​നേ​ഷ​ൻ, പ്ര​തി​രോ​ധ മ​രു​ന്ന് വി​ത​ര​ണം, പൊ​തു​സ്ഥ​ല​ങ്ങ​ളി​ൽ വെ​ള്ളം കെ​ട്ടി​ക്കി​ട​ക്കു​ന്ന​ത് ഒ​ഴി​വാ​ക്ക​ൽ തു​ട​ങ്ങി​യ പ്ര​വ​ർ​ത്ത​ന​ങ്ങ​ൾ പാ​തി​വ​ഴി​യാ​ണ്​...

പ്ര​സ​ഹ​ന​മാ​യി ശു​ചീ​ക​ര​ണം

ആ​ല​പ്പു​ഴ: ന​ഗ​ര​സ​ഭ​യി​ലെ മ​ഴ​ക്കാ​ല​പൂ​ർ​വ ശു​ചീ​ക​ര​ണം പേ​രി​ലൊ​തു​ങ്ങി. സ​മ്പൂ​ർ​ണ​ശു​ചി​ത്വ പ്ര​ഖ്യാ​പ​ന​ത്തി​ന്​ പി​ന്നാ​ലെ​പോ​യ അ​ധി​കൃ​ത​ർ ഇ​ക്കാ​ര്യ​ത്തി​ൽ വേ​ണ്ട​ത്ര ശ്ര​ദ്ധ​കൊ​ടു​ത്തി​ല്ല. മ​ഴ​യെ​ത്തി​യി​ട്ടും പ​ക​ർ​ച്ച​വ്യാ​ധി​​ക​ളെ പ്ര​തി​രോ​ധി​ക്കു​ന്ന​തി​ന്​ മു​ന്നൊ​രു​ക്കം വൈ​കി. ഇ​തോ​ടെ, ന​ഗ​ര​പ​രി​ധി​യി​ലെ പ​ല​യി​ട​ത്തും വെ​ള്ളം കെ​ട്ടി​ക്കി​ട​ന്ന്​ കൊ​തു​ക​ൾ പെ​രു​കി. ഇ​ത്​ ആ​ല​പ്പു​ഴ ന​ഗ​ര​ത്തി​ൽ ഡെ​ങ്കി​പ്പ​നി​യു​ടെ വ്യാ​പ​ന​ത്തി​ന്​ കാ​ര​ണ​മാ​യി. നി​ല​വി​ൽ ആ​രോ​ഗ്യ​പ്ര​വ​ർ​ത്ത​ക​ര​ട​ക്കം 20 പേ​ർ​ക്ക്​ ഡെ​ങ്കി​പ്പ​നി സ്ഥി​രീ​ക​രി​ച്ചി​ട്ടു​ണ്ട്. തോ​ടു​ക​ളി​ലും കാ​ന​ക​ളി​ലും ‘മ​ലി​ന​ജ​ലം’ കെ​ട്ടി​ക്കി​ട​ന്ന​താ​ണ്​ പ്ര​ധാ​ന​പ്ര​ശ്നം.

വാ​ർ​ഡു​ക​ളി​ലെ തോ​ടു​ക​ൾ, കാ​ന​ക​ൾ എ​ന്നി​വ വൃ​ത്തി​യാ​ക്കു​ന്ന​തി​ന്​ ഒ​രു​ല​ക്ഷം രൂ​പ വീ​ത​മാ​ണ്​ 52 വാ​ർ​ഡു​ക​ൾ​ക്കും അ​നു​വ​ദി​ച്ചി​ട്ടു​ള്ള​ത്. ഇ​തി​ൽ​നി​ന്ന്​ 18ശ​ത​മാ​നം ജി.​എ​സ്.​ടി​യും ക​ഴി​ഞ്ഞാ​ൽ പി​ന്നെ​യും തു​ക​കു​റ​യും. മ​ഴ​യെ​ത്തി​യ​തോ​ടെ തോ​ട്ടി​ൽ വെ​ള്ളം നി​റ​ഞ്ഞ​തി​നാ​ൽ ച​ളി​വാ​രി വൃ​ത്തി​യാ​ക്കു​ന്ന​തി​ന്​ ത​ട​സ്സ​മു​ണ്ട്. മ​ഴ​ക്കാ​ല​ത്ത്​ വീ​ടു​ക​ളി​ൽ വെ​ള്ളം​ക​യ​റാ​തി​രി​ക്കാ​നും ​ത​ട​സ്സ​ങ്ങ​ളു​ണ്ടാ​യാ​ൽ അ​ത്​ മാ​റ്റു​ന്ന​തി​നും ഈ​തു​ക ഉ​പ​യോ​ഗി​ക്കാ​ൻ ക​ഴി​യു​മെ​ന്ന്​ കൗ​ൺ​സി​ല​ർ​മാ​ർ പ​റ​ഞ്ഞു. അ​തി​നാ​ൽ മ​ഴ​ക്കാ​ല​പൂ​ർ​വ ശു​ചീ​ക​ര​ണം വെ​റും പ്ര​സ​ഹ​ന​മാ​കും. ക​രാ​റു​കാ​രെ സ​ഹാ​യി​ക്കു​ന്ന പ​ദ്ധ​തി വ​ഴി​പാ​ടാ​യി മാ​റു​ന്ന​താ​ണ്​ കാ​ഴ്ച.

