ദൈനംദിന ചെലവുകൾക്ക്​ വരുമാനമില്ല; എന്നിട്ടും നശിപ്പിക്കുന്നത്​ ലക്ഷങ്ങൾ

ചെ​റു​തോ​ണി: ദൈ​നം​ദി​ന ചെ​ല​വു​ക​ൾ​ക്കു പോ​ലും വ​രു​മാ​ന​മി​ല്ലാ​ത്ത മ​രി​യാ​പു​രം പ​ഞ്ചാ​യ​ത്തി​ലെ ഭ​ര​ണ​സ​മി​തി​യു​ടെ അ​നാ​സ്ഥ​യും കെ​ടു​കാ​ര്യ​സ്ഥ​ത​യും മൂ​ലം ന​ഷ്ടം ല​ക്ഷ​ങ്ങ​ൾ. പ​ഞ്ചാ​യ​ത്ത് പ​രി​ധി​യി​ൽ സ്ഥാ​പി​ച്ച ബോ​ർ​ഡു​ക​ളും ക​മാ​ന​ങ്ങ​ളും ആ​റു​മാ​സം മു​മ്പ് പ​ഞ്ചാ​യ​ത്തി​ലെ ചി​ല ജീ​വ​ന​ക്കാ​രു​ടെ നേ​തൃ​ത്വ​ത്തി​ൽ എ​ടു​ത്തു മാ​റ്റി​യി​രു​ന്നു. ബോ​ർ​ഡു​ക​ളും ക​മാ​ന​ങ്ങ​ളും സ്ഥാ​പി​ച്ച​വ​ർ​ക്ക് എ​ടു​ത്തു​മാ​റ്റാ​ൻ അ​വ​സ​രം ന​ൽ​കു​ക​യോ മു​ൻ​കൂ​ട്ടി അ​റി​യി​ക്കു​ക​യോ ചെ​യ്യാ​തെ​യാ​യി​രു​ന്നു ന​ട​പ​ടി.

വ​ള​രെ ചെ​റി​യ ബോ​ർ​ഡ് സ്ഥാ​പി​ച്ച​വ​ർ​ക്കു​പോ​ലും ആ​യി​ര​ക്ക​ണ​ക്കി​ന് രൂ​പ പി​ഴ​യും ഈ​ടാ​ക്കി​യ ഈ ​ന​ട​പ​ടി​ക്കെ​തി​രെ അ​ന്ന് വ​ൻ ആ​ക്ഷേ​പം ഉ​യ​ർ​ന്നു. സ്വ​ന്ത​മാ​യി എ​ടു​ത്തു​മാ​റ്റാ​ൻ ര​ണ്ടു മ​ണി​ക്കൂ​ർ ആ​വ​ശ്യ​പ്പെ​ട്ടി​ട്ടു പോ​ലും അ​നു​വ​ദി​ക്കാ​തെ ബോ​ർ​ഡു​ക​ളും, ക​മാ​ന​ങ്ങ​ളു​മെ​ല്ലാം അ​പ്പോ​ൾ ത​ന്നെ പൊ​ളി​ച്ചു വാ​ഹ​ന​ത്തി​ൽ ക​യ​റ്റി പ​ഞ്ചാ​യ​ത്തി​ൽ എ​ത്തി​ക്കു​ക​യാ​യി​രു​ന്നു​വെ​ന്ന്​ പ​റ​യു​ന്നു.

