ബേപ്പൂർ മറൈൻ എൻഫോഴ്സ്മെന്റ് വിങ് പട്രോളിങ് നടത്തി
കസ്റ്റഡിയിലെടുത്ത ബോട്ട്
കോഴിക്കോട്: അനധികൃത മത്സ്യബന്ധനം തടയുന്നതിന്റെ ഭാഗമായി രണ്ട് ബോട്ടുകൾ പിടിച്ചെടുത്തു. കൊയിലാണ്ടി, പുതിയാപ്പ ഹാർബറുകളിൽനിന്നാണ് ബോട്ടുകൾ പിടിച്ചെടുത്തത്. കടലിന്റെ ആവാസവ്യവസ്ഥയെ പ്രതികൂലമായി ബാധിക്കുന്ന രീതിയിൽ മത്സ്യ ബന്ധനം നടത്തിയതിനാലാണ് ബോട്ടുകൾ പിടിച്ചെടുത്തത്. ബേപ്പൂർ മറൈൻ എൻഫോഴ്സ്മെന്റ് വിങ്ങാണ് പട്രോളിങ് നടത്തി ബോട്ടുകൾ കസ്റ്റഡിയിലെടുത്തത്.
ഫിഷറീസ് അസിസ്റ്റന്റ് ഡയറക്ടറുടെ നിർദേശ പ്രകാരമായിരുന്നു പട്രോളിങ്. മത്സ്യസമ്പത്തിന് വെല്ലുവിളിയാകുന്ന അനധികൃത മത്സ്യബന്ധനം നടത്തുന്നവർക്കെതിരെ കർശന നിയമ നടപടികൾ സ്വീകരിക്കുമെന്ന് ഫിഷറീസ് അസി.ഡയറക്ടർ സുനീർ വി. അറിയിച്ചു.
ടീമിൽ മറൈൻ എൻഫോഴ്സ്മെന്റ് വിങ് ഇൻസ്പെക്ടർ , ഗാർഡ് ഷൺമുഖൻ, ഹെഡ് ഗാർഡ് രാജൻ, ഫിഷറി ഗാർഡുമാരായ ശ്രീരാജ്, ജിതിൻദാസ്, സീ റെസ്ക്യൂ ഗാർഡുമാരായ ഹമിലേഷ്, സുമേഷ്, മിഥുൻ, അമർനാഥ്, വിഘ്നേഷ്, മിഥുൻ, ശ്രീജിത്ത്, ശൈലേഷ് എന്നിവരും ഉണ്ടായിരുന്നു. കോഴിക്കോട് ഫിഷറീസ് ഡെപ്യൂട്ടി ഡയറക്ടർ ബോട്ടുകൾക്കെതിരെ തുടർ നിയമനടപടികൾ സ്വീകരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.