മാവേലിക്കരയിൽ ശുചീകരണം വേഗത്തിൽ

മാ​വേ​ലി​ക്ക​ര: മ​ഴ​ക്കാ​ല മു​ന്നൊ​രു​ക്ക​ത്തി​ന്റെ ഭാ​ഗ​മാ​യി ശു​ചീ​ക​ര​ണം അ​ട​ക്ക​മു​ള്ള പ്ര​വ​ര്‍ത്ത​ന​ങ്ങ​ള്‍ വേ​ഗ​ത്തി​ലാ​ക്കി മാ​വേ​ലി​ക്ക​ര ന​ഗ​ര​സ​ഭ. ഉ​റ​വി​ട ന​ശീ​ക​ര​ണ​ത്തി​നും ഓ​രോ വാ​ർ​ഡ്ത​ല​ത്തി​ലും സാ​നി​റ്റേ​ഷ​ൻ ക​മ്മി​റ്റി​ക​ൾ രൂ​പ​വ​ത്​​ക​രി​ച്ച് പ്ര​വ​ർ​ത്ത​ന​ങ്ങ​ൾ ശ​ക്ത​മാ​ക്കി. ഓ​ട​ക​ള്‍, അ​ഴു​ക്കു​ചാ​ലു​ക​ള്‍ എ​ന്നി​വ ശു​ചീ​ക​രി​ക്കു​ന്ന ന​ട​പ​ടി തു​ട​ങ്ങി. ന​ഗ​ര​സ​ഭ​യി​ലെ ഒ​മ്പ​തി​ല​ധി​കം ഓ​ട​ക​ൾ വൃ​ത്തി​യാ​ക്കി. എ​ട്ടു ഡി​വി​ഷ​നു​ക​ളി​ൽ കൊ​തു​ക്​ ന​ശീ​ക​ര​ണ​ത്തി​ന്‍റെ ഭാ​ഗ​മാ​യി സ്പ്രേ​യി​ങ് ന​ട​ത്തി. ബാ​ക്കി​യു​ള്ള ഡി​വി​ഷ​നു​ക​ളി​ൽ ഉ​ട​ൻ പൂ​ർ​ത്തീ​ക​രി​ക്കാ​നു​ള്ള ന​ട​പ​ടി സ്വീ​ക​രി​ച്ചു.

