തിരുവല്ല: ഭർതൃമാതാവിനെ യാത്രയാക്കാൻ റെയിൽവേ സ്റ്റേഷനിലെത്തിയ യുവതി പ്ലാറ്റ്ഫോമിനും ട്രെയിനും ഇടയിൽപെട്ട് മരിച്ചു. കുന്നന്താനം നാട്ടുവാതുക്കൽ കുന്നേൽ മിഥുന്‍റെ ഭാര്യ അനുവാണ് (32) മരിച്ചത്. ശനിയാഴ്ച രാവിലെ തിരുവല്ല റെയിൽവേ സ്റ്റേഷനിലാണ് അപകടം. മിഥുന്‍റെ മാതാവ് അജിത സുരേന്ദ്രനെ ശബരി എക്സ്പ്രസിൽ ഹൈദരാബാദിലേക്ക് യാത്രയയക്കാൻ എത്തിയതായിരുന്നു അനു. സാധനങ്ങൾ അകത്തെടുത്ത് വെക്കുന്നതിനിടെ ട്രെയിൻ നീങ്ങിത്തുടങ്ങി. ഇതറിഞ്ഞ് പെട്ടെന്ന് ഇറങ്ങുന്നതിനിടയിലാണ് അപകടം. കാൽ വഴുതി പ്ലാറ്റ്ഫോമിനും ട്രെയിനുമിടയിലേക്ക് വീഴുകയായിരുന്നു. പെട്ടെന്ന് ട്രെയിൻ നിർത്തി ഇവരെ തൊട്ടടുത്തുള്ള ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ദുബൈയിലായിരുന്ന മിഥുനും അനുവും ഒരുമാസം മുമ്പാണ് നാട്ടിലെത്തിയത്. മിഥുന്‍റെ സഹോദരി മൃദുലയുടെ വിവാഹത്തിനാണ് വന്നത്. ഒരാഴ്ച മുമ്പ് മിഥുൻ മടങ്ങിപ്പോയിരുന്നു. അടുത്ത മാസം പത്തിന് അനു ദുബൈയിലേക്ക് പോകാനിരിക്കുകയായിരുന്നു. മൃദുലയും ഭർത്താവും അനുവിനോടൊപ്പം സ്റ്റേഷനിൽ എത്തിയിരുന്നു. ചങ്ങനാശ്ശേരി കോട്ടമുറി ഇരുപ്പപുരയിടത്തിൽ ഓമനക്കുട്ടന്‍റെയും രാധാമണിയുടെയും മകളാണ്. സംസ്കാരം പിന്നീട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.