പുലിവീഴാ പുഞ്ചിറ...

തൊ​ടു​പു​ഴ: കെ​ണി​യൊ​രു​ക്കി വ​നം​വ​കു​പ്പ്​ കാ​ത്തി​രി​ക്കാ​ൻ തു​ട​ങ്ങി​യി​ട്ട്​ ദി​വ​സ​ങ്ങ​ളാ​യി. പ​ക്ഷേ, പു​ലി പോ​യി​ട്ട്​ പൂ​ച്ച​പോ​ലും കെ​ണി​യു​ടെ പ​രി​സ​ര​ത്തെ​ങ്ങും വ​ന്നി​ട്ടി​ല്ല. എ​ന്നാ​ൽ, കെ​ണി​ക്കും വ​നം​വ​കു​പ്പി​നും പി​ടി​കൊ​ടു​ക്കാ​തെ പു​ലി വി​ള​യാ​ട്ടം തു​ട​രു​ക​യു​മാ​ണ്. ക​രി​ങ്കു​ന്നം പ​ഞ്ചാ​യ​ത്തി​ലെ ഇ​ല്ലി​ചാ​രി മ​ല​യും പ​രി​സ​ര പ്ര​ദേ​ശ​വും ‘പു​ലി​വീ​ഴാ പൂ​ഞ്ചി​റ’​യാ​യി മാ​റി​യി​രി​ക്കു​ന്നു. അ​പ്പു​റ​ത്ത്​ കെ​ണി​യൊ​രു​ക്കി കാ​ത്തി​രി​ക്കു​ന്ന​തി​നി​ട​യി​ലാ​ണ്​ ക​ഴി​ഞ്ഞ ദി​വ​സം ഇ​ല്ലി​ചാ​രി പൊ​ട്ട​ൻ​പ്ലാ​വി​ന്​ സ​മീ​പം മു​ല്ല​ക്ക​രി​യി​ൽ ഷാ​ജി​യു​ടെ ഫാ​മി​ൽ നി​ന്നും പു​ലി കോ​ഴി​യെ പി​ടി​കൂ​ടി ക​ട​ന്നു​ക​ള​ഞ്ഞ​ത്.

ഫാ​മി​ലെ ജോ​ലി​ക്കാ​ര​നാ​യ അ​തി​ഥി തൊ​ഴി​ലാ​ളി കോ​ഴി​ക​ളു​ടെ ക​ര​ച്ചി​ൽ കേ​ട്ട് എ​ത്തി​യ​പ്പോ​ഴാ​ണ് കൂ​ട്ടി​ൽ പു​ലി നി​ൽ​ക്കു​ന്ന​ത് ക​ണ്ട​ത്. ആ​ളെ ക​ണ്ട​തും കി​ട്ടി​യ കോ​ഴി​യെ​യും ക​ടി​ച്ചു പി​ടി​ച്ച് പു​ലി ക​ട​ന്നു. ഇ​യാ​ൾ ഓ​ടി മു​റി​യി​ൽ ക​യ​റി ക​ത​ക​ട​ച്ച് ഫോ​ൺ ചെ​യ്ത് ആ​ളെ​ക്കൂ​ട്ടി. പ​രി​സ​രം മു​ഴു​വ​ൻ തെ​രെ​ഞ്ഞെ​ങ്കി​ലും പു​ലി​യെ ക​ണ്ടെ​ത്താ​നാ​യി​ല്ല.