ഏങ്ങുമെത്താതെ കുട്ടനാട്​

കു​ട്ട​നാ​ട്: കു​ട്ട​നാ​ട്ടി​ൽ മ​ഴ​ക്കാ​ല​പൂ​ർ​വ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ എ​ങ്ങു​മെ​ത്തി​യി​ല്ല. മാ​ലി​ന്യം നി​റ​ഞ്ഞ തോ​ടു​ക​ളും കു​ള​ങ്ങ​ളും ജ​ല​സ്രോ​ത​സ്സു​ക​ളും ശു​ചീ​ക​രി​ക്കാ​ത്ത അ​വ​സ്ഥ​യി​ലാ​ണ്. അ​നു​വ​ദി​ച്ച ഫ​ണ്ടി​ന്‍റെ അ​പ​ര്യാ​പ്ത​യെ​ന്നാ​ണ്​ വി​ശ​ദീ​ക​ര​ണം. സ​ർ​ക്കാ​ർ മു​ൻ കൈ​യെ​ടു​ത്ത്​ ആ​രം​ഭി​ച്ച മ​ഴ​ക്കാ​ല​പൂ​ർ​വ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ പാ​ത​യോ​ര​ങ്ങ​ളി​ലെ​യും പൊ​തു​സ്ഥ​ല​ങ്ങ​ളി​​ലെ പ്ലാ​സ്റ്റി​ക് മാ​ലി​ന്യ​ങ്ങ​ൾ സം​ഭ​രി​ക്കു​ന്ന പ്ര​വ​ർ​ത്ത​ന​ങ്ങ​ളി​ൽ ഒ​തു​ങ്ങി. മാ​ലി​ന്യ​ങ്ങ​ൾ അ​ടി​ഞ്ഞു​കൂ​ടി പ​ക​ർ​ച്ച​വ്യാ​ധി​ക​ൾ പൊ​ട്ടി​പ്പു​റ​പ്പെ​ടാ​ൻ ഇ​ട​യാ​ക്കു​ന്ന ഇ​ട​തോ​ടു​ക​ൾ അ​തേ​നി​ല​യി​ൽ തു​ട​രു​ക​യാ​ണ്. ഫ​ണ്ടി​ന്‍റെ അ​പ​ര്യാ​പ്ത​ത​യാ​ണ് ഇ​വ​യു​ടെ​യും ശു​ചീ​ക​ര​ണ​ത്തി​ന് ത​ട​സ്സ​മാ​കു​ന്ന​തെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം.

കു​ട്ട​നാ​ട്ടി​ലെ മി​ക്ക പ​ഞ്ചാ​യ​ത്തു​ക​ളി​ലും മാ​ലി​ന്യ​വാ​ഹി​നി​യാ​ക്ക​പ്പെ​ട്ട ഇ​ത്ത​രം നി​ര​വ​ധി തോ​ടു​ക​ളാ​ണു​ള്ള​ത്. കൊ​തു​കു​ക​ളു​ടെ​യും മ​റ്റ് രോ​ഗാ​ണു​ക്ക​ളു​ടെ​യും ആ​വാ​സ​കേ​ന്ദ്ര​ങ്ങ​ളാ​യി മാ​റി​യി​രി​ക്കു​ക​യാ​ണ്​ ജ​ലാ​ശ​യ​ങ്ങ​ൾ. മ​ഴ​ക്കാ​ലം ആ​രം​ഭി​ക്കു​ന്ന​തോ​ടെ മാ​ലി​ന്യ​ങ്ങ​ൾ ചീ​ഞ്ഞ​ഴു​കി, തോ​ടു​ക​ൾ ക​ര​ക​വി​ഞ്ഞ് ജ​ന​വാ​സ കേ​ന്ദ്ര​ങ്ങ​ളി​ലേ​ക്ക് മ​ലി​ന​ജ​ലം ഒ​ഴു​കി​യെ​ത്തി സാം​ക്ര​മി​ക​രോ​ഗ​ങ്ങ​ൾ പ​ട​രാ​ൻ ഇ​ട​യാ​കു​മോ​യെ​ന്ന ആ​ശ​ങ്ക​യു​ണ്ട്. ശു​ചീ​ക​ര​ണ​ത്തി​ന്​ വാ​ർ​ഡു​ക​ൾ​ക്ക് അ​നു​വ​ദി​ച്ചി​രി​ക്കു​ന്ന തു​ക അ​പ​ര്യാ​പ്ത​മാ​ണെ​ന്നും പ​രാ​തി​യു​ണ്ട്. വെ​ള്ള​പ്പൊ​ക്ക​മു​ണ്ടാ​യാ​ൽ സ്വീ​ക​രി​ക്കേ​ണ്ട മു​ൻ​ക​രു​ത​ലു​ക​ളും എ​ങ്ങു​മെ​ത്തി​യി​ട്ടി​ല്ല.

