പിതാവ്​ കൊലപ്പെടുത്താൻ ശ്രമിച്ച പിഞ്ചുകുഞ്ഞി​െൻറ സ്​ഥിതി ഗുരുതരം

കൊച്ചി: പിതാവ്​ ​െകാലപ്പെടുത്താൻ ശ്രമിച്ച നവജാത ശിശുവി​െൻറ നില ഗുരുതരമായി തുടരുന്നു. ഗുരുതരമായി പരിക്കേറ്റ കുഞ്ഞ്​ കോലഞ്ചേരിയിലെ സ്വകാര്യ ആശുപത്രിയിൽ ചികിത്സയിലാണ്. സംഭവത്തിൽ കുഞ്ഞി​െൻറ പിതാവായ അങ്കമാലി ജോസ്പുരത്തു വാടകയ്ക്കു താമസിക്കുന്ന കണ്ണൂർ ചാത്തനാട്ട് ഷൈജു തോമസ് (40) അറസ്​റ്റിലായിരുന്നു. പെൺകുഞ്ഞായതി​െൻറ പേരിലാണ് ക്രൂരതയെന്നാണ്​ കരുതുന്നത്​.

അതിതീവ്ര പരിചരണ വിഭാഗത്തിൽ ചികിത്സയിൽ കഴിയുന്ന കുഞ്ഞി​െൻറ തലച്ചോറിൽ രക്തസ്രാവവും നീർക്കെട്ടുമുണ്ട്. മർദ്ദനത്തിൽ 54 ദിവസം മാത്രം പ്രായമായ കുഞ്ഞി​െൻറ കാലുകൾക്ക്​ ചതവേറ്റു.

ഈ മാസം 18ന്​ ഇവരു​െട വാടക വീട്ടിൽ വെച്ചായിരുന്നു സംഭവം. ഭാര്യയുടെ ​ൈകയ്യിൽ നിന്ന്​ കുഞ്ഞിനെ പിടിച്ചു വാങ്ങിയ ശേഷമായിരുന്നു ക്രൂരത. കുട്ടിയുടെ തലക്കടിക്കുകയും കട്ടിലിലേക്ക്​ വലിച്ചെറിയുകയും ചെയ്​തുവെന്ന്​ പൊലീസ്​ പറയുന്നു​.

ഫേസ്​ബുക്കിലൂടെ പരിചയപ്പെട്ടാണ് ജോസ്​ നേപ്പാൾ സ്വദേശിനിയായ യുവതിയെ ഒരുവർഷം മുമ്പ്​ വിവാഹം ചെയ്​തത്​. ഭാര്യയോടുള്ള സംശയവും ആക്രമണത്തിനു കാരണമായെന്ന്​ പൊലീസ് പറയുന്നു.