ജാഗ്രതൈ! വാഹനം എപ്പോൾ വേണമെങ്കിലും കത്തിയമർന്നേക്കാം

തൊ​ടു​പു​ഴ: ഓ​ടി​ക്കൊ​ണ്ടി​രി​ക്കു​ന്ന വാ​ഹ​ന​ത്തി​ന് തീ​പി​ടി​ക്കു​ന്ന സം​ഭ​വ​ങ്ങ​ൾ ജി​ല്ല​യി​ൽ പ​തി​വാ​കു​ക​യാ​ണ്. ജി​ല്ല​യി​ലെ വി​വി​ധ പ്ര​ദേ​ശ​ങ്ങ​ളി​ലാ​യി നി​ര​വ​ധി അ​പ​ക​ട​ങ്ങ​ളാ​ണ്​ ഈ ​വ​ർ​ഷം ന​ട​ന്ന​ത്. ജി​ല്ല​യി​ലെ വി​വി​ധ അ​ഗ്​​നി​ര​ക്ഷ യൂ​നി​റ്റു​ക​ളു​ടെ പ​രി​ധി​യി​ൽ ഈ ​വ​ർ​ഷം മാ​ത്രം 20 ഓ​ളം വാ​ഹ​ന​ത്തി​ന്​ തീ​പി​ടി​ച്ച സം​ഭ​വ​ങ്ങ​ളാ​ണ്​ റി​പ്പോ​ർ​ട്ട്​ ചെ​യ്ത​ത്.

തൊ​ടു​പു​ഴ അ​ഗ്​​നി ര​ക്ഷ യൂ​നി​റ്റി​ന്​ കീ​ഴി​ൽ ഒ​മ്പ​ത്​ വാ​ഹ​ന​ങ്ങ​ളാ​ണ്​ ഓ​ട്ട​ത്തി​നി​ടെ ക​ത്തി​യ​ത്. നെ​ടു​ങ്ക​ണ്ടം മേ​ഖ​ല​യി​ൽ നാ​ല്​ കേ​സു​ക​ളും മൂ​ല​മ​റ്റ​ത്ത്​ മൂ​ന്ന്​ കേ​സു​ക​ളും അ​ടി​മാ​ലി​യി​ൽ ഒ​രു കേ​സും റി​പ്പോ​ർ​ട്ട്​ ചെ​യ്തു. 2017 ന്​ ​ശേ​ഷം ഇ​തു​വ​രെ കു​ട്ടി​ക്കാ​ന​ത്തി​ന്​ സ​മീ​പം ഏ​ഴ്​ വാ​ഹ​ന​ങ്ങ​ളാ​ണ്​ തീ​പി​ടി​ച്ച​ത്.

നെ​ടു​ങ്ക​ണ്ടം തേ‍ഡ്ക്യാ​മ്പി​ൽ 2023 ജൂ​ൺ 18ന്​ ​ഓ​ടി​ക്കൊ​ണ്ടി​രു​ന്ന കാ​റി​നു തീ​പി​ടി​ച്ച് ഉ​ട​മ​ക്ക്​ പൊ​ള്ള​ലേ​റ്റി​രു​ന്നു. കാ​ർ പൂ​ർ​ണ​മാ​യും ക​ത്തി​ന​ശി​ച്ചു. കാ​ർ ഡ്രൈ​വ​ർ തേ​ഡ്ക്യാ​മ്പ്​ എ​ടാ​ട്ട് വീ​ട്ടി​ൽ ജ​യ​ദേ​വ​നാ​ണ്​ പൊ​ള്ള​ലേ​റ്റ​ത്. 2023 ഫെ​ബ്രു​വ​രി ആ​റി​ന്​ മ​റ​യൂ​ർ ചി​ന്നാ​ർ വ​ന്യ​ജീ​വി സ​ങ്കേ​ത​ത്തി​ൽ പ്ര​കൃ​തി​പ​ഠ​ന ക്യാ​മ്പി​ന്​ വി​ദ്യാ​ർ​ഥി​ക​ളു​മാ​യി പോ​യ സ്കൂ​ൾ ബ​സി​ന് ഓ​ട്ട​ത്തി​നി​ടെ തീ​പി​ടി​ച്ചു. ബ​സി​ൽ 40 കു​ട്ടി​ക​ളും നാ​ല്​ അ​ധ്യാ​പ​ക​രും ഉ​ണ്ടാ​യി​രു​ന്നു. എ​ല്ലാ​വ​രും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു.