ര​ണ്ടു ദി​വ​സം മു​മ്പ് ക​ണ്ട​ത്തി​പീ​ടി​ക​യി​ൽ അ​തി​ഥി തൊ​ഴി​ലാ​ളി​ക​ൾ താ​മ​സി​ക്കു​ന്ന വീ​ടി​ന്റെ മു​റ്റ​ത്തും പു​ലി എ​ത്തി​യി​രു​ന്നു. ചൂ​ട് കാ​ര​ണം തൊ​ഴി​ലാ​ളി​ക​ൾ മു​റ്റ​ത്ത് ക​ട്ടി​ലി​ട്ടാ​ണ് കി​ട​ന്ന​ത്. തൊ​ട്ട​ടു​ത്ത് പു​ലി എ​ത്തി​യ​പ്പോ​ൾ അ​വ​ർ മു​റി​യി​ലേ​ക്ക് ഓ​ടി​ക്ക​യ​റി ര​ക്ഷ​പ്പെ​ട്ടു. പ​ഴ​യ​മ​റ്റം പാ​ല​ത്തി​ന് സ​മീ​പം തു​ളു​വ​നാ​നി​ക്ക​ലെ പൈ​നാ​പ്പി​ൾ തോ​ട്ട​ത്തി​ലും പു​ലി​യെ ക​ണ്ട​വ​രു​ണ്ട്. ​​അ​ജ്ഞാ​​ത ജീ​​വി ഇ​​ല്ലി​​ചാ​​രി മേ​​ഖ​​ല​​യി​​ൽ ഇ​​റ​​ങ്ങി വ​​ള​​ർ​​ത്തു​​മൃ​​ഗ​ങ്ങ​ളെ ​കൊ​​ന്നു​​തി​​ന്നു​​ന്നു​​വെ​​ന്ന വാ​​ർ​​ത്ത പ​ര​ന്ന​തോ​ടെ ഒ​രു മാ​സം മു​മ്പാ​ണ് തൊ​ടു​പു​ഴ​യി​ലെ പു​ലി​യെ​പ്പ​റ്റി സൂ​ച​ന ല​ഭി​ക്കു​ന്ന​ത്. പ​​ക​​ലും രാ​​ത്രി​​യു​​മാ​​യി പ​​ല​​യി​​ട​​ങ്ങ​​ളി​​ല്‍ പു​​ലി​​യെ ക​​ണ്ട​​തോ​​ടെ പ്ര​​ദേ​​ശം ഭീ​തി​യി​ലാ​യി. ക​ണ്ട​ത്തി​പീ​ടി​ക​യി​ലും തൊ​ടു​പു​ഴ ന​ഗ​ര​സ​ഭ​യി​ലെ മ​ഞ്ഞ​മാ​വി​ലും നാ​ട്ടു​കാ​ർ പു​ലി​യെ ക​ണ്ടു.

ഈ ​മേ​ഖ​ല​യാ​കെ വി​ഹ​രി​ക്കു​ന്ന പു​ലി​യു​ടെ കൂ​ടു​ത​ൽ സാ​ന്നി​ധ്യം സ​മീ​പ​പ്ര​ദേ​ശ​മാ​യ പൊ​ട്ട​ൻ​പ്ലാ​വി​ലാ​ണെ​ന്ന് തെ​ളി​ഞ്ഞു. ഇ​ല്ലി​ചാ​രി​യി​ൽ സ്ഥാ​പി​ച്ച കൂ​ട് അ​തോ​ടെ പൊ​ട്ട​ൻ​പ്ലാ​വി​ലേ​ക്ക്‌ മാ​റ്റി. എ​ന്നാ​ൽ കാ​ത്തി​രി​പ്പി​ന് ഫ​ല​മു​ണ്ടാ​യി​ട്ടി​ല്ല. മ​ഞ്ഞ​മാ​വി​ൽ പു​ത്ത​ൻ​പു​ര​ക്ക​ൽ സു​ദ​ർ​ശ​ന​ന്റെ പ​റ​മ്പി​ലാ​ണ് കാ​മ​റ വ​ച്ചി​രി​ക്കു​ന്ന​ത്. ആ ​വീ​ട്ടി​ലെ ര​ണ്ടു നാ​യ​ക​ളെ പു​ലി കൊ​ണ്ടു​പോ​യി​രു​ന്നു. അ​വ​ശേ​ഷി​ക്കു​ന്ന മൂ​ന്നു നാ​യ​ക​ളെ പി​ടി​ക്കാ​ൻ ഇ​നി​യും പു​ലി വ​ന്നേ​ക്കു​മെ​ന്നാ​ന്നാ​യി​രു​ന്നു പ്ര​തീ​ക്ഷ. എ​ന്നാ​ൽ, ര​ണ്ടു ദി​വ​സം ക​ഴി​ഞ്ഞി​ട്ടും പു​ലി കാ​മ​റ​യി​ൽ പ​തി​ഞ്ഞി​ട്ടി​ല്ല. മു​ട്ടം ഗ്രാ​മ​പ​ഞ്ചാ​യ​ത്ത് പ​ഴ​യ​മ​റ്റം ക​ണ്ടെ​ത്തി​പീ​ടി​ക​യി​ൽ പു​ലി​യെ ക​ണ്ട സ്ഥ​ല​ത്താ​ണ് മ​റ്റൊ​രു ക്യാ​മ​റ സ്ഥാ​പി​ച്ച​ത്. അ​വി​ടെ​യും പു​തു​താ​യി ഒ​ന്നും സം​ഭ​വി​ച്ചി​ല്ല. നാ​ട്ടു​കാ​രും വ​നം​വ​കു​പ്പും ജാ​ഗ്ര​ത​യോ​ടെ കാ​ത്തി​രി​ക്കു​മ്പോ​ഴും പു​ലി പി​ടി​കൊ​ടു​ക്കാ​തെ സ​മ​ർ​ത്ഥ​മാ​യി ഒ​ളി​ച്ചു​ക​ളി​ക്കു​ക​യാ​ണ്.