ചേർത്തലയിൽ 35 വാർഡുകളിൽ പൂർത്തീകരിച്ചു

ചേ​ർ​ത്ത​ല: ന​ഗ​ര​സ​ഭ 35 വാ​ർ​ഡു​ക​ളി​ലും മ​ഴ​ക്കാ​ല പൂ​ർ​വ ശു​ചീ​ക​ര​ണം പൂ​ർ​ത്തീ​ക​രി​ച്ചു. 20ഓ​ളം മ​ര​ങ്ങ​ൾ മു​റി​ച്ചു​മാ​റ്റി. ഓ​ട​ക​ളും ഒ​ഴു​ക്കു​ള്ള ജ​ലാ​ശ​യ​ങ്ങ​ളും വൃ​ത്തി​യാ​ക്കി. തൊ​ഴി​ലു​റ​പ്പ്​ പ​ദ്ധ​തി​യി​ൽ ഉ​ൾ​പെ​ടു​ത്തി ചെ​റി​യ തോ​ടു​ക​ളും അ​നു​ബ​ന്ധ​കാ​ടു​ക​ളും വൃ​ത്തി​യാ​ക്കി. വീ​ടു​ക​ളി​ൽ​നി​ന്ന്​ ഹ​രി​ത ക​ർ​മ​സേ​ന ശേ​ഖ​രി​ക്കു​ന്ന മാ​ലി​ന്യം ആ​ന​ത​റ വെ​ളി​യി​ൽ ത​ള്ളു​ന്ന​തി​നാ​ൽ മാ​ലി​ന്യ​പ്ര​ശ്​​നം കു​റ​ക്കാ​നാ​യി. 35 വാ​ർ​ഡു​ക​ളി​ലാ​യി 28 എ​ണ്ണം സ​മ്പൂ​ർ​ണ ശു​ചി​ത്വ വാ​ർ​ഡാ​യി പ്ര​ഖ്യാ​പി​ച്ചു. ബാ​ക്കി​യു​ള്ള ഏ​ഴ്​ വാ​ർ​ഡു​ക​ൾ​കൂ​ടി സ​മ്പൂ​ർ​ണ ശു​ചി​ത്വ വാ​ർ​ഡാ​യി ഉ​ട​ൻ പ്ര​ഖ്യാ​പി​ക്കു​മെ​ന്ന്​ ചെ​യ​ർ​പേ​ഴ്സ​ൻ ഷേ​ർ​ളി ഭാ​ർ​ഗ​വ​ൻ പ​റ​ഞ്ഞു.

ഹരിപ്പാട് നഗരസഭയിൽ പ്രവർത്തനങ്ങൾ തുടങ്ങി

ഹ​രി​പ്പാ​ട്​: മ​ഴ​ക്കാ​ല​പൂ​ർ​വ പ്ര​വ​ർ​ത്ത​ന​ങ്ങ​ൾ ഹ​രി​പ്പാ​ട് ന​ഗ​ര​സ​ഭ​യി​ൽ തു​ട​ങ്ങി. വാ​ർ​ഡ് ത​ല​ത്തി​ൽ 20,000 രൂ​പ​യാ​ണ് ആ​ദ്യ​ഘ​ട്ട​മാ​യി അ​നു​വ​ദി​ച്ചി​ട്ടു​ള്ള​ത്. ഓ​ട ശു​ചീ​ക​ര​ണം, തെ​രു​വോ​ര​ങ്ങ​ളി​ൽ​നി​ന്ന്​ മാ​ലി​ന്യം നീ​ക്കം ചെ​യ്യ​ൽ, തോ​ടു​ക​ളി​ലെ ജ​ല​നി​ർ​ഗ​മ​നം സു​ഗ​മ​മാ​ക്ക​ൽ തു​ട​ങ്ങി​യ പ്ര​വ​ർ​ത്ത​ന​ങ്ങ​ളാ​ണ് പ്രാ​രം​ഭ​മാ​യി ന​ട​ക്കു​ന്ന​ത്. ഒ​ഴു​ക്കു​നി​ല​ച്ച തോ​ടു​ക​ളാ​ണ് ന​ഗ​ര​സ​ഭ​യി​ൽ പ​ക​ർ​ച്ച​വ്യാ​ധി ഭീ​ഷ​ണി ഉ​യ​ർ​ത്തു​ന്ന​ത്.