മൂ​ന്നാ​റി​ൽ 2023 ജ​നു​വ​രി ര​ണ്ടി​ന്​ കൊ​ച്ചി-​ധ​നു​ഷ്കോ​ടി ദേ​ശീ​യ​പാ​ത​യി​ൽ ദേ​വി​കു​ളം റേ​ഞ്ച് ഓ​ഫി​സി​നു സ​മീ​പം വി​നോ​ദ​സ​ഞ്ചാ​ര​ത്തി​നെ​ത്തി​യ ആ​റം​ഗ സം​ഘം സ​ഞ്ച​രി​ച്ച കാ​ർ പൂ​ർ​ണ​മാ​യി ക​ത്തി​ന​ശി​ച്ചു. കോ​ട്ട​യം ക​ഞ്ഞി​ക്കു​ഴി സ്വ​ദേ​ശി അ​നി​ൽ ഡി​സൂ​സ​യും കു​ടും​ബ​വു​മാ​ണ്​ കാ​റി​ലു​ണ്ടാ​യി​രു​ന്ന​ത്.

ഇ​വ​ർ പ​രു​ക്കേ​ൽ​ക്കാ​തെ ര​ക്ഷ​പ്പെ​ട്ടു. വൈ​ദ്യു​തി ഷോ​ർ​ട്ട് സ​ർ​ക്യൂ​ട്ട് മൂ​ല​മാ​ണ്​ ക​ത്തി​യ​തെ​ന്നാ​ണ് അ​ഗ്നി ര​ക്ഷാ സേ​ന റി​പ്പോ​ർ​ട്ട്. 2023 ജ​നു​വ​രി ര​ണ്ടി​നാ​ണ്​ ക​ട്ട​പ്പ​ന-​കു​ട്ടി​ക്കാ​നം റൂ​ട്ടി​ൽ കു​ട്ടി​ക്കാ​നം മ​രി​യ​ൻ കോ​ള​ജി​നു സ​മീ​പം ഓ​ട്ട​ത്തി​നി​ടെ കാ​റി​നു തീ ​പി​ടി​ച്ച​ത്. പു​ക ഉ​യ​രു​ന്ന​തു ക​ണ്ട ഡ്രൈ​വ​ർ വാ​ഹ​നം നി​ർ​ത്തി യാ​ത്ര​ക്കാ​രെ വെ​ളി​യി​ലി​റ​ക്കി​യ​തി​നാ​ൽ അ​പ​ക​ടം ഒ​ഴി​വാ​യി. തി​രു​വ​ന​ന്ത​പു​രം സ്വ​ദേ​ശി​ക​ളാ​യ കു​ടും​ബ​മാ​ണു വാ​ഹ​ന​ത്തി​ലു​ണ്ടാ​യി​രു​ന്ന​ത്.

കാ​ല​പ്പ​ഴ​ക്ക​ം, ശ​രി​യാ​യ അ​റ്റ​കു​റ്റ​പ്പ​ണി​യു​ടെ അ​ഭാ​വം തുടങ്ങിയവ ഫ്യു​വ​ല്‍ ലൈ​നി​ല്‍ ചോ​ർ​ച്ച ക്കും​ അ​പ​ക​ട​ത്തിനും കാ​ര​ണ​മാകാമെന്നും മോ​​ട്ടോ​ർ വാ​ഹ​ന വ​കു​പ്പ​ധി​കൃ​ത​ർ ചൂ​ണ്ടി​ക്കാ​ട്ടു​ന്നു. ഉ​പ​യോ​ഗി​ക്കാ​തെ കി​ട​ക്കു​ന്ന വാ​ഹ​ന​ങ്ങ​ളി​ല്‍ എ​ലി മു​ത​ലാ​യ​വ​യു​ടെ ആ​ക്ര​മ​ണം മൂ​ല​വും ഇ​ന്ധ​ന​ചോ​ര്‍ച്ച ഉ​ണ്ടാ​കാം.

