ബംഗാൾ സ്വദേശിയുടെ മരണം കൊലപാതകം; പ്രതി അറസ്റ്റിൽ

കോ​ഴി​ക്കോ​ട്: ന​ഗ​രമ​ധ്യ​ത്തി​ൽ പ​ശ്ചി​മ ബം​ഗാ​ൾ ഡാ​ർ​ജി​ലി​ങ് സ്വ​ദേ​ശി​യെ മ​രി​ച്ച നി​ല​യി​ൽ ക​ണ്ടെ​ത്തി​യ​ത് കൊ​ല​പാ​ത​ക​മെ​ന്ന് സ്ഥി​രീ​ക​രി​ച്ച പൊ​ലീ​സ് പ്ര​തി​യെ അ​റ​സ്റ്റു​ചെ​യ്തു. പ​ശ്ചി​മ ബം​ഗാ​ൾ വ​ർ​ദ്ദ​മാ​ൻ സ്വ​ദേ​ശി തൗ​ഫീ​ഖി​നെ​യാ​ണ് (ശ​ങ്ക​ർ-45) ടൗ​ൺ ഇ​ൻ​സ്​​പെ​ക്ട​ർ പി. ​ജി​തേ​ഷി​ന്റെ നേ​തൃ​ത്വ​ത്തി​ലു​ള്ള സം​ഘം മാ​ഹി റെ​യി​ൽ​വേ സ്‌​റ്റേ​ഷ​നി​ൽ നി​ന്ന് പി​ടി​കൂ​ടി​യ​ത്.

ജൂ​ലൈ 29ന് ​പു​ല​ർ​ച്ച ഒ​ന്നോ​ടെ റെ​യി​ൽ​വേ സ്‌​റ്റേ​ഷ​ൻ ലി​ങ്ക് റോ​ഡി​ലെ ക​ട​വ​രാ​ന്ത​യി​ലാ​യി​രു​ന്നു 65 വ​യ​സ്സ് തോ​ന്നി​ക്കു​ന്ന​യാ​ളെ മ​രി​ച്ച നി​ല​യി​ൽ ക​ണ്ട​ത്. ക​ഴു​ത്തി​ൽ മൂ​ർ​ച്ച​യു​ള്ള ആ​യു​ധ​മു​പ​യോ​ഗി​ച്ച് മു​റി​വു​ണ്ടാ​ക്കി കൊ​ല​പ്പെ​ടു​ത്തി​യ​താ​ണെ​ന്ന് പൊ​ലീ​സ് ആ​ദ്യ​ഘ​ട്ട​ത്തി​ൽ ത​ന്നെ ക​ണ്ടെ​ത്തി. പോ​സ്റ്റു​മോ​ർ​ട്ട​ത്തോ​ടെ കൊ​ല​പാ​ത​കം സ്ഥി​രീ​ക​രി​ച്ചെ​ങ്കി​ലും മ​രി​ച്ച​യാ​ളെ തി​രി​ച്ച​റി​ഞ്ഞി​രു​ന്നി​ല്ല. തെ​രു​വി​ൽ ക​ഴി​ഞ്ഞ​വ​രെ കോ​വി​ഡ് കാ​ല​ത്ത് താ​മ​സി​പ്പി​ച്ച ഉ​ദ​യം പു​ന​ര​ധി​വാ​സ കേ​ന്ദ്ര​ത്തി​ൽ ഫോ​ട്ടോ സ​ഹി​തം അ​ന്വേ​ഷി​ച്ച​തോ​ടെ​യാ​ണ് ഡാ​ർ​ജി​ലി​ങ് സ്വ​ദേ​ശി ആ​ഷി​ഖ് ഖാ​നാ​ണ് മ​രി​ച്ച​തെ​ന്ന് വ്യ​ക്ത​മാ​യ​ത്.