കാ​യം​കു​ളത്ത്​ പ്രതിസന്ധികൾ ഇനിയുമേറെ

കാ​യം​കു​ളം: മാ​ലി​ന്യം മാ​റ്റി​യും തോ​ടു​ക​ളും ഓ​ട​ക​ളും തെ​ളി​ച്ചും ന​ഗ​ര​ത്തി​ലെ മ​ഴ​ക്കാ​ല പൂ​ർ​വ ശു​ചീ​ക​ര​ണ പ്ര​വ​ർ​ത്ത​നം ഊ​ർ​ജി​തം. സേ​നാ​വി​ഭാ​ഗ​മാ​യ ഐ.​ടി.​ബി.​പി അ​ട​ക്ക​മു​ള്ള​വ​യു​ടെ സ​ഹ​ക​ര​ണ​ത്തോ​ടെ​യാ​ണ് മ​ഴ​ക്കാ​ല കെ​ടു​തി​ക​ളെ നേ​രി​ടാ​നു​ള്ള പ്ര​വ​ർ​ത്ത​നം പു​രോ​ഗ​മി​ക്കു​ന്ന​ത്. ഹ​രി​ത ക​ർ​മ​സേ​ന, അ​യ​ൽ​ക്കൂ​ട്ട​ങ്ങ​ൾ, റെ​സി​ഡ​ന്‍റ്​​സ്​ അ​സോ​സി​യേ​ഷ​നു​ക​ൾ, യു​വ​ജ​ന സം​ഘ​ട​ന​ക​ൾ എ​ന്നി​വ​ക​ളു​ടെ സ​ഹ​ക​ര​ണ​ത്തോ​ടെ വാ​ർ​ഡു​ക​ൾ കേ​ന്ദ്രീ​ക​രി​ച്ചു​ള്ള ശു​ചീ​ക​ര​ണ​വും ഊ​ർ​ജി​ത​മാ​ണ്.

ഹ​രി​ത സ​ഭ​യി​ലൂ​ടെ ജ​ന​കീ​യ സം​വാ​ദം സം​ഘ​ടി​പ്പി​ച്ചാ​ണ് ശു​ചീ​ക​ര​ണ യ​ജ്ഞ​ത്തി​ന് രൂ​പം ന​ൽ​കി​യ​ത്. ഇ​തു​വ​രെ ന​ട​ന്ന പ്ര​വ​ർ​ത്ത​നം പ​രി​ശോ​ധി​ച്ച് പോ​രാ​യ്ക​ൾ വി​ല​യി​രു​ത്തി​യാ​ണ് ന​ട​പ​ടി​ക​ൾ.

അ​തേ​സ​മ​യം, മു​രു​ക്കും​മൂ​ട്ടി​ലെ മാ​ലി​ന്യ​നി​ക്ഷേ​പ കേ​ന്ദ്രം അ​ട​ച്ചു​പൂ​ട്ടി​യ​തി​ലൂ​ടെ നേ​രി​ടു​ന്ന സം​സ്ക​ര​ണ പ്ര​ശ്ന​ങ്ങ​ൾ​ക്ക് ശാ​ശ്വ​ത പ​രി​ഹാ​രം കാ​ണാ​നാ​കാ​ത്ത​ത് ന​ഗ​രം നേ​രി​ടു​ന്ന പ്ര​ധാ​ന വെ​ല്ലു​വി​ളി​യാ​ണ്. ഇ​തോ​ടൊ​പ്പം ജ​ല​മ​ലി​നീ​ക​ര​ണ​വും പ്ര​തി​സ​ന്ധി സൃ​ഷ്ടി​ക്കു​ന്നു. കേ​ന്ദ്രീ​കൃ​ത മാ​ലി​ന്യ​നീ​ക്കം ത​ട​സ്സ​പ്പെ​ട്ട​തോ​ടെ ഒ​ഴി​ഞ്ഞ പ്ര​ദേ​ശ​ങ്ങ​ളി​ൽ മാ​ലി​ന്യം വ​ലി​ച്ചെ​റി​യു​ന്ന പ്ര​വ​ണ​ത വ​ർ​ധി​ച്ചി​രി​ക്കു​ക​യാ​ണ്. ഇ​തി​ന് ത​ട​യി​ടാ​ൻ പ്ര​ധാ​ന കേ​ന്ദ്ര​ങ്ങ​ളി​ൽ കാ​മ​റ​ക​ൾ സ്ഥാ​പി​ച്ച​തോ​ടെ ഇ​വ ഇ​ല്ലാ​ത്ത പ്ര​ദേ​ശ​ങ്ങ​ളാ​ണ് നി​ക്ഷേ​പ കേ​ന്ദ്ര​ങ്ങ​ളാ​കു​ന്ന​ത്. ന​ഗ​ര​ത്തി​ന്റെ ഉ​ൾ​പ്ര​ദേ​ശ​ങ്ങ​ളി​ലാ​ണ് ഇ​വ കൂ​ടു​ത​ലാ​യി ത​ള്ളു​ന്ന​ത്.