ഗ്രാ​മ​പ്ര​ദേ​ശ​ങ്ങ​ളി​ലും മ​ര​ങ്ങ​ള്‍ ധാ​രാ​ള​മാ​യി വ​ള​ര്‍ന്നു നി​ല്‍ക്കു​ന്ന പ്ര​ദേ​ശ​ങ്ങ​ളി​ലും വ​നാ​തി​ര്‍ത്തി​യി​ലും ചി​ല പ്ര​ത്യേ​ക ത​രം വ​ണ്ടു​ക​ള്‍ റ​ബ​ര്‍ കൊ​ണ്ട് നി​ർ​മി​ച്ച ഇ​ന്ധ​ന ലൈ​നി​ല്‍ വ​ള​രെ ചെ​റി​യ ദ്വാ​രം ഇ​ടു​ന്ന​ത് ശ്ര​ദ്ധ​യി​ല്‍പ്പെ​ട്ടി​ട്ടു​ണ്ട്.

വാ​ഹ​ന​ത്തി​ൽ വ​രു​ത്തു​ന്ന കൂ​ട്ടി​ച്ചേ​ർ​ക്ക​ലു​ക​ളും അ​പ​ക​ട​ങ്ങ​ൾ ക്ഷ​ണി​ച്ച്​ വ​രു​ത്തു​ന്നു​ണ്ട്​. കൂ​ടു​ത​ല്‍ വോ​ള്‍ട്ടേ​ജ് ഉ​ള്ള ഹോ​ണു​ക​ളും ലൈ​റ്റി​ന്റെ ആ​ര്‍ഭാ​ട​ങ്ങ​ളും സ്പീ​ക്ക​റു​ക​ളും എ​ല്ലാം അ​ഗ്‌​നി​ക്ക് കാ​ര​ണ​മാ​കാം. പ​ല വാ​ഹ​ന​ങ്ങ​ളി​ലും ഇ​ത്ത​രം മോ​ഡി​ഫി​ക്കേ​ഷ​നു​ക​ള്‍ക്ക് താ​ഴ്ന്ന നി​ല​വാ​ര​ത്തി​ലു​ള്ള ക​നം കു​റ​ഞ്ഞ വ​യ​റി​ങ്ങാ​ണ് ഉ​പ​യോ​ഗി​ക്കാ​റെ​ന്ന​ത്​ വ​യ​ര്‍ ക​രി​യു​ന്ന​തി​നും തീ​പി​ടി​ത്ത​ത്തി​നും ഇ​ട​യാ​ക്കും.

വാ​ഹ​ന നി​ർ​മാ​താ​ക്ക​ള്‍ നി​ഷ്‌​ക​ര്‍ഷി​ച്ചി​ട്ടു​ള്ള ഫ്യൂ​സു​ക​ള്‍ മാ​റ്റി കൂ​ടു​ത​ല്‍ ക​പ്പാ​സി​റ്റി​യു​ള്ള ഫ്യൂ​സു​ക​ള്‍ ഘ​ടി​പ്പി​ക്കു​ന്ന​തും വ​യ​റു​ക​​ളോ ക​മ്പി​യോ പ​ക​രം പി​ടി​പ്പി​ക്കു​ന്ന​തും പ്ര​ത്യേ​കി​ച്ച് പ​ഴ​യ വാ​ഹ​ന​ങ്ങ​ളി​ലും മ​റ്റും, തീ​പി​ടി​ത്ത സാ​ധ്യ​ത വ​ർ​ധി​പ്പി​ക്കു​ന്ന​താ​യാ​ണ്​ മോ​ട്ടോ​ർ വാ​ഹ​ന വ​കു​പ്പ്​ അ​ധി​കൃ​ത​ർ ചൂ​ണ്ടി​ക്കാ​ട്ടു​ന്ന​ത്.

