വെള്ളിമാട്കുന്ന്: മാനസിക വൈകല്യമുള്ള യുവതിയെ നിർത്തിയിട്ട ബസിൽ പീഡിപ്പിച്ച സംഭവത്തിൽ പ്രതിക്കായി പൊലീസ് ലുക്കൗട്ട് നോട്ടീസ്. ഒളിവിൽ കഴിയുന്ന പന്തീർപാടം പാണരുകണ്ടത്തിൽ ഇന്ത്യേഷ്കുമാറിന് (38) വേണ്ടിയാണ് കേസ് അന്വേഷിക്കുന്ന മെഡിക്കൽ കോളജ് അസി. പൊലീസ് കമീഷണർ കെ.സുദർശൻ വെള്ളിയാഴ്ച ലുക്കൗട്ട് നോട്ടീസ് പുറത്തുവിട്ടത്.
ചേവായൂർ പൊലീസിൽ 409/21 U/s376 (2) (1) 376 | P c ക്രൈം നമ്പറിലാണ് പ്രതിക്കെതിരെ കേസുള്ളത്. ഇയാളെക്കുറിച്ച് വിവരം ലഭിക്കുന്നവർ 949799 0115 നമ്പറിൽ വിവരമറിയിക്കണമെന്ന് പൊലീസ് അറിയിച്ചു. 2003ലെ കാരന്തൂർ കൊലപാതകകേസിൽ ശിക്ഷിക്കപ്പെട്ടയാളാണ് ഇന്ത്യേഷ്കുമാർ.
കുന്ദമംഗലം സ്വദേശികളായ മലയൊടിയാറുമ്മൽ വീട്ടിൽ ഗോപീഷ് (38), പത്താം മൈൽ മേലേ പൂളോറ വീട്ടിൽ മുഹമ്മദ് ഷമീർ(32) എന്നിവർ പൊലീസ് പിടിയിലായിട്ടുണ്ട്. കഴിഞ്ഞ ഞായറാഴ്ചയായിരുന്നു കേസിനാസ്പദമായ സംഭവം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.