തു​മ്പൂ​ർ​മു​ഴി മാ​തൃ​ക പ​ദ്ധ​തി​യും പ്രാ​യോ​ഗി​ക ത​ല​ത്തി​ൽ വെ​ല്ലു​വി​ളി നേ​രി​ടു​ന്നു.

ക​രി​പ്പു​ഴ തോ​ടും കൈ​വ​ഴി​ത്തോ​ടു​ക​ളും പ്ര​ധാ​ന മാ​ലി​ന്യം ത​ള്ള​ൽ കേ​ന്ദ്ര​ങ്ങ​ളാ​കു​ന്ന​ത് ത​ട​യാ​നും ന​ട​പ​ടി​യി​ല്ലാ​ത്ത​ത് പ്ര​ശ്ന​മാ​ണ്. അ​റ​വു​മാ​ലി​ന്യം, മ​ത്സ്യ-​മാം​സ അ​വ​ശി​ഷ്ട​ങ്ങ​ൾ, ഹോ​ട്ട​ൽ മാ​ലി​ന്യം തു​ട​ങ്ങി​യ​വ​യും പ്ലാ​സ്റ്റി​ക് മാ​ലി​ന്യ​വു​മാ​ണ് തോ​ടു​ക​ളി​ൽ നി​റ​യു​ന്ന​ത്. പ്ലാ​സ്റ്റി​ക് ക​വ​റു​ക​ൾ, കു​പ്പി​ക​ൾ എ​ന്നി​വ ഓ​ട​യി​ൽ നി​റ​യു​ന്ന​തും മാ​ലി​ന്യ​നീ​ക്ക​ത്തെ ത​ട​സ്സ​പ്പെ​ടു​ത്തു​ന്നു.

ഇ​റി​ഗേ​ഷ​ൻ വ​കു​പ്പ്​ സ​ഹ​ക​ര​ണ​ത്തോ​ടെ ജ​ല​മ​ലി​നീ​ക​ര​ണം ത​ട​യു​ന്ന​തി​നു​ള്ള പ​ദ്ധ​തി​ക​ൾ ന​ട​പ്പാ​ക്ക​ണ​മെ​ന്ന നി​ർ​ദേ​ശ​വും ഉ​യ​ർ​ന്നി​ട്ടു​ണ്ട്. 26 ാം വാ​ർ​ഡി​ലെ ഇ​ല്ലി​ക്കു​ളം തോ​ട്ടി​ൽ കെ​ട്ടി​ക്കി​ട​ന്ന പ്ലാ​സ്റ്റി​ക് മാ​ലി​ന്യം അ​ട​ക്ക​മു​ള്ള​വ ജ​ന​കീ​യ കൂ​ട്ടാ​യ്മ​യി​ൽ നീ​ക്കം ചെ​യ്തു. ഇ​തേ പ്ര​വ​ർ​ത്ത​ന​ങ്ങ​ൾ മ​റ്റ് വാ​ർ​ഡു​ക​ൾ കേ​ന്ദ്രീ​ക​രി​ച്ചും ന​ട​ക്കു​ന്നു​ണ്ട്. ഇ​ത് പൂ​ർ​ണ​തോ​തി​ൽ വി​ജ​യി​ക്ക​ണ​മെ​ങ്കി​ൽ കൂ​ട്ടാ​യ ഇ​ട​പെ​ട​ൽ ശ​ക്തി​പ്പെ​ടു​ത്തു​ക​യും മാ​ലി​ന്യം ത​ള്ളു​ന്ന​ത്​ ത​ട​യു​ക​യും വേ​ണം. ഇ​തി​നാ​യി കാ​ര്യ​ക്ഷ​മ​മാ​യ ഇ​ട​പെ​ട​ൽ വേ​ണ​മെ​ന്നാ​ണ് ആ​വ​ശ്യം.