തീ ​പി​ടി​ത്ത സാ​ധ്യ​ത ശ്ര​ദ്ധ​യി​ൽ​പെ​ട്ടാ​ൽ ഉ​ട​ൻ വാ​ഹ​നം ഓ​ഫാ​ക്ക​ണം. വാ​ഹ​ന​ത്തി​ൽ നി​ന്നും ഇ​റ​ങ്ങി സു​ര​ക്ഷി​ത അ​ക​ലം പാ​ലി​ക്കു​ക. ഒ​രി​ക്ക​ലും സ്വ​യം തീ ​അ​ണ​യ്ക്കാ​ൻ ശ്ര​മി​ക്ക​രു​ത്. തീ ​പി​ടി​ത്തം​മൂ​ലം ഉ​ൽ​പാ​ദി​പ്പി​ക്കു​ന്ന വി​ഷ​മ​യ​മാ​യ വാ​യു ജീ​വ​ന്‍ അ​പ​ക​ട​ത്തി​ലാ​ക്കി​യേ​ക്കാ​മെ​ന്നും അ​ഗ്​​നി​ര​ക്ഷ സേ​ന അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കു​ന്നു. 

ഓ​ട്ട​ത്തി​നി​ടെ ബൈ​ക്ക്​ ക​ത്തിന​ശി​ച്ചു

തൊ​ടു​പു​ഴ: ഓ​ട്ട​ത്തി​നി​ട​യി​ല്‍ തീ ​പി​ടി​ച്ച് ബൈ​ക്ക് പൂ​ര്‍ണ​മാ​യി ക​ത്തി ന​ശി​ച്ചു. തി​ങ്ക​ളാ​ഴ്ച രാ​വി​ലെ 10.30 ഓ​ടെ തൊ​ടു​പു​ഴ കോ​ലാ​നി പ​ഞ്ച​വ​ടി പാ​ല​ത്തി​ന്​ സ​മീ​പ​മാ​ണ്​ സം​ഭ​വം. ഒ​ള​മ​റ്റം പാ​റ​യ്ക്ക​ല്‍ യി​ന്‍സ​ന്‍ പാ​പ്പ​ച്ച​ന്റെ കെ​എ​ല്‍-6 35 ജി 9936 ​ന​മ്പ​ര്‍ ബൈ​ക്കാ​ണ് ക​ത്തി​യ​ത്. രാ​വി​ലെ തൊ​ടു​പു​ഴ​യി​ലേ​ക്ക് വ​രുക​യാ​യി​രു​ന്നു യിം​സ​ണ്‍.

വാ​ഹ​ന​ത്തി​ന്റെ എ​ന്‍ജി​ന്‍ ഭാ​ഗ​ത്ത്​ നി​ന്നും ചൂ​ട് അ​നു​ഭ​വ​പ്പെ​ട്ട​തി​നെ തു​ട​ര്‍ന്ന് ബൈ​ക്ക് നി​ര്‍ത്തി​യി​റ​ങ്ങി​യ​പ്പോ​ള്‍ തീ ​ക​ത്തു​ക​യാ​യി​രു​ന്നു. സ​മീ​പ​ത്തെ ക​ട​യി​ല്‍ നി​ന്നും വെ​ള്ളം വാ​ങ്ങി തീ ​കെ​ടു​ത്താ​ന്‍ ശ്ര​മി​ക്കു​ന്ന​തി​നി​ടെ പെ​ട്രോ​ള്‍ ടാ​ങ്കി​ലേ​ക്കും പ​ട​ര്‍ന്ന് ആ​ളി​ക്ക​ത്തി. തൊ​ടു​പു​ഴ​യി​ല്‍ നി​ന്നും ഫ​യ​ര്‍ഫോ​ഴ്‌​സ് സം​ഘം എ​ത്തി​യാ​ണ് തീ ​കെ​ടു​ത്തി​യ​ത്. ബൈ​ക്ക് പൂ​ര്‍ണ​മാ​യും ക​ത്തി ന​ശി​ച്ചു.