എ​ടു​ത്തു​മാ​റ്റി​യ ഈ ​ഇ​രു​മ്പ് സാ​ധ​ന​ങ്ങ​ൾ എ​ല്ലാം പ​ഞ്ചാ​യ​ത്ത് ഓ​ഫീ​സി​ന്‍റെ പി​ന്നി​ലാ​ണ്​ കൂ​ട്ടി​യി​ട്ട​ത്. മാ​സ​ങ്ങ​ളാ​യി ഇ​ത്ത​ര​ത്തി​ൽ കൂ​ട്ടി​യി​ട്ട ഇ​രു​മ്പ് വ​സ്തു​ക്ക​ൾ തു​രു​മ്പു​പി​ടി​ച്ചും കാ​ടു​ക​യ​റി​യും ന​ശി​ക്കു​ക​യാ​ണ്. ല​ക്ഷ​ക്ക​ണ​ക്കി​ന് രൂ​പ​യു​ടെ ഇ​രു​മ്പ് സാ​മ​ഗ്രി​ക​ളാ​ണ് ന​ശി​ക്കു​ന്ന​ത്. ഇ​വ ലേ​ലം ചെ​യ്ത് പ​ഞ്ചാ​യ​ത്തി​ന്‍റെ ആ​സ്​​തി​യി​ലേ​ക്ക് ചേ​ർ​ക്ക​ണ​മെ​ന്ന് ഭ​ര​ണ പ്ര​തി​പ​ക്ഷ അം​ഗ​ങ്ങ​ൾ നി​ര​വ​ധി ത​വ​ണ ആ​വ​ശ്യ​പ്പെ​ട്ടി​ട്ടും പ്ര​സി​ഡ​ന്‍റ്​ അ​നു​കൂ​ല നി​ല​പാ​ട് സ്വീ​ക​രി​ച്ചി​ല്ലെ​ന്ന്​ പ​റ​യു​ന്നു. ബോ​ർ​ഡു​ക​ളും ക​മാ​ന​ങ്ങ​ളും ഉ​ൾ​പ്പെ​ടെ​യു​ള്ള ഈ ​വ​സ്തു​ക്ക​ൾ എ​ടു​ത്തു​മാ​റ്റു​ന്ന​തി​നാ​യി 39000 രൂ​പ ചെ​ല​വ് എ​ഴു​തി​മാ​റാ​ൻ ശ്ര​മി​ച്ചെ​ങ്കി​ലും അം​ഗ​ങ്ങ​ളു​ടെ ശ​ക്ത​മാ​യ എ​തി​ർ​പ്പി​നെ തു​ട​ർ​ന്ന് 36000 രൂ​പ​യാ​യി തീ​രു​മാ​നി​ക്കു​ക​യാ​യി​രു​ന്നു. പ​ഞ്ചാ​യ​ത്തി​ലെ മൂ​ന്നു ജീ​വ​ന​ക്കാ​രും ഡ്രൈ​വ​റും പു​റ​മേ നി​ന്ന് ദി​വ​സ​ക്കൂ​ലി​ക്ക് വി​ളി​ച്ച മ​റ്റൊ​രാ​ളു​മാ​ണ് ബോ​ർ​ഡു​ക​ൾ എ​ടു​ത്തു മാ​റ്റാ​നാ​യി വി​വി​ധ സ്ഥ​ല​ങ്ങ​ളി​ൽ പോ​യ​ത്.

ര​ണ്ടു​ദി​വ​സം കൊ​ണ്ട് ഒ​ഴി​പ്പി​ക്ക​ൽ ന​ട​പ​ടി​ക​ൾ പൂ​ർ​ത്തി​യാ​ക്കി​യെ​ങ്കി​ലും 36000 രൂ​പ ചെ​ല​വ് വ​ന്ന​ത് എ​ങ്ങ​നെ എ​ന്ന ചോ​ദ്യം ഇ​പ്പോ​ഴും ബാ​ക്കി​യാ​ണ്. ജി​ല്ല​യി​ലെ​ത​ന്നെ ഏ​റ്റ​വും വ​രു​മാ​നം കു​റ​ഞ്ഞ പ​ഞ്ചാ​യ​ത്താ​ണ്​ മ​രി​യാ​പു​രം. പ​ഞ്ചാ​യ​ത്ത്​ വാ​ഹ​ന​ത്തി​ന് ഡീ​സ​ൽ അ​ടി​ക്കാ​നും പ​ണ​മി​ല്ലാ​തെ പ്ര​തി​സ​ന്ധി​യി​ലാ​ണ്. അ​ടി​യ​ന്തി​ര പ്രാ​ധാ​ന്യ​മി​ല്ലാ​ത്ത പ​ല യാ​ത്ര​ക​ൾ​ക്കും വാ​ഹ​നം ഉ​പ​യോ​ഗി​ക്കു​ന്ന​താ​യി മു​മ്പ്​ ആ​ക്ഷേ​പം ഉ​യ​ർ​ന്നി​രു​ന്നു. പ​ണ​മി​ല്ലാ​ത്ത​തി​നാ​ൽ ക​മ്മി​റ്റി യോ​ഗ​ങ്ങ​ളി​ൽ പ​ങ്കെ​ടു​ക്കു​ന്ന അം​ഗ​ങ്ങ​ൾ​ക്ക് മാ​സ​ങ്ങ​ളാ​യി ഉ​ച്ച​ഭ​ക്ഷ​ണം പോ​ലും ന​ൽ​കാ​റി​ല്ല.

ഇ​ത്ത​ര​ത്തി​ൽ ക​ടു​ത്ത സാ​മ്പ​ത്തി​ക പ്ര​തി​സ​ന്ധി അ​നു​ഭ​വി​ക്കു​മ്പോ​ഴും പ​ഞ്ചാ​യ​ത്തി​ന് ന​ല്ലൊ​രു തു​ക വ​രു​മാ​ന​മാ​യി ല​ഭി​ക്കേ​ണ്ട ഈ ​ഇ​രു​മ്പ് സാ​ധ​ന​ങ്ങ​ൾ ലേ​ലം ചെ​യ്ത് മു​ത​ൽ​ക്കൂ​ട്ടേ​ണ്ട​തി​നു പ​ക​രം ഭ​ര​ണ​സ​മി​തി​യി​ൽ ചി​ല​രു​ടെ പി​ടി​വാ​ശി​യും കെ​ടു​കാ​ര്യ​സ്ഥ​ത​യും കൊ​ണ്ട് ല​ക്ഷ​ക്ക​ണ​ക്കി​ന് രൂ​പ ന​ഷ്ട​മാ​വു​ക​യാ​ണ്.