ആ​ഷി​ഖ് ഖാ​നു​മാ​യി അ​ടു​ത്ത ബ​ന്ധ​മു​ള്ള​വ​രെ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​ത്തി​ലാ​ണ് പ്ര​തി​യാ​യ തൗ​ഫീ​ഖി​നെക്കുറി​ച്ച​റി​യു​ന്ന​ത്. കൊ​ല​പാ​ത​കം ന​ട​ന്ന സ്ഥ​ല​ത്തെ സി.​സി.​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച​തോ​ടെ ​കൊ​ല​പാ​ത​കം സം​ബ​ന്ധി​ച്ച തെ​ളി​വു​ക​ളും ല​ഭി​ച്ചു.

ആ​ഷി​ഖ് ഖാ​നും തൗ​ഫീ​ഖും ത​മ്മി​ൽ വാ​ക്ക്ത​ർ​ക്ക​മു​ണ്ടാ​യ​താ​യി ചി​ല​ർ മൊ​ഴി​യും ന​ൽ​കി​യി​രു​ന്നു. തൗ​ഫീ​ഖ് എ​ത്താ​നി​ട​യു​ള്ള സ്ഥ​ല​ങ്ങ​ളെ​ല്ലാം അ​ന്വേ​ഷി​ക്കു​ന്ന​തി​നി​ടെ​യാ​ണ് മാ​ഹി റെ​യി​ൽ​വേ സ്‌​റ്റേ​ഷ​ൻ പ​രി​സ​ര​ത്ത് നി​ന്ന് പി​ടി​യി​ലാ​യ​ത്. തൗ​ഫീ​ഖ് മാ​ഹി​യി​ൽ നി​ന്ന് മ​ദ്യം കോ​ഴി​ക്കോ​ട്ടെ​ത്തി​ച്ച് വി​ൽ​പ​ന ന​ട​ത്താ​റു​ണ്ടാ​യി​രു​ന്നു. ഇ​ങ്ങ​നെ കൊ​ണ്ടു​വ​ന്ന മ​ദ്യം എ​ടു​ത്ത​തു​മാ​യി ബ​ന്ധ​പ്പെ​ട്ട ത​ർ​ക്ക​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​തെ​ന്നാ​ണ് പൊ​ലീ​സ് പ​റ​യു​ന്ന​ത്.

മ​രി​ച്ച​ത് ആ​ഷി​ഖ്ഖാ​ൻ ത​ന്നെ​യാ​ണെ​ന്ന് തി​രി​ച്ച​റി​യു​ന്ന ഔ​ദ്യോ​ഗി​ക രേ​ഖ​ക​ളൊ​ന്നും പൊ​ലീ​സി​ന് ല​ഭി​ച്ചി​ട്ടി​ല്ല. ടൗ​ൺ അ​സി. ക​മീ​ഷ​ണ​ർ ടി. ​അ​ഷ്‌​റ​ഫി​ന്റെ മേ​ൽ​നോ​ട്ട​ത്തി​ലാ​യി​രു​ന്നു അ​ന്വേ​ഷ​ണം. എ​സ്.​ഐ​മാ​രാ​യ കെ. ​മു​ര​ളീ​ധ​ര​ൻ, ജെ​യി​ൻ, ബൈ​ജു​നാ​ഥ്, സി.​പി.​ഒ​മാ​രാ​യ ര​മേ​ശ​ൻ, രാ​ജേ​ഷ്, ഷൈ​ജേ​ഷ്, ബി​ജു, ബി​നി​ൽ, വി​ജീ​ഷ്, ജി​തേ​ന്ദ്ര​ൻ, ര​തീ​ഷ്, ലി​ജു, അ​രു​ൺ​കു​മാ​ർ, ര​ഞ്ജി​ത്ത്, ശ്രീ​ജേ​ഷ്, പ്ര​ജി​ത്ത്, സി​റ്റി ക്രൈം ​സ്‌​ക്വാ​ഡ് അം​ഗ​ങ്ങ​ളാ​യ സു​ജി​ത്ത്, ഷാ​ലു, സ​ജേ​ഷ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.