കെ-​റെ​യി​ൽ കുറ്റികൾ പിഴുതെറിഞ്ഞ കേസ്​: പ്രതികളെ വെറുതെ വിട്ടു

കോ​ട്ട​യം: കെ-​റെ​യി​ൽ വി​രു​ദ്ധ​സ​മ​ര​ത്തി​ന്‍റെ ഭാ​ഗ​മാ​യി പാ​റ​മ്പു​ഴ കു​ഴി​യാ​ലി​പ്പ​ടി​യി​ൽ കെ-​റെ​യി​ൽ കു​റ്റി​ക​ൾ പി​ഴു​തെ​റി​ഞ്ഞ കേ​സി​ലെ പ്ര​തി​ക​ളെ കോ​ട​തി വെ​റു​തെ വി​ട്ടു. കേ​സ്​ നി​ല​നി​ൽ​ക്കി​ല്ലെ​ന്ന്​ ക​​ണ്ടെ​ത്തി​യാ​ണ്​ ഏ​റ്റു​മാ​നൂ​ർ ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ് എ. ​നി​സാം പ്ര​തി​ക​ളെ കു​റ്റ​മു​ക്ത​രാ​ക്കി​യ​ത്. ഡി.​സി.​സി പ്ര​സി​ഡ​ന്‍റ്​ നാ​ട്ട​കം സു​രേ​ഷ്, കേ​ര​ള കോ​ൺ​ഗ്ര​സ് ഉ​ന്ന​താ​ധി​കാ​ര സ​മി​തി അം​ഗം അ​ഡ്വ. പ്രി​ൻ​സ് ലൂ​ക്കോ​സ്, കോ​ട്ട​യം മു​നി​സി​പ്പ​ൽ കൗ​ൺ​സി​ല​ർ​മാ​രാ​യ സാ​ബു മാ​ത്യു, ലി​സി കു​ര്യ​ൻ, വി​നു ആ​ർ. മോ​ഹ​ൻ, എ.​വി. അ​നീ​ഷ്‌, കെ.​ജെ. ജോ​സ​ഫ് എ​ന്നി​വ​ർ ഉ​ൾ​പ്പെ​ടെ ഒ​മ്പ​ത്​ പ്ര​തി​ക​ളെ​യാ​ണ് വെ​റു​തെ വി​ട്ട​ത്.

കെ-​റെ​യി​ലി​ന്‍റെ അ​ട​യാ​ള ക​ല്ലു​ക​ൾ പി​ഴു​തു​മാ​റ്റി​യ​തി​ലൂ​ടെ സം​സ്ഥാ​ന സ​ർ​ക്കാ​റി​ന് 7594 രൂ​പ​യു​ടെ ന​ഷ്ടം വ​രു​ത്തി​യെ​ന്ന്​ ചൂ​ണ്ടി​ക്കാ​ട്ടി​യാ​യി​രു​ന്നു പ്ര​തി​ക​ൾ​ക്കെ​തി​രെ ഗാ​ന്ധി​ന​ഗ​ർ പൊ​ലീ​സ്​ പൊ​തു​മു​ത​ൽ ന​ശി​പ്പി​ക്കു​ന്ന​ത് ത​ട​യ​ൽ നി​യ​മ പ്ര​കാ​രം കേ​സെ​ടു​ത്ത​ത്. ഇ​തി​നെ​തി​രെ കെ-​റെ​യി​ൽ ഡെ​വ​ല​പ്മെ​ന്‍റ്​ കോ​ർ​പ​റേ​ഷ​ൻ ലി​മി​റ്റ​ഡ് എ​ന്ന സ്ഥാ​പ​നം സം​സ്ഥാ​ന സ​ർ​ക്കാ​റി​ന്‍റെ​യോ കേ​ന്ദ്ര സ​ർ​ക്കാ​റി​ന്‍റെ​യോ ഭാ​ഗ​മ​ല്ലാ​ത്ത​തി​നാ​ൽ കു​റ്റം പൊ​തു​മു​ത​ൽ ന​ശി​പ്പി​ക്ക​ൽ ത​ട​യ​ൽ നി​യ​മ​ത്തി​ന്‍റെ പ​രി​ധി​യി​ൽ വ​രി​ല്ലെ​ന്ന്​ ചൂ​ണ്ടി​ക്കാ​ട്ടി പ്ര​തി​ക​ൾ കോ​ട​തി​യി​ൽ അ​പേ​ക്ഷ ന​ൽ​കി. ഇ​ത്​ പ​രി​ഗ​ണി​ച്ചാ​ണ്​ കോ​ട​തി ഉ​ത്ത​ര​വ്. പ്ര​തി​ക​ൾ അ​ന്യാ​യ​മാ​യി സം​ഘം ചേ​ർ​ന്ന്​ ല​ഹ​ള​യു​ണ്ടാ​ക്കി​യെ​ന്ന പ്രോ​സി​ക്യൂ​ഷ​ൻ വാ​ദം തെ​ളി​യി​ക്കാ​ൻ ക​ഴി​ഞ്ഞി​ല്ലെ​ന്നും കോ​ട​തി നി​രീ​ക്ഷി​ച്ചു. കെ-​റെ​യി​ൽ കോ​ർ​പ​റേ​ഷ​ൻ ലി​മി​റ്റ​ഡ് സ്ഥാ​പി​ച്ച അ​ട​യാ​ള​ക്ക​ല്ലു​ക​ൾ പൊ​തു​സ്ഥ​ല​ത്താ​ണെ​ന്ന്​ തെ​ളി​യി​ക്കു​ന്ന ഔ​ദ്യോ​ഗി​ക ഗ​സ​റ്റ് പ​ബ്ലി​ക്കേ​ഷ​ൻ ഹാ​ജ​രാ​ക്കാ​ൻ സാ​ധി​ച്ചി​ല്ല, കെ-​റെ​യി​ൽ സം​സ്ഥാ​ന സ​ർ​ക്കാ​റി​ന്‍റെ ഭാ​ഗ​മാ​ണെ​ന്ന് തെ​ളി​യി​ക്കു​ന്ന രേ​ഖ​യും കോ​ട​തി​യി​ൽ ഹാ​ജ​രാ​ക്കി​യി​ട്ടി​ല്ല.

കെ-​റെ​യി​ലി​ന്‍റേ​താ​ണ്​ അ​ട​യാ​ള ക​ല്ലു​ക​ൾ എ​ന്ന് തെ​ളി​യി​ക്കാ​നാ​യി​ട്ടി​ല്ല, ക​ല്ലി​ടു​ന്ന​തി​ന് മു​മ്പ്​ സ്ഥ​ല ഉ​ട​മ​ക​ൾ​ക്ക് നോ​ട്ടീ​സ്​ കൊ​ടു​ത്തി​ല്ലെ​ന്ന വാ​ദ​ങ്ങ​ളും പ്ര​തി​ക​ൾ കോ​ട​തി​യി​ൽ ഉ​ന്ന​യി​ച്ചു. പ്ര​തി​ക​ൾ​ക്കു​വേ​ണ്ടി അ​ഡ്വ. ജ​യ്സ​ൺ ജോ​സ​ഫ് ഒ​ഴു​ക​യി​ൽ, അ​ഡ്വ. കെ.​ആ​ർ. രാ​ജേ​ഷ്, അ​ഡ്വ. നൃ​പ​ൻ വ​ട​ക്ക​ൻ എ​ന്നി​വ​ർ ഹാ​ജ​രാ​യി.