തദ്ദേശ സ്ഥാപനങ്ങളുടെ അനാസ്ഥ; മഴക്കാലപൂര്‍വ ശുചീകരണം തുടങ്ങിയില്ല

ചാ​ത്ത​ന്നൂ​ർ: മ​ഴ​ക്കാ​ല​പൂ​ര്‍വ ശു​ചീ​ക​ര​ണ പ്ര​വ​ര്‍ത്ത​ന​ങ്ങ​ള്‍ ആ​രം​ഭി​ക്കാ​ത്ത ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ക്ക് ആ​രോ​ഗ്യ​വ​കു​പ്പി​ന്‍റെ മു​ന്ന​റി​യി​പ്പ്. വാ​ർ​ഡ് ത​ല​ത്തി​ൽ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്താ​ത്ത ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ അ​നാ​സ്ഥ പ​ക​ര്‍ച്ച​വ്യാ​ധി​ക​ള്‍ ക്ഷ​ണി​ച്ചു​വ​രു​ത്തു​മെ​ന്ന് വ​കു​പ്പ് അ​റി​യി​ച്ചു.

ജി​ല്ല​യി​ലെ മ​ഴ​ക്കാ​ല പൂ​ർ​വ ശു​ചീ​ക​ര​ണം മേ​യ് 29ന് ​മു​മ്പാ​യി പൂ​ർ​ത്തി​യാ​ക്ക​ണ​മെ​ന്ന നി​ർ​ദേ​ശ​ങ്ങ​ളാ​ണ് ക​ല​ക്ട​ർ ന​ൽ​കി​യി​രു​ന്ന​ത്. എ​ന്നാ​ൽ, ന​ട​പ്പാ​യി​ല്ല.

ചാ​ത്ത​ന്നൂ​ർ ചി​റ​ക്ക​ര, ക​ല്ലു​വാ​തു​ക്ക​ൽ, ആ​ദി​ച്ച​ന​ല്ലൂ​ർ പ​ഞ്ചാ​യ​ത്തു​ക​ൾ കാ​ല​വ​ർ​ഷ​മെ​ത്തി​യി​ട്ടും മ​ഴ​ക്കാ​ല പൂ​ർ​വ ശു​ചീ​ക​ര​ണ പ്ര​വ​ർ​ത്ത​നം തു​ട​ങ്ങി​യി​ട്ടി​ല്ല. പു​തി​യ പ്ര​വൃ​ത്തി​ക​ള്‍ക്കാ​യു​ള്ള പ​ദ്ധ​തി​ക​ള്‍ പ​ല പ​ഞ്ചാ​യ​ത്തു​ക​ളും പൂ​ര്‍ത്തീ​ക​രി​ച്ചി​ട്ടു​മി​ല്ല. പാ​രി​പ്പ​ള്ളി, ക​ല്ലു​വാ​തു​ക്ക​ൽ, കൊ​ട്ടി​യം പോ​ലു​ള്ള ടൗ​ണു​ക​ളി​ല്‍ മാ​ലി​ന്യം ത​ള്ളു​ന്ന സ്ഥ​ല​ങ്ങ​ള്‍പോ​ലും ശു​ചീ​ക​രി​ക്കാ​ന്‍ പ​ഞ്ചാ​യ​ത്തു​ക​ള്‍ ത​യാ​റാ​യി​ട്ടി​ല്ല. ഫോ​ഗി​ങ്, ബ്ലീ​ച്ചി​ങ് എ​ന്നി​വ​യും ന​ട​ത്തി​യി​ല്ല.

ദേ​ശീ​യ​പാ​ത നി​ർ​മാ​ണം ന​ട​ക്കു​ന്ന​തു​മൂ​ലം പ്ര​ധാ​ന ടൗ​ണു​ക​ളി​ലെ​ല്ലാം ഓ​ട​ക​ള്‍ അ​ട​ഞ്ഞ് മ​ലി​ന​ജ​ലം കെ​ട്ടി​ക്കി​ട​ക്കു​ക​യാ​ണ്. പാ​രി​പ്പ​ള്ളി​യി​ൽ ഓ​ട​ക​ള്‍ ശു​ചീ​ക​രി​ക്കാ​ത്ത​തി​നാ​ല്‍ കൊ​തു​കു​ശ​ല്യം രൂ​ക്ഷ​മാ​യ​താ​യി വ്യാ​പാ​രി​ക​ള്‍ പ​റ​ഞ്ഞു.

ശു​ചീ​ക​ര​ണ പ്ര​വൃ​ത്തി ന​ട​ന്നി​ല്ലെ​ങ്കി​ല്‍ എ​ലി​പ്പ​നി​യും മ​ഞ്ഞ​പ്പി​ത്ത​വും ഡെ​ങ്കി​പ്പ​നി​യും ഹെ​പ്പ​റ്റൈ​റ്റി​സ് ബി​യു​മെ​ല്ലാം പ​ട​ര്‍ന്നു​പി​ടി​ക്കാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​കി​ല്ലെ​ന്നാ​ണ് ആ​രോ​ഗ്യ​പ്ര​വ​ര്‍ത്ത​ക​ര്‍ പ​റ​യു​ന്ന​ത്.