അ​തി​നി​ട​യി​ൽ, ഒ​രേ​സ​മ​യം പ​ല​യി​ട​ങ്ങ​ളി​ൽ പു​ലി​യെ ക​ണ്ട​താ​യും ഒ​ന്നി​ൽ കൂ​ടു​ത​ൽ പു​ലി​ക​ളു​ള്ള​താ​യും നാ​ട്ടു​കാ​ർ പ​റ​യു​ന്നു​ണ്ട്. ഇ​തോ​ടെ പു​ലി​യെ തേ​ടി എ​വി​ടെ​യി​റ​ങ്ങ​ണ​മെ​ന്ന ആ​ശ​ങ്ക​യി​ലാ​ണ്​ അ​ധി​കൃ​ത​രും നാ​ട്ടു​കാ​രും.

തേയിലത്തോട്ടത്തിൽ പശുവിനെ പുലി കൊന്നു

പീ​രു​മേ​ട്: തേ​യി​ലത്തോ​ട്ട​ത്തി​ൽ പ​ശു​വി​നെ പു​ലി കൊ​ന്ന നി​ല​യി​ൽ ക​ണ്ടെ​ത്തി. പാ​മ്പ​നാ​ർ ഗ്ലെ​ൻ മേ​രി തോ​ട്ട​ത്തി​ലാ​ണ് പ​ശു​വി​ന്‍റെ ജ​ഡം ക​ണ്ടെ​ത്തി​യ​ത്. ജ​ഡം കി​ട​ന്ന സ്ഥ​ല​ത്താ​ണ് തി​ങ്ക​ളാ​ഴ്ച തൊ​ഴി​ലാ​ളി​ക​ൾ തേ​യി​ല കൊ​ളു​ന്ത് നു​ള്ളേ​ണ്ടി​യി​രു​ന്ന​ത്. പ​ശു​വി​ന്‍റെ ജ​ഡം ക​ണ്ട​തോ​ടെ ഇ​വി​ടെ കൊ​ളു​ന്ത് ശേ​ഖ​രി​ക്കു​ന്ന​ത് ഒ​ഴി​വാ​ക്കി തൊ​ഴി​ലാ​ളി​ക​ളെ മ​റ്റു സ്ഥ​ല​ങ്ങ​ളി​ലോ​ക്ക് മാ​റ്റി. വി​ജ​ന മേ​ഖ​ലയാ​യ​തി​നാ​ൽ ഇ​വി​ടെ കൊ​ളു​ന്ത് ശേ​ഖ​രി​ക്കാ​ൻ തൊ​ഴി​ലാ​ളി​ക​ളും ഭ​യ​ക്കു​ന്നു. പാ​മ്പ​നാ​ർ, പ​രു​ന്തും​പാ​റ, പീ​രു​മേ​ട്, തോ​ട്ടാ​പ്പു​ര തു​ട​ങ്ങി​യ സ്ഥ​ല​ങ്ങ​ളി​ലും പു​ലി​യു​ടെ സാ​ന്നി​ധ്യം മു​മ്പ് സ്ഥി​രീ​ക​രി​ച്ചി​രു​